لمبة ال n بتنور وتطفي والعربية مش راضية تنقل وصوتها بيعلى

**mody1221** · 25-01-2013 09:17 PM

يا افندم معنى ان لمبة ال n بتنور وتطفى يعنى الزيت فية مشكلة وعايز يتغير والكلام دة مكتوب ف الكتالوج بتاع العربية مش من عندى .
ولو جابب تتأكد اكتر روح التوكيل وقولة على المشكلة ان شاء الله مش حيكون فيها حاجة ف الفتيس نفسة هوا الزيت بس . والزيت بتاعها الاصلى موجود ف التوكيل وممكن تحط زيت موبيل للفتيس بس بلاش منة لانة بيبوظ الفتيس على المدى الطويل
استفسار صغير ازاى عربيتك 1600 ومش بترضى تغير النقلات ؟ الفتيس بتاعك cvt مافيهوش نقلات اصلا ياريت لو توضح اكتر ازاى مش بتنقل ؟

**ahmedhosssamy** · 26-01-2013 02:56 AM

صديقى المشكلة دى حصلتلى فى الكريستالة فك مشت سوكيت الفتيس فى مياة دخلتة نشفها كويس تتحل المشكلة و هو موجود فى الموتور

**alkawther60** · 26-01-2013 07:07 AM

المشاركة الأصلية كتبت بواسطة mody1221

يا افندم معنى ان لمبة ال n بتنور وتطفى يعنى الزيت فية مشكلة وعايز يتغير والكلام دة مكتوب ف الكتالوج بتاع العربية مش من عندى .
ولو جابب تتأكد اكتر روح التوكيل وقولة على المشكلة ان شاء الله مش حيكون فيها حاجة ف الفتيس نفسة هوا الزيت بس . والزيت بتاعها الاصلى موجود ف التوكيل وممكن تحط زيت موبيل للفتيس بس بلاش منة لانة بيبوظ الفتيس على المدى الطويل
استفسار صغير ازاى عربيتك 1600 ومش بترضى تغير النقلات ؟ الفتيس بتاعك cvt مافيهوش نقلات اصلا ياريت لو توضح اكتر ازاى مش بتنقل ؟

انا اقصد بعدم تغيير النقلات يعني تدوس بنزين بس الصوت يعلى وخلاص ومتاخدش سرعة زيادة كانك كده ماشي على التاني مش راضي تنقل تدوس بنزين الصوت يعلى والسرعة تزيد حاجة بسيطة بالرغم من اني ماشي على ال d