استفسار عن اسعار قطع غيار باسات 2000:2002

**m_ragab** · 26-02-2013 11:16 PM

سؤال بعد اذنكو لاصحاب الباسات
انا قصادى عربية باسات موديل 2002 1600 سى سى
وعربية bmw 318 موديل 1999 1800 سى سى
كنت عايز اعرف انهى فيهم الافضل من حيث الثبات والكماليات
مع العلم انى من عشاق الباسات وخصوصا الشكل الجديد الى بيبتدى من سنة 2001 الى 2004

**m_ragab** · 26-02-2013 11:22 PM

سؤال بعد اذنكو لاصحاب الباسات
انا قصادى عربية باسات موديل 2002 1600 سى سى
وعربية bmw 318 موديل 1999 1800 سى سى
كنت عايز اعرف انهى فيهم الافضل من حيث الثبات والكماليات
مع العلم انى من عشاق الباسات وخصوصا الشكل الجديد الى بيبتدى من سنة 2001 الى 2004

**m_ragab** · 26-02-2013 11:36 PM

سؤال بعد اذنكو لاصحاب الباسات
انا قصادى عربية باسات موديل 2002 1600 سى سى
وعربية bmw 318 موديل 1999 1800 سى سى
كنت عايز اعرف انهى فيهم الافضل من حيث الثبات والكماليات
مع العلم انى من عشاق الباسات وخصوصا الشكل الجديد الى بيبتدى من سنة 2001 الى 2004

**mody4990** · 03-03-2013 06:55 PM

أنا هجيب من الاخر
الباسات دي معايه اديلي فتره موديل 2000 1600 اوتو بس ماشاء الله
عربيه واسعه جدا وقويه جدا وثباتها قوي جدا وفراملها اتحدى بيها اي عربيه 2013 حتى ولو باسات الجديده
لو هتقارنها بال بي ام دبليو 1600 برده الباسات تكسب طبعا علشان كبالن فهتلاقي اكسلريشن احسن من الكرونه
أعتقد انها اكبر من بي ام بحجات بسيطه
الباسات من موديل 1998 الي 2004 تقدر تركبلها جنوط حتى مقاس 20 بوصه من غير اي تعديلات
قطع غيار معمره جدا جدا وأرخص من قطع غيار الانسر البومه في حجات كتير نازلها محرك 2800 سي سي دفع رباعي وبيركب عليها بدون اي مشاكل ولا تعديل في الشاسيه حتى العربيه دي بتكون ثقيله في طلعتها علشان وزنها قريب على 2 طن بالمكنه 1600 بس لو العداد وصل معاك لسرعة 60 كيلو العربيه بتتحول لتنين بجد
عربيه لو ركبتها مش هتفرط فيها بسهوله مع العلم اني ركبت عربية واحد صديقي مرسيدس سي 200 موديل 2012 بغض النظر عن فخامة المرسيدس بس محستش ان فيه فرق كبير قوي بينها وبين الباسات بتاعتي من ناحية الثبات والفرامل بالعكس حسيت ان عندي احسن بفروق بسيطه جدا والكلام ده بجد بدون ادنى مبالغه بس لازم قبل ما تشتري واحده تكشف عليها عند حد متخصص وموثوق فيه سعر النظيف منها بيتراوح من بين 70 الف الي 85 الف اقل من كده لو محترمه أشتريها على طول غير كده متسترخصش بجد
تمنياتي بالتوفيق
وشكرا

**امين موسى** · 09-07-2013 05:04 PM

ممكن حد يقولى العربية دى فى الاوتوماتيك كويسة ولا لا بس عن تجربة وياريت اسعار قطع الغيار للموديل دا من 1998 الى 2013 بس فى عام 2013 ياريت ياجماعة بجد مستنى الردود

**TOOLA** · 13-07-2013 01:57 PM

الردود باختلافها توضح ان فيه ناس فاهمة و فيه ناس بتزود الكلام شوية.

انا عموما ركوبتى اساسا كانت بورا بس ركبت الباسات و سوقتها كام مرة, و طبعا كنت بقابلها كتير عن الصنايعية.

مبدئيا لازم نوضح ان من أول 2001 حصل تغيير بسيط افضل فى الشكل انا شايفه اشيك, التغيير فى الفوانيس الأمامية و الخلفية و مسند اليد, التابلوه ماظونش فيه تغيير غير موديلات اضاف فيها شاشة المعلومات الحمرا الفى العداد.

فى حالة 1600 فده نفس ماتور البورا و الأوكتافيا a4, الماتور ده بشكل عام كسلان على السرعات الهادية و بيبتدى يجرى من اول 80 و انتا طالع, و عموما افضل اداء تخدو من اول 120.

لو هنتكلم على الأوتو 1600, فتجربتى مع الباسات مع التكييف فى السرعات الهادية فالعربية طلعتها ثقيلة جدا, و من عد ال 60 مبتتحولش تنين ولا حاجة, بتبتدى تسحب بس بردو فالعادى خالص (يمكن بيتحس ان الاداء اختلف و عشان كده مالك العربية بيتخيل انها بتتحول تنين) لكن لو كنت بتشد او سايق عربية تانية يابانى او اوروبى او كورى احدث, هتعرف ان لسه سحب العربية ثقيل لغاية ال 100. بعد ال 100 ال RPM بيكون عالى و داخل على ال 4000 لفة و ده السبب انها بتجرى و رغم انها ميزة فى السحب, لكن عيب فى الطرق الطوالى لو افترضنا انك ماشى 180 فال RPM بيفضل على 5500 لفة. الفتيس الأوتو شيفتاتو قصيرة.

بالنسبة للثبات انا صحيح مجرتش بيها, بس بشكل عام فيه اجماع على ان هذه السيارة ثباتها متوفق للغاية, و طبيعى لما تكون البورا و الأوكتافيا 4 مشهودلهم بالثبات القوى و هما عفشة خلفية ثابتة (دنجل) ووزن اقل, فما بالك بالباسات الأثقل و الأعرض و الأطول, و بعفشة مالتى لينك خلفية و 8 مقصات أمامية, اعتقد هتاخد افضل مستوى ثبات.

قطع الغيار الفولكس عموما فيها تفاوت كبير لأن فيه الأصلى و ده غالى بجنان (تيل فرامل الباسات ممكن يوصل ل 700 ج او اكتر), و فيه مش اصلى بس اسعاره مرتاحة (و ده الحل الأفصل بس يعتمد انتى هتشترى من مين) و اخيرا فيه مش اصلى مضروب و بيكون رخيص, بس في الضياع و كأنك بترمى فلوسك على الأرض. عموما انا عامل موضوع عن انطبعاتى عن محلات قطع الغيار و ورش الصيانة.

العربية ديه زمان كانوا بيهربوا منها عشان موضوع ال 8 مقصات, لأن كان لازم يتغيروا بالكامل (بيض المقصات مبيتغيرش لواحده لازم المقص كامل) و ال8 مقصات كانوا يلبسوك ب فى 8000 ج, بس اعتقد ديه مبقتش مشكلة دلوقتى خلاص بيتجابوا ب 2000 الى 2500 ج (مش اصلى او استيراد) و غاليا الأصلى مش هنلاقيه.
بشكل عام بأه:
مميزات العربية: وسع فظيع و ثبات عالى و قوة صاج خارجى و عربية حمالة قسية.

عيوب العربية:
ثقيلة جدا و انصح بصراحة تتركب ال 2000 سى سى الشكل المعدل بعد 2001 بس مع اختلاف فى مصاريف قطع الغيار.
ارتفاع عداد ال RPM على سرعات فى حالة ال 1600 الأوتو (و الكلام ده فيهم كلهم بورا و اوكتافيا و اودى, كلهم واحد).
اصوات زقزقة تقريبا فى كل موديلات البورا و الباسات من كونسول الفتيس و و التابلوه و شوية من الأبواب.

اسعار قطع الغيار:لا يحك جلدك مثل ظفرك, انزل محلات قطع غيار فى دمشق و الحرفيين و اسال بنفسك على العاوزه. فى الأخر انتى الهتشترى ولازم تتطمن بنفسك.

**alzelafy** · 16-07-2013 04:06 AM

عربيه من خير ما انتجته فولكس فاجن قطع غيارها ارخص من البومه فى حاجات كتييييير ..... اغلى و ارخم حاجه فيها الشدادات اللى بيقولو عليها مقصات و هم 8 امامى و سعرهم 2100 الالمانى و فى منهم الصينى و ب 1200 تقريبا هو دة اللى ممكن تصرفو فى العفشه تيل الفرامل التركى ب 120 و الريمسا ب 150 ( على فكرة انا راكب اودى ايه 4 و باسات 98 و الاتنين واحد موتور و عفشه ) العربيتين 1600 اوتو ..... من حبى فى الاودى جبنا الباسات كمان .... عربيات حماله اسيه بجد انا مسمى الاودى سفينه الصحراء عشان صالونها اجمل من الباسات و حاططلها جنط 17 و بجرى بيها جامد لكن الباسات 15 الاوريجنال ...... ارخم حاجه بردو فى العربيات دى الفتيس لازم تاخد بالك منو و من الزيت ( زيت الكهرباء الابيض قلت عليه قبل كدة ) و فتيسها ب 3500 جنيه مع الواجب ....... موتورها بيتعملو عمرة عادى و بتنجح و حاجه الموتور ال 1600 متوفرة فى السوق .... استهلاك بنزينها حلو جدا جدا طبعا انا بكلمك على العربيتين الفرامل بتاعتها فيها نوع من انواع السحر الله اكبر الله اكبر بجد مشفتش كدة ميعرفش قيمه فراملها الا اللى جرى بيها و حصلو موقف فجائى على الطريق و لازم فرامل صح الصح ...... بالنسبه للاعضاء الكرام اللى قالو ان العربيه طلعتها تقيله جدا ... لا العربيه طلعتها فى العادى انتا بتلاحظ بس انها اتقل فى الوزن شويه من اليابانى بالتالى مش بتدوس اوى عشان متهنهاش لكن لو دوست تقول معاك اوى ... اللى قال ان العربيه بتتحول تنين بعد ال 100 مكدبش و تغريك جدا انك تجرى و تديك احساس بالامان عشان يتنعم اوى اوى اوى بعد ال 100 ... و لما تحب تشد مع حد سيبو يعديك لحد ال 100 و بعد كدة قسم انتا عليه ..... بالنسبه للمقارنه بالبى ام اعتقد الدبانه نزلت لحد 99 ؟؟؟؟ او 99 غيها شكلين الدبانه و اللى بعدها ... لو المقارنه بالدبانه الباسات تكسب طبعا اوسع و قطع غيار ارخص بكتيير و موديل اعلى و اشيك و اكبر لكن لو المقارنه باللى بعدها اعتقد البى ام تكسب انا ركبت البى ام و هى واقفه بس حسيت بالفرق لكن الدبانه دى انساها خالص جنب الباسات ..... اعتقد الباسات ال 2002 مش هتلاقى منها اوتوماتيك قليله شويه مش عارف ليه بس حاول تركز فى ال 1600 ..... تكيفها شديد جدا لدرجه انك ممكن متشغلوش عشان بيجيب برد وقتى احنا بنتعب منو .... اى حاجه تانيه مقدور عليها سيور فلاتر صيانات فى العادى متخافش خالص ... و الله الموفق

**امين موسى** · 16-07-2013 02:09 PM

متشكر جداا على الرد الواضح واسف على الازعاج . طيب ممكن اعرف البولو 2000 او 2001 بس ال1400 قطع غيارها اية ومميزاتها وعيوبها واسف جدا على الاطالة

**MuhammedMohsen** · 03-09-2013 06:17 PM

المشاركة الأصلية كتبت بواسطة alzelafy

عربيه من خير ما انتجته فولكس فاجن قطع غيارها ارخص من البومه فى حاجات كتييييير ..... اغلى و ارخم حاجه فيها الشدادات اللى بيقولو عليها مقصات و هم 8 امامى و سعرهم 2100 الالمانى و فى منهم الصينى و ب 1200 تقريبا هو دة اللى ممكن تصرفو فى العفشه تيل الفرامل التركى ب 120 و الريمسا ب 150 ( على فكرة انا راكب اودى ايه 4 و باسات 98 و الاتنين واحد موتور و عفشه ) العربيتين 1600 اوتو ..... من حبى فى الاودى جبنا الباسات كمان .... عربيات حماله اسيه بجد انا مسمى الاودى سفينه الصحراء عشان صالونها اجمل من الباسات و حاططلها جنط 17 و بجرى بيها جامد لكن الباسات 15 الاوريجنال ...... ارخم حاجه بردو فى العربيات دى الفتيس لازم تاخد بالك منو و من الزيت ( زيت الكهرباء الابيض قلت عليه قبل كدة ) و فتيسها ب 3500 جنيه مع الواجب ....... موتورها بيتعملو عمرة عادى و بتنجح و حاجه الموتور ال 1600 متوفرة فى السوق .... استهلاك بنزينها حلو جدا جدا طبعا انا بكلمك على العربيتين الفرامل بتاعتها فيها نوع من انواع السحر الله اكبر الله اكبر بجد مشفتش كدة ميعرفش قيمه فراملها الا اللى جرى بيها و حصلو موقف فجائى على الطريق و لازم فرامل صح الصح ...... بالنسبه للاعضاء الكرام اللى قالو ان العربيه طلعتها تقيله جدا ... لا العربيه طلعتها فى العادى انتا بتلاحظ بس انها اتقل فى الوزن شويه من اليابانى بالتالى مش بتدوس اوى عشان متهنهاش لكن لو دوست تقول معاك اوى ... اللى قال ان العربيه بتتحول تنين بعد ال 100 مكدبش و تغريك جدا انك تجرى و تديك احساس بالامان عشان يتنعم اوى اوى اوى بعد ال 100 ... و لما تحب تشد مع حد سيبو يعديك لحد ال 100 و بعد كدة قسم انتا عليه ..... بالنسبه للمقارنه بالبى ام اعتقد الدبانه نزلت لحد 99 ؟؟؟؟ او 99 غيها شكلين الدبانه و اللى بعدها ... لو المقارنه بالدبانه الباسات تكسب طبعا اوسع و قطع غيار ارخص بكتيير و موديل اعلى و اشيك و اكبر لكن لو المقارنه باللى بعدها اعتقد البى ام تكسب انا ركبت البى ام و هى واقفه بس حسيت بالفرق لكن الدبانه دى انساها خالص جنب الباسات ..... اعتقد الباسات ال 2002 مش هتلاقى منها اوتوماتيك قليله شويه مش عارف ليه بس حاول تركز فى ال 1600 ..... تكيفها شديد جدا لدرجه انك ممكن متشغلوش عشان بيجيب برد وقتى احنا بنتعب منو .... اى حاجه تانيه مقدور عليها سيور فلاتر صيانات فى العادى متخافش خالص ... و الله الموفق

انا كلامكوا هنا شجعنى جدا انى ادور على باسات 2000 بس تكون حالتها نضيفه فلو حد قدامو حاجه يا ريت يساعدنى ... وياريت لو نصائح على الحاجات اللى اركز فيها وانا بدور يبقى تمام .. انا هتوكل على الله بس لو قطع الغيار طلعت غالية "ش هسامحكوا على فكرة

.... علشان انا يدوب حعايا تمنها ولو زياده يبقى 1000 2000 .. وانا عامتا بعت رسائل لاكتر ناس لقتها اتكلمت فى الموضوى ده ومنتظر ردهم وبشكرهم مقدما (gho_ah & alzelafy & mody4990 ) ولو يسمحولى اتصل بيهم عشان استفسر اسهل يبقى جزاهم الله خير