السلام عليكم جميعا. طبعا زى ما انتوا عارفين ان الصيانه فى التوكيل بتغير لزيت موبيل 1 و الصراحه ناس صحابى كتير شكرتلى جدا فى زيت شل :16:. فكنت عايز اعرف اذا كان حد جرب شل فى التريوس عنده و لو جربه بيحط انهى نوع من شل علما بانى بغير كل 10000 كم.
عرض للطباعة
السلام عليكم جميعا. طبعا زى ما انتوا عارفين ان الصيانه فى التوكيل بتغير لزيت موبيل 1 و الصراحه ناس صحابى كتير شكرتلى جدا فى زيت شل :16:. فكنت عايز اعرف اذا كان حد جرب شل فى التريوس عنده و لو جربه بيحط انهى نوع من شل علما بانى بغير كل 10000 كم.
استخدم التخليقي لزوجة الزيت المناسبة للعربية طبقا للدليل و في نفس الوقت المناسبة للجو
لأن مفيش حاجة اسمها زيت بيقعد 10 الاف و زيت بيقعد 5 الاف ديه فتية مش اكتر
غالبا اللي يناسبك شل الترا
لكن اولا العربية موديل كام ؟؟ و عاملة كام كيلو ؟؟
هى موديل 2008 و عامله 60 الف كيلو. و هو ايه الفرق ما بين التخليقى او العادى و ليه التخليقى احسن؟ معلش هتعبك معايا
اقتباس:
المشاركة الأصلية كتبت بواسطة Mohamed said
و لا يهمك يا باشا اي استفسار اتفضل :)
الفرق ان التخليقي مصنع بالكاملاما المعدني مستخرجو بالتالي الأول خواصه أفضل لأنه بيصنع طبقا لمواصفاتو هتلاقي التخليقي بيعيش اكتر فبيقولوا عليه زيت 10 الاف اما المعدني ممكن ميوصلش لـ10 الاف و يفقد خواصه فقالوا العدد بشكل تقريبي 5000
لكن ده غير حقيقي انا حطيت تخليقي قبل كده مكملش معايا 4 الاف بسبب ان طريقتي كانت عنيفة شوية في السواقة و حطيت معدني و كانت سواقتي هادية جداااا و من غير نزول وسط البلد و الاشارات وصل معايا لـ8000
فاللي يأثر ع الزيت طريقة السواقة و حالة الموتور و الجو و طبعا الشوارع و الزحمة
فأهم حاجة المتابعة لحالة الزيت لزوجته و ريحته اما ان الزيت لونه يغمق ده كويس لأنه كده بيقوم بوظيفته في تنضيف الموتور اما لو بينزل زي ما بتحطه يبقي و لا ليه لازمة
اما الزيت اللي يناسبك طالما العربية لسه و واضح انك بتحب تحافظ عليها فهو شل الترا هتلاقي الجيركن اسود او رمادي غامق مش فاتح لأن الفاتح ده شلHx8 و ع ما اتذكر لزوجته شل الترا 5w40 او 5w30 مش فاكر الحقيقة لأن المفروض ليه كذا لزوجة لكن هنا بينزلوا لزوجة واحدة مناسبة للجو بس غالبا 40
اما رقم 5 فده بيدل ع لزوجة الزيت في درجات الحرارة المنخفضة و بالتالي كل ما الرقم قل كل ما كان الزيت اسهل للوصول لاجزاء المحرك بسرعة في بداية التشغيل و ده اقل رقم هتلاقيه هنا فيه طبعا 0 لكن الكلام ده في 20 و 30 تحت الصفر يعني مش تبعنا ههههههه اما 5 فده كويس اوي لينا اما 30 او 40 فده بيدل ع درجات الحرارة العالية بيفضل محافظ ع لزوجته لحد درجة حرارة كام
متشكر جدا يا باشا على المعلومات القيمه دى. و فى انتظار حد يكون جرب فى عربيته التريوس و حس بفرق و لا لأ مع تغييره لشل عشان ننقل التجربه لباقى الاعضاء.
انا متابع معاك عشان معايا تيريوس 2007 و عامل 57 الف كيلو و بحط من الزيرو موبيل xhp و بنزلة على 5000 كم.
يا باشا تنور بس يا ريت حد يكون جرب و يرد علينا.
صديقنا العزيز
أن افضل زيت لمحركك هما اما موبيل 1 ( 10000 ) أو (5000 )
أو شل الترا 10000
وموضوع الارقام كما ذكر سابقا هى درجه تدفق الزيت من لزوجته على درجات الحراررة وهى منخفضة 0 فهرنهايت أو 210 درجه فهرنهايت عالية
ومثال ذلك مثلا الزيوت الموصى بها للسيارات الحديثة والتى تتنوع من شركه لاخرى هى multiviscosity:-
5w-30
10w-30
10w-30
-----------
20w-40
30w40
ولكن معظم التشغيل على sae10w-30
ويجب الانتباة ان الارقام تراجع على المنتج من كل شركة على حدى لأن ممكن ان نجد ارقام مختلفة ولكن النتيجة واحدة
ويجب ان نعلم ان الزيوت التى تستمر إلى 10000 هى زيوت تخليقية
ودون ذلك نجد ال5000 نصف تخليقى
والاقل هى زيوت تشحيم غرف الاحتراق ( نظام التشحيم وتزيييت غرف الاحتراق الداخلية ) وهى غير تخليقية
حيث ان الزيوت التخليقية تمتاز بإضافات منع الاحتكاك والتاكل .... ألخ
والخلاصة
يجب مراجعه الوكيل فى نوعية الزيوت المقترحه
حيث ان من عوامل تأكل اجزاء الماتور هو فى بداية التشغيل
وان دور لزوجه الزيت الموصى بها من الوكيل تسمح بضرورة ان يكون معيار الزيت خفيف لسرعه تدفقة فى مجارير ضخ الزيت طبقا لطبيعه الطقس فى البلد منخفض او شديد الحرارة
لذلك يجب استشارة الوكيل فى نوع الزيت لضمان الاداء السليم وهذه نصيحة ولك أن نتعمل بها او تتخطاها
وشكرا