هل فى كلاكس يركب لإلنترا 2010 بدون لعب فى الضفيرة واستفسارات اخرى

**sibrahim** · 25-01-2013 04:50 PM

أولا كل سنة وانتوا طيبين بمناسبة مولد سيد الخلق و يمناسبة ذكرى الثورة المجيدة

اتمنى الإفادة بخصوص كلاكس يركب لإلنترا 2010 بون لعب فى الضفيرة يعنى يكون اقوى من كلاكس العربية و فى نفس الوقت يكون لية نفس الفيشة

ايضا اريد شراء عدد اتنين رفرف امامى بس بسعر كويس غير السرقة بتاعة عمو غبور انا كنت شوفت فى المنتدى كلام عن رفارف موبيس ارخص بكتير من التوكيل

كمان عايز كف مرايا شمال كهربا و تقريبا كدة فيها تدفئ لأنى لقيت سلكتين بيركبو فى الزجاج بتاع المرايا و كمان غمازات المرايات عشان فى التوكيل ب 286 جنيه

اسف انى طولت عليكم بس ياريت الإفادة وكمان ياريت احسن مكان اجيب منه الحاجات ديه باسعار كويسة

شكرا جزيلا مقدما

**sibrahim** · 25-01-2013 09:46 PM

ممكن حد من السادة الأفضال يفيدنى

**samihanwar** · 26-01-2013 12:10 AM

انزل التوفيقيه وهتعرف كل حاجه
لان للاسف الاسعار اتغيرت بسبب الدولار

**sibrahim** · 26-01-2013 01:15 AM

شاكر افضال حضرتك - بس موضوع الكلاكس ده مفيش معلومة عنة - شاكر جدا

**sibrahim** · 27-01-2013 03:54 PM

ارجو المساعدة من الخبراء هل هناك كلاكس ينفع يركب للالنترا من غير لعب فى الضفيرة ولا ايه؟؟؟؟؟؟

**mahmoud_afifi** · 27-01-2013 11:04 PM

انا ركبت كلاكس فيام صناعه امريكي. هو عباره عن فردتين وممكن تركب فرده واحده.
للأمانه انا ماجربتش الصوت وهو فرده واحده وقمت مركب الاتنين على طول. بس لو عاوز فرده واحده هتركب مباشرة بدون لعب في الكهربا.

**Kareem.ElAraby** · 29-01-2013 01:54 AM

المشاركة الأصلية كتبت بواسطة sibrahim

أولا كل سنة وانتوا طيبين بمناسبة مولد سيد الخلق و يمناسبة ذكرى الثورة المجيدة

و انت طيب

اتمنى الإفادة بخصوص كلاكس يركب لإلنترا 2010 بون لعب فى الضفيرة يعنى يكون اقوى من كلاكس العربية و فى نفس الوقت يكون لية نفس الفيشة

نوع اسمه فيام أمريكاني بيتجاب من شارع دمشق بكام لا أفتي بس فيه صوتين و الرجل بيقولك كده بس هات صوت الالماني و فيه زي فيشه أو توصيله بتركب عشان تعرف تركب الفردتين و مش بتحتاج كتاوت عشان الالنترا فيها كتاوت أصلاا

ايضا اريد شراء عدد اتنين رفرف امامى بس بسعر كويس غير السرقة بتاعة عمو غبور انا كنت شوفت فى المنتدى كلام عن رفارف موبيس ارخص بكتير من التوكيل

لا أفتي حضرتك ما عنديش علم

كمان عايز كف مرايا شمال كهربا و تقريبا كدة فيها تدفئ لأنى لقيت سلكتين بيركبو فى الزجاج بتاع المرايا و كمان غمازات المرايات عشان فى التوكيل ب 286 جنيه:i_angr1[1]:

اتسرقوا مني أول ما جبت العربيه كفتين المرايات و دخت عليهم شهر و كان معايا واسطه وحياتك جوه غبور بس قطع الغيار ما كانتش موجوده بردو و اضطريت أستني
الكف الواحد كان ب220 جوه غبور و ممكن تلاقيه بره ب 120-170 بس خد بالك فيه مرايتين باشارات واحده مستورده و التانيه محلي غبور بيه عاملها هنا
ممكن صوره لمرايه عربيتك و أقولك
عمتا فيه 3 أحجام لكفوف المرايات واحد ب 50 بلبل و ده أول ما الو يا النترا و فيه موديلات بعديها بحجم أكبر شويه بس كان بردو من غير اشارات وديه ب 100 و فيه مرايه باشارات و ديه محلي و مستورد
الغمازات لا أفتي بس الغماز الواحد ب 300 جنيه
ليه هأضبط بيه جينيفر لوبيز !

اسف انى طولت عليكم بس ياريت الإفادة وكمان ياريت احسن مكان اجيب منه الحاجات ديه باسعار كويسة

التوفيقيه و شارع دمشق بس انزل لف برواقه و صبر

شكرا جزيلا مقدما

العفو حضرتك لو احتجت حاجه بردو تاني مفيش أي مشاكل اسأل

**mahmoud_afifi** · 29-01-2013 05:40 PM

المشاركة الأصلية كتبت بواسطة sibrahim

ربنا يكرم حضرتك و يبارك فيك و ان شاء الله هأسأل على الكلاكس ده فى دمشق بس هو فى أى احتياطات عند غسيل العربية و للا عادى

شكرا جزيلا للمساعده و جزاك الله كل الخير

جزانا واياك خير الجزاء يافندم

مفيش اي احتياطات خالص لأن هيبقى مكان الكلاكس الفبريكا. بس عشان تاخد بالك في الايام دي لو في عاصفه ترابيه ابقى حاول تشيل اي ورق جرايد او اي حاجه بتيجي في الشبكه الاماميه او من الاسفل لأنها بتيجي على الكلاكس وتخليه يفصل. بمجرد انك تشيل الورق ده الصوت بيرجع تاني. ده عن تجربه حصلت معايا في الكلاكس الجديد وبقاله سنتين اهو الحمدلله شغال كويس. وهتلاقي نوعين: امريكي وايطالي. انا ركبت الامريكي وصوته تقريبا زي البي إم.
بالتوفيق ان شاء الله.