الموضوع: حد جرب كاوتش r13/70/185 في الفيرنا ؟

المشاركة الأصلية كتبت بواسطة Amr Axel

الحمد لله اخبارك ايه يا باشا
بخصوص المقاس الجديد مش هيحصل غير ان ارتفاع العربية هيزيد و ده ممكن يضر بثبات الفيرنا
هل تعتقد ان 13/70/185 ارتفاعه هو هو 13/70/175 بالعكس الأول هيكون اعلي بنسبة بسيطة
اما موضوع الاحساس بالنقر و الحفر فده يعتمد ع نوعية الكاوتش اذا كان طري و لا ناشف ممكن الاحساس يقل لكن مش بالشكل المطلوب عايز تقضي ع الاحساس بالنقر و اي خبطة تبقي مكتومة تركب كاوتش طري شوية مع العلم ان عمره هيكون اقل من عمر كاوتش ناشف لكن هيريحك و في نفس الوقت تعمل عزل في الارضية من اول اخر التابلوه لحد الكنبة ورا و اسأل مجرب :)

http://www.nilemotors.net/Nile/330704-a.html

و بالتالي لو عايز بقي تزود الثبات و تعرض الكاوتش بدون ما تأثر ع الارتفاع اذن المقاس اللي هيظبط الثبات لو عايز 185 يبقي 13/65/185

اما بخصوص الآثار الاخري العداد مش هيكون قارئ قراية حقيقة يعني لو ع المقاس اللي قولتلك عليه اعتقد لو انت ماشية ع 90 هيقري في حدود 92 مش نسبة كبيير يعني

الحمد لله
بص انا مش فارق معايا الثبات اوي مش بعدي ال 100 عشان مش بطلع علي طرق سريعة كتير
نوع الكاوتش الحالي بريدجستون b250 ولو هغير هجيب بريدجستون بس مقاس 13\185\65 سألت عليه في بريدجستون مش موجود اللي موجود r13\185\70
هو انا بفكر في كاوتش عريض بحيث يريح العربية و العفشة و عشان بمشي في طرق مكسرة كتير و حديد عين القطة و الحك في المطبات
ده اللي خلاني افكر في المقاس ده
و بالنسبة لماركة بريدجستون فعلا ناعمة جدا جدا

ان شاء الله

المشاركة الأصلية كتبت بواسطة luckyman

انا ركبت المقاس ده فى اللانوس 185 - 70 - 13 ماركه كومهو سول والقديم الاصلي كان كومهو 175 - 70 - 13 العربيه بقت طريه جدا فى الفرمله والمطبات لان ضبط ضغط الهواء على 30 لكن لما قرات المكتوب على الكاوتيش بقيته 44 رحت مزود ل 44 رغم ان بتاع الكاوتش مش مقتنع لكن انا ليا اللي مكتوب والصانع موصى به ولقيت فعلا ان العربيه بقت انشف لكن لو غيرت للمقاس ده وضغط حوالى 30 ال 33 حيكون طري جدا فى المطبات لان العربية كانت بدب معايا وناشفه حتى لو باخد المطب على الخفيف
ملاحظه انا كنت مركب 15-55-205 لان تماسك اللانوس زباله وديما كنت فى الطري الصحراوي والسريع طبعا بقت عربيه تانية خالص لكن استهلاك غير عادي للبنزين وانخفاض ملحوظ فى العزم رحت مغير للمقاس اللى حضرتك عايز تركبه وتقبل تحياتى

اشكرك يالغالي

المشاركة الأصلية كتبت بواسطة amrelsaqqa

يا باشا ال70 دى مش رقم ثابت
دى نسبة من العرض
يعنى ال70 بتاعت الـ 160 غير الـ 170 غير الـ 180 غير الـ 210 مثلا

ممكن الايضاح ؟

انا فاهم ان ارتفاع الكاوتش ال 70 هيكون واحد فى مقاس 185 و 175 ولا ايه ؟

وهل لو العربيه هتعلى عن الطبيعي يبقي فرق التعريض ملوش لزمه فى الثبات ولا ايه ؟

متابع للاهميه
وشكرا

ايه رايكم فى مقاس 13/70/185
العفشجى بيقولى هياكل جلب معاك بسرعه
خليها على مقاس الخواجه ؟

بتاع الكاوتش بقا بيقولى ده 20 الف عربيه عاملين كده وتمام التمام

للعلم العربيه اجره
وبتتعرض لطرق مكسره كتييييييييييره واخرام اكتر
ربنا يفادينا جميعا

فهل الكاوتش الغالى هتفرق معاه الاخرام دى ولا اجيب نوع وسط فى السعر ويكون كويس فى الاداء زى ال gt مثلا