الموضوع: صور من معرض اوتوماك 2013

المشاركة الأصلية كتبت بواسطة mohab.nabil

الصور جميلة اوى بصراحة و تصوير احترافى فعلا .. الف شكر




يا باشا فين موضوع قطع الغيار اللى مش موجودة بصراحة انا مسمعتش عن اى حد كان محتاج حاجة فى ستروين و ملقهاش فى التوكيل و الموديلات اللى قبل الـ ds يعنى الـ c4,c3 و كده قطع غيارهم موجودة برة كمان .. الـ ds4 مش عربية سيدان خالص هى مبنية اساسا على الـ c4 و عربية sport بس طبعا حكاية الازاز ديه رخمة فعلا .. بس يعنى سيبت التحفة ديه كلها و جيت على النقطة ديه .. عموما عز العرب حرق الـ ds4 بعد ما نزلت الـ ds5

لا انا مش اقصد سيدان دى غلطة بس انا قصدى انها اربعة باب وبعدين النقطة دى متخلنيش اشترى العربية بصراحة وكلامى عن قطع الغيار على موديلات الـ ds وبعدين عز العرب سمعته سبقاه مش محتاج يعنى

المشاركة الأصلية كتبت بواسطة mohab.nabil

انا اللى اعرفه معاه ds3 و العربية احتاجت قطع غيار مش بتاعت الصيانة الدورية ( باب - زجاج خلفى .. ) و لقاها موجودة و مسمعتش عن حد اشتكى من نقطة توافر قطع الغيار فى ستروين .. لو بروتون اقولك ماشى ناس كتير اوى بتشتكى من الموضوع ده .. انا مش بدافع عنه بس هل فعلا فيه حد تعرفه معاه ds و ملقلهاش قطع غيار فى التوكيل ؟

يا باشا انا مش بتكلم على التوكيل بس .. انا بتكلم عامة

يعنى فيه ناس مش بتحب تتقيد بالتوكيل غير فى الصيانات الدورية ..
مثلا انا ليه اغير تيل فرامل فى بى ام امامى بـ 1600 لما ممكن اجيبه من برا بـ 1000 واصلى باردوا

وانت بتتكلم عن حسام اكيد .. اسأله كدا لما كان عاوز يشترى تيل فرامل من برا
الناس اصلا بتوع ستروين مكنوش عرفين ايه ds3 دى

المشاركة الأصلية كتبت بواسطة mohab.nabil

يا ياسر باشا انا كلامى كان واضح من الاول قولت قطع الغيار بتاعت كل العربيات متوفرة فى التوكيل .. و العربيات القديمة شوية ( الجيل اللى فات ) c4 و c3 موجودين برة .. مقلتش ان ds ليها قطع غيار برة

كلام سليم و انا كنت مع حسام مرة برضه سأل فى امير و جوزيف اللى هو كان مركز معتمد لصيانة ستروين و معرفوش برضه العربية ايه

بس انا مقدرش الوم التوكيل على الحتة ديه .. مش هيخلى التجار يجيبوا قطع غيار و بعدين اصلا مبيعات فئة ds كلها فى مصر اظن مش هتتعدى الف عربية مثلا فطبيعى محدش هيجيبلها قطع غيار .. زى مثلا نقول 6 series او x6 فى بى ام اظن صعب جدا تلاقيلهم حاجة برا لأن العربيات نادرة فمحدش هيجيبلها قطع غيار بس هتلاقى قطع الغيار عند التوكيل

و بصراحة اسعار قطع الغيار بعد ما سمعتها من حسام مش مبالغ فيها خالص بالنسبة لفئة العربية ..

ما هو دا اللى انا بتكلم فيه ان العربيات فعلا كويسة لحد ما بس المشكلة ان التوكيل بتاعها مش بيدى ثقة للمستهلك انه يشترى عربية منه لان سمعته للاسف مش قد كدا بغض النظر هو عنده قطع غيار ليهم ولا لا

يعنى انا لو قلت لولدى انا عايز اشترى ds5 مش هيرضى ابدا مش عشان العربية وحشة لكن علشان عز العرب .. نفس الكلام مع الفولفو باردوا

وبعدين موضوع قلة انتشار العربية دا فى رأى ضعف من التوكيل باردوا لان العربيات مش ناقصها حاجة عشان يعرف يسوقها .. غيره بيسوقوا لعربيات اقل بكتير بس بتبيع احسن عشان المستهلك بيكون عارف ان لما يشترى العربية هيكون فيه خدمة ما بعد البيع قوية

المشاركة الأصلية كتبت بواسطة mohab.nabil

لو على نقطة التسويق فـ معاك حق للاسف .. عز العرب فعلا فاشل فاشل بكل المقاييس فى التسويق و بحس ان الناس المسئولة عن الموضوع ده هناك واخدين الموضوع هواية مش شغل احترافى .. هو سمعته مش قد كده بس بيحسن من نفسه بصراحة .. و معظم السمعة جاية من مشاكل فى بروتون .. وفعلا المعاملة و الاداء فى التوكيل مختلف اختلاف كبير اوى بين بروتون و بين ستروين .. و اظن فولفو هتبقى احسن كمان و ده عيب بصراحة انه يصنف التعامل على حسب مستوى الماركة .. طبعا طبيعى ان عميل فولفو محتاج يدلع شوية عن ستروين و بروتون بس لازم يبقى فيه minimum للاداء و التعامل فى التوكيل .. و بعدين يا معلم اسأل حسام عن الـ ds و الله عربية محترمة جدا .. و لو بتفكر فى ds5 مترددش بصراحة عربية ممتازة و حاول تقنع الوالد ..

بصراحة قلة انتشار العربية ديه انا شايفه 70% يتحملها التوكيل و 30% يتحملها السوق الجاهل اللى معلى ماركات تعبانة على حساب ماركات نضيفة .. يعنى لو ستروين مثلا باعت كويس ما اكيد التجار هيجيبوا قطع غيارها و تبقى متوفرة فى كل مكان بس العيب على التوكيل فعلا اللى عنده عربيات ممتازة و مش عارف يسوقها

على فكرة 30% اللى يتحملها السوق مش عشان جاهل بس لكن معظم الناس بتقلق تشترى سيتروين او فرنساوى عامة بسبب بعض المشاكل اللى كانت فيه زمان زى المشاكل الكهربائية للاسف وعشان كمان محدش بيفهم فيه برا التوكيل وساعات كمان جوا التوكيل

وكمان عشان المستهلك عندنا مش بيحب العربيات الهاتش باك اوى .. يعنى معظم المستهلكين بيتجهوا للسيدان وكمثال على كدا السيراتو الهاتش باك مش باشوفها غير كل فين وفين بالرغم من الانتشار الرهيب للسيدان والكوبيه

وبعدين متزعلش منى بس ستروين اللى رفعها اليومين دول فى رأى نزول الفئات الـ ds مصر غير كدا كانت هتفضل ملهاش حس باردوا ومحدش بيجيب سيرتها

وربنا يهدى عز العرب ويعرف يحسن من نفسه عشان بالسمعة دى بيخسر جزء كبير من السوق