الموضوع: صور من معرض اوتوماك 2013

المشاركة الأصلية كتبت بواسطة yasserelsayad

يا باشا انا مش بتكلم على التوكيل بس .. انا بتكلم عامة

يعنى فيه ناس مش بتحب تتقيد بالتوكيل غير فى الصيانات الدورية ..
مثلا انا ليه اغير تيل فرامل فى بى ام امامى بـ 1600 لما ممكن اجيبه من برا بـ 1000 واصلى باردوا

وانت بتتكلم عن حسام اكيد .. اسأله كدا لما كان عاوز يشترى تيل فرامل من برا
الناس اصلا بتوع ستروين مكنوش عرفين ايه ds3 دى

يا صياد خد بالك إن عربيتك نازلة على الاقل من 4-5 سنين
إزاي عايز تقارن توفر قطع غيارها بعربيات نازلة من سنة واحدة

فكرك مثلا هتلاقي حاجة ال 3-series الجديدة بره التوكيل ؟؟!!!!
أي عربية بتاخد وقت عشان يتوفر قطع غيارها بره

مابالك بقى بـ citroen اللي مفيش عليها طلب كبير أصلا :)
و فئة ال DS دي كمان نادرة أكتر

المشاركة الأصلية كتبت بواسطة yasserelsayad

على فكرة 30% اللى يتحملها السوق مش عشان جاهل بس لكن معظم الناس بتقلق تشترى سيتروين او فرنساوى عامة بسبب بعض المشاكل اللى كانت فيه زمان زى المشاكل الكهربائية للاسف وعشان كمان محدش بيفهم فيه برا التوكيل وساعات كمان جوا التوكيل


اللي كان فيهم مشاكل ال clio وال megane قبل ال facelift
و دول اللي سوءوا سمعة الفرنساوي كله

اللي يضحك بقى إن renault هي أكتر عربية فرنساوي بتبيع

وكمان عشان المستهلك عندنا مش بيحب العربيات الهاتش باك اوى .. يعنى معظم المستهلكين بيتجهوا للسيدان وكمثال على كدا السيراتو الهاتش باك مش باشوفها غير كل فين وفين بالرغم من الانتشار الرهيب للسيدان والكوبيه

+1 بس السيراتو فشلت عشان فيه نسخة COUPE
والتوكيل كان منزل الإتنين بنفس السعر
طبعا محدش هيجيب HB ويسيب coupe

وبعدين متزعلش منى بس ستروين اللى رفعها اليومين دول فى رأى نزول الفئات الـ ds مصر غير كدا كانت هتفضل ملهاش حس باردوا ومحدش بيجيب سيرتها

وإيه اللي يزعل ده فعلا صح
هو اينعم فيه عربيات تانية حلوة زي c3 picasso و c5 و c4
بس فعلا ال DS line ده شد انتباه ناس كتير

وربنا يهدى عز العرب ويعرف يحسن من نفسه عشان بالسمعة دى بيخسر جزء كبير من السوق

أنا شايف إنه لو مش عايز proton يسيبهـا لانها فعلا عاملاله سمعة وحشة

المشاركة الأصلية كتبت بواسطة yasserelsayad

وبعدين موضوع قلة انتشار العربية دا فى رأى ضعف من التوكيل باردوا لان العربيات مش ناقصها حاجة عشان يعرف يسوقها .. غيره بيسوقوا لعربيات اقل بكتير بس بتبيع احسن عشان المستهلك بيكون عارف ان لما يشترى العربية هيكون فيه خدمة ما بعد البيع قوية

+1
بص كلنا متفقين إن عز العرب مش ممتاز

بس فعلا فيه توكيلات زيه أو أقل منه و عاملة مبيعات كويسة
شوف منصور و اباظة

عز العرب هو اللي فاشل في التسويق

شوف اباظة عامل إيه بال 508 و بيبيعها أغلى 25 ألف دلوقتي من ال c5
و فيها حاجات ناقصة عن ال c5 كمان