مشكلة بعد تغير فلتر بنزين
السلام عليكم ورحمة الله وبركاتة
ازيكم يا شباب
دلوقتى انا عندى مشكلة
امبارح غيرت طقم بوجيهات وجربت العربيه وكانت تمام ومافيهاش مشكلة وبعد صلاة الجمعه غيرت فلتر هواء وماجربتش
الصبح بقى من شويه غيرت فلترين بنزين والاتنين داخلين على الرداخ تقريبآ او واحد رداخ واحد كربراتير مش فاكر
المهم انا جبت الفلتر العادى ابو 5 جنيه
ودى الفلترات اللى كانت فى العربيه
https://fbcdn-sphotos-g-a.akamaihd.n...36859467_n.jpg
https://fbcdn-sphotos-d-a.akamaihd.n...05754148_n.jpg
المهم بعد ما غيرت قولت اجرب انا غيرتهم فى الاول علشان العربيه كانت بتتخنق منى ساعات لما ادوس بتنزين تتخنق فجأه وتسحب فجأه
فقولت اغير الحاجات دى علشان تفوق
بعد ما طلعت اجرب ماكنش فى حاجه وانا راجع بقى وخلاص دقيقه وهركن سمعت الماتور ساحب اوى كانى كابس بنزين مع انى ماكنتش كابس بنزين
روحت ممور وواقف لقيته برضه ساحب
اجى اطلع واسيب دبرياج وما ادوس بنزين الاقى العربيه بتجرى مش بتطلع واحده واحده
ركنت وبطلت شويه لقيت العربيه وهى بتبطل كأن فيها كهربا زياده بترجرج جامد بعد ما بطلت
سيبتها خمس دقايق تبرد وادور تانى نفس القصه بس مش زى الاول
مش عارف هل العيب فى الفلاتر ولا العيب فى البوجيهات مع العلم انى فكيت العمه وشيلت فلتر الهواء والعربيه دايره قولت يمكن عامل مشكلة وما حصلش اى حاجه
مش عارف بصراحه فى ايه
ده الفلتر اللى انا جيبته ركبت الاتنين زى بعض
http://t2.gstatic.com/images?q=tbn:A...TNuDE2yJqR&t=1