الموضوع: مشكلة بعد تغير فلتر بنزين

صباح الخير ؟

المشاركة الأصلية كتبت بواسطة elawany13

سلك الاكسراتير معلق
أو الشفاط مشدود

انا بصيت على سيلك الاكسراتير بس لقيته مش معلق ولا حاجه
بس الشفاط ده اللى هو فين ؟

المشاركة الأصلية كتبت بواسطة elawany13

فى العربيات القديمة نسبيا بيكون فيه زرار بتسحبه الصبح بيعلى الـ rpm علشان تسخين العربية
مفيش عندك حاجه زى كده ؟

اه موجود بسخن بيه العربيه الصبح بس انا شديته لما لقيت صوت العربيه عامل كده لقيت صوتها بقى انيل مع انها تقريبآ كانت طبيعيه قبل ما اغير فلاتر البنزين

ودلوقتى نزلت وفكيت مسمار الهواء شويه وبرضه صوتها وحش
وجربت انى اخليها تمشى على الدبرياج لقيتها بتجيب معايا 10 كيلو فى الساعه مش بتجرى ولا حاجه بس صوتها بقى غريب اوى اوى اوى

هل كل ده بسبب انى نضفت عمه الكربراتير وغيرت الفلاتر والبوجيهات ؟

المشاركة الأصلية كتبت بواسطة dr.hazem

ممكن فلتر البنزين كان مسدود والجديد مدخل بنزين اكتر ومحتاجه ظبط الهوا والبنزين من اول وجديد،...
تحياتي

sent from my se arc s using forum runner

هو ممكن لان الفلتر كان صغير وواحد كبير وانا الاتنين اللى ركبهم كبار والاتنين القدام شكلهم كان طالع عينهم وكمان العربيه كانت بتتخنق

بس ازاى اظبط الهوا والبنزين تانى ؟

الف شكر يا شباب انا روحت للميكانيكى وفتح العمه وزيت بوابه الكربراتير والشداد بتاع الهواء لانه فعلآ كان مزنوق علشان كده صوتها كان خشن وغيرت المايه بالمره لمايه خضراء والحمد لله صوت العربيه رجع اهدى من الاول لان البوابه التانيه بتاعت الكربراتير كانت معلقه من الاول وانا كنت حاسس ان العربيه مش بتسحب بس لسه ما جربتش سحبها على بعد ال 90 هيسحب بسرعه ولا لا ان النهارده مظاهرات فى كل مكان ويدوبك لفيت لفه ورجعت