الموضوع: هبد فى الدبرياج ومشكلة فى مروحه السربنتينه

السلام عليكم ورحمة الله وبركاتة

ازيكم يا شباب معلش ماليش غيركم بعد ربنا

عندى مشكلة كده ومش عارف انهى قواعد فيهم اللى المفروض تتغير ولا ايه نظامها

لما بسحب بالعربيه وانا بسيب دبرياج بسمع هبده مش عارف هل الهبده دى فى الفتيس قواعده رايحه ولا الهبده دى فى الماتور وقواعده هى اللى تعبانه ؟

وكنت عايز اسئل على حاجه كمان مروحه السربنتينه بتشتغل امتى لانى وانا فاتح الكبوت
لقيته واقفه قولت ادورها بأيدى لقيتها تقيله شويه علشان تقريبآ الشبكه لزقه فيها قولت مش مشكلة تشتغل وبعدين اعدلها
وبعدين شغلت التكيف قولت يمكن بتشتغل معاه شغلته على 1 ما اشتغلتش شغلته على 4 ما اشتغلتش فصلت ال ac ما اشتغلتش

فا انا مش عارف هى بتشتغل امتى ولا هى مش شغاله كده واتاكد ازاى

وكمان معلش اخر سؤال لو سير الدينمو بيعمل صوت الصبح مع الدواره يبقى كده مش مشدود

طب هل علشان مش مشدود احسن ان الكهرباء بتضعف ولما اشغل نور ولا ولاعه العربيه وهى دايره بارده الاقى الماتور غربل كده وكأنه بيزيد سحبه وعايز يبطل هل ممكن يكون ده سبب للمشكلة دى ؟

وجزاكم الله كل خير

المشاركة الأصلية كتبت بواسطة khaled_sabry

غالبا قاعده الفتيس مكسوره

مروحة السربنتينه المفروض بتشتغل لما العربيه تسخن الى حد معين (حسب الثرموثتات اللى موجوده فى الريداتير) لو عاوز تتأكد ان كانت شغاله و لا لاء استنى لما العربيه تسخن الى اقصى حد انتا متعود عليه و شوف كده
بس غالبا هى بتشتغل علشان لو ما اشتغلتشى حتلاقى العربيه سخنت اوى و دخلت فى الاحمر من زمان
و خليها ماتبقاش لازقه فى الشبكه علشان ماتعقوشى حركتها

سير الدينامو مادام بيعمل صوت يبقى مرخى لازم يتشد عند الميكانيكي و انتا واقف

جزاك الله كل خير بس انا عندى مروحتين يعنى مروحه السربنتينه مسؤله عن السربنتينه بس
ومروحه الردرياتير مسؤله عنه بس علشان كده العربيه مش بتسخن لما اشغل التكيف لكن الصبح التكيف مش بيعمل حاجه بسبب المروحه انا امبارح جبت لمبه وجربتها على البطاريه اشتغلت
اخدت كهربا من الفيشه اللى المفروض تدخل كهرباء للمروحه اصلآ لقيت الفيشه مش جايبه كهرباء

مش عارف بصراحه اجرب اشغل المروحه ازاى ؟
اللى اعرفه انها مع تشغيل التكيف بتشتغل