عاوز اشترى سكودا فابيا 1400 بس فى ناس كتير مخوفانى

**shshtawy** · 27-01-2013 01:39 PM

عاوز اشترى سكودا فابيا 1400 موديل ( 2001 -2005 ) بس فى ناس كتير مخوفانى
والله العظيم انا مندهش جدا مش لقى ولا موضوع واحد عن الفابيا والقسم كله مش عاوز يفيدنى فى اسعار وقطع غيارها مش عارف ليه
بعت رسايل لاكتر من عضوا بس مفيش رد
هل دا من قلة العربية ولا سؤء اختيار منى ولا ايه انا مش عارف
انا عاوز بس اعرف قطع غيارها ومحلات بيعها واسعرها فى التوكيلات علشان اخد خطوة شراها بس كل الناس مقلقانى منها جدا بسبب قلة انتشارها وقلة قطع غيارها

**EngAhmedSayed** · 27-01-2013 03:34 PM

يا عم متزعلش انا هرد عليك و الموضوع هنا لسه معروض يعنى مش بقاله كتيير
احنا هنا مخصصين تيم وورك للفابيا بس هو عامل بيات شتوى هيخلص امتا الله اعلم
بس جارى معالجة المشكله دى ان شاء
اولا مرحب بيك فى قسم سكودا
و نتمنى انى تشرفنا فى اى وقت
نبتدى للاستفسار حضرتك و انا هرد عليك بالنيابه عن تيم الفابيا

المميزات

الفابيا عربيه اعتماديه
خامات عالية الجودة
ثبات فوق الممتاز
صالون واسع جداااااا
يعنى ركوبه
عربيه فى مجاملها جميله
و اتمنى انى اجيب واحده
رافاهيه عاليه جدااااااااااااا
الفابيا قليله جداااااااا فى شوارع المحروسه و دى انا بعتبرها ميزة علشان مبقاش من عامة الشعب ههههههههههه

العيوب

اعادة البيع صعب بس لو انتا ناوى تجيبها و تخليها معاك فتره كبيره يبقى ده مش بالنسبالك عيب
قطع الغيار غاليه شويه و تدور عليها شويه
مش اى ميكانيكى بيشتغل فيها و مش اى ميكانيكى فاهم فيها

وده رد مقتبس من واحد زميلنا هنا فى القسم
الصيانة : لو من سكان القاهرة أو إسكندرية أو بورسعيد متشلش هم أى صيانة أو أعطال ولكن لو أنت من سكان الأقاليم هتتعب شويتيين فى صيانتها وممكن تتضطر تنزل بيها الحرفيين مثلا علشان فلتر زيت بش هيا للأمانة قليلة الأعطال جداااااااااااا

بالنسبة للسعر :

العربية رينجها من 44 : 49 حسب الحالة

وإعادة بيعها صعبة لة أنت بتحب تغير ولازم تخسر فيها يجى 5 بواكى

يارب اكون وافقة فى الشرح و احنا فى الخدمه
و اهلا بيك مره ثانبه
ربك المستعان

**shshtawy** · 27-01-2013 05:12 PM

شكرا لحضرتك يااستاذ مصطفى
انا ساكن جنب توكيل سكودا الى فى دير الملاك ودخلت سئلت على فطع غيارها قلولى موجودة وهى قريبة جدا من البولو والاوكتافيا
دا جميل بس هل اسعار التوكيل هاديه وزى برة ولا اضعاف برة التوكيل ولو فى حد معاه اسعار الفابيا فى التوكيل يبقى جزاه الله خيرا
وسمعت انها 3 سلندر 1000 سىسى و 1200
انما 1400 هل هى 4 ام 3 بردده سلندر
وهل الشبكة والاكصدامات موجودة برده فى محلات برة ولا فى التوكيل بس
اسف للاطاله بس انا هبيع وعاوز اجيب على طول وحابب شكل الفابيا لان بصراحة افضل شكل فى الهاتش باك الى موجود كله
انا ياجماعة مدرس شب وعاوز مادفعش الى الى معايا كل شويه فى قطع الغيار
وبصراحة انا معايا اونو بسم الله مشاء الله عمرها مقالتى اى حاجة دايما رافعة راسى وعمرها ماكسفتنى وكل اصحابى واخواتى وقفين ضدد فكرة الفابيا مع انى انا متمسك بيها جدا ومش عاوزيهم يضحكوا عليا
انا ان شاء الله هجيبها فايقة جدا حتى لو وصلت ل 50 الف

**Moratoz** · 27-01-2013 05:56 PM

ئل انا اعرفه قط غيارها قليله ومش اي حد بيفهم يشتغل فيها شوف حد بتاع قطع غيار سكودا قريب منك واسأله كل الاسئله الخاصة بقطع الغيار وانا كنت في نفس الحيرة دي من سنتين ومحبتي أجيبها في الاخر وجبت جوليت علشان قطع الغيار مع اعترافي بأفضليه الفابيا في حد ذاتها

**adiaa222** · 27-01-2013 07:26 PM

لو فى المستقبل ان شاء الله هتقدر تحوش وتصبر وتشترى عربية زيرو حتى لو تقسط لمدة سنتين هيبقى افضلك طالما معاك اونو مش بطال انا نفسى ان شاء الله هعمل كدة هصبر بالفليشيا للان مفيش عربية مستعملة هتملى عينى وتستحق افضل ادفع فلوس تصليح ليها كل شوية .
كل العربيات المستعملة تتساوى فى نظرى

**sakr_skoda** · 27-01-2013 07:52 PM

بصرحا احنا هنا بنشتكى من انعدام مشاكل الفيبيا هنا ودا دليل على انها عربية محترمه والزملاء هنا يشهدو بكدا....فتوكل على الله اكشف على الموتور والصاج العتب والحجات دى....*

**aw2100** · 27-01-2013 09:46 PM

المشاركة الأصلية كتبت بواسطة shshtawy

شكرا لحضرتك يااستاذ مصطفى
انا ساكن جنب توكيل سكودا الى فى دير الملاك ودخلت سئلت على فطع غيارها قلولى موجودة وهى قريبة جدا من البولو والاوكتافيا
دا جميل بس هل اسعار التوكيل هاديه وزى برة ولا اضعاف برة التوكيل ولو فى حد معاه اسعار الفابيا فى التوكيل يبقى جزاه الله خيرا
وسمعت انها 3 سلندر 1000 سىسى و 1200
انما 1400 هل هى 4 ام 3 بردده سلندر
وهل الشبكة والاكصدامات موجودة برده فى محلات برة ولا فى التوكيل بس
اسف للاطاله بس انا هبيع وعاوز اجيب على طول وحابب شكل الفابيا لان بصراحة افضل شكل فى الهاتش باك الى موجود كله
انا ياجماعة مدرس شب وعاوز مادفعش الى الى معايا كل شويه فى قطع الغيار
وبصراحة انا معايا اونو بسم الله مشاء الله عمرها مقالتى اى حاجة دايما رافعة راسى وعمرها ماكسفتنى وكل اصحابى واخواتى وقفين ضدد فكرة الفابيا مع انى انا متمسك بيها جدا ومش عاوزيهم يضحكوا عليا
انا ان شاء الله هجيبها فايقة جدا حتى لو وصلت ل 50 الف

نصيحة من اخوك لو العربية الأونو كويسة معاك ماتتبترش على النعمة احسن ربنا يوقعك فى عربية تعبانة وانت عارف التجار وخلى بالك الالمانى عموما لما بيفتح بيتكلف كتير فانت لو مش محتاج انك تغير العربية خليها ولو حتشترى انصحك تشترى عربية انت عارفها مع حد من معارفك او صحابك وعارف حالتها الهم فاشهد ؟؟؟؟
و لو نويت على بيعها طالب فى الاونو كام ؟

-

-

-

الموضوع: عاوز اشترى سكودا فابيا 1400 بس فى ناس كتير مخوفانى

LinkBack

أدوات الموضوع

عرض

عاوز اشترى سكودا فابيا 1400 بس فى ناس كتير مخوفانى - انشر الموضوع فى :

-

-

-

المواضيع المتشابهه

سحب عربيتي زى الزفت - سكودا فابيا 1400

ما رأيكم فى سيارة سكودا فابيا 1400 سى سى

مطلوب سكودا فابيا 1400

للبيع سكودا فابيا 2001 1400 سى سى

الكلمات الدلالية لهذا الموضوع

المفضلات

المفضلات

ضوابط المشاركة