الموضوع: نقول تانى علشان انا متحير

الواحد بصراحه ملوش نفس يتكلم من اللي بيحصل في البلد
و مش جايلي نفس اكتب حرف واحد

انا هاقول رأيي اللي انتا عارفه يا باشا والجماعه اللي هنا يصححوا لو فيه حاجه غلط ويضيفوا معلوماتهم عشان نخدمك يا صلاح باشا

مش معاك انك تجيب 16 300 وات فلوس علي الفاضي ممكن لو عايز تجيب ممكن تويتر بايونير او سوني ب100 جنيه تحطه علي الطابلوه من فوق عشان يقسملك الصوت وتوصله علي السماعات ال 16 اللي عندك وده كانك مركب كمبوننت وده علي فكره مكتوب في طرق التوصيل اللي موجوده في كتالوج السوني

وممكن تجيب السوني 440 وات دول وتحطهم علي الرف الخشب جنب اللي عندك ال 550 بس علي فكره في سماعه سوني 500 وات مقاسها 6×12 زي الكينوود الدبل بيز ولو لاقيتها كده هاتبقي جامده اوي وده موديلها XS-GTX6120L

او ممكن تعملهم رف ورا الكنبه ب 40 جنيه في الفتحه زي ما قلتلك واحنا عندنا بيركبوا 6 سماعات علي الرف اللي زي ده وبيبقي فرح جامد وشفتها كتير جدا

اما لو عايز تعمل بوكس

ممكن تجيب صب سوني 1000 300 rms ب 290 جنيه يعني نفس سعر السماعات

وتعمله بوكس ب 60 جنيه mdf 20 وابعاده 35 × 35 وعمقه 24 سنتي وحتة موكيت ب 20 جنيه و لزق كلله ب 8 جنيه واكسيه وعيش وادعيلي بس نفذ السمك والمقاسات وهاتتكييف منهان شاء الله

وانا كنت موصل علي الجي ام ده جوز بايونير وصب صيني تعبان كده وكان بيشتغله ساعه كده ويفصل فممكن توصل الاربعه علي الجي ام بص ابقي وطي الصوت

لكن اعتقد مش مستحب انك تمشي سلوك خارجه من الجي ام للسماعات في العتب والقوايم والبيبان اللي قدام لان لو عدي عليها الزمن واتعرت او اتخربش سلكها لاي سبب ما وبعدين لمست ارضي او طالها ميه هاتكون مشكله كبيره جدا

تصدق بالله انت فعلا محترم جدا جدا وبرنس جدا
انا اصلى لسه جاى من عند الراجل بتاع الصوتيات وهو اللى شار عليا تانى بموضوع انى اعلى فى سماعات البيبان وانى اوصلهم على الجى ام هما كمان بس كدا انت فعلا برنس من موضوع تعريية السلك مع الزمن دى ربنا يباركلك بجد
طيب السؤال هنا الصب اللى ب 290 جنية دا هل لو انا ركبتة على الجى ام وركبت ال 550 على الكاسيت مباشرة هيكون افضل بس الصب بمقاس 35 فى 35 هياكل الشنطة انا بحتاجها كتير
على فكرة الصوت مرضى بالنسبة ليا جدا دلوقتى بس ماعدا حاجتين ان الصوت وهو اقل من 13 مبحسش باى بيز زى ما بسمعه على 16 او 18 وانت طالع تانى حاجة الصوت مفيهوش سيرروند
دايما حاسس ان ورا اعلى من قدام
اما هو بيز السماعات اللى ورا حلو على الصوت العالى جدا يعنى لو على 25 اللى قاعد ورا ضهرة بيوجعه

للاسف البوكس بمقاسات اقل من كده مش هايديك بييز

وللاسف الاجابه هيا جي ام سيمفوني 260 ب 300 جنيه عشان تسمع من السماعات صوت وبيز
يا إما الصب والبوكس

انت عارف يا دكتور حودا انا ايه ناقصنى
اناقصنى انى انزل طنط اشكرك بنفسى على تعبك معايا واسلم عليك بجد انت تعبت معايا جدا
عارف انا استخرت الله ولقيت نفسى مقتنع بكلامك مهو انا لو غيرت السماعات الامامية هدفع فعلا فلوس على الفاضى وهرمى السماعات اللى عندى لانى اكتشفت انهامتجبش 50 جنية مع انى كنت شاريها ب 200 جنية والصب هدينى بيز كويس فعلا بس انا اجلت الخطوة دى شوية لحد ما اظبط الصوت فى ودانى واشوف هل فعلا هحتاج صب ولا اشترية وبعد يومين اشيلة وابيعه بخسارة وفعلا انا نويت لما انزل طنطا اكلمك اسلم عليك ياريت تبعتلى على الخاص رقم تليفونك وايميلك على الخاص لو سمحت

ومش عارف ليه انا حابب ماركة سونى اكتر برغم انكم كلكم مختلفين معايا فى النقطة دى حتى اللراجل اللى انا بتعامل معاه بتاع الكاسيت قالى السونى تجيبة كاسيت اما السماعات تجيب بايونيير
بس انا بحب الطقم كله يبقى واحد ولما جيت اشترى السى دى شكل البايونير معجبنيش خالص وغير كدا اغلى كتير من السونى دا غير ان ميدو باشا هنا جابة وكان بيقول حاجتين عنه معجبونيش فيه اول حاجة كانت ان اليو اس بى خلفية مش امامية وعاملها واصلة وحاططها فى الطابلوة طب يعنى دا كلام دانا فى عرض حد يلغيلى سلك اقوم اوصل سلك ووصلة
المهم تانى حاجة ان الميكروفون مش بلت ان بسلك وتعلقة فى القايم او الشماسة
السونى بقى الميكروفون بلت ان وحر فى نفس الوقت يعنى عاوز كدا ماشى عاوز كدا ماشى
عارف ان فى موديلات من البايو بى فيها اليو اس بى امامية بس مازال شكلة مش عاجبنى
وعلشان كدا انا اخترت ال 4050 زى ما ديل باشا نصحنى بيه الله يكرمه
بس هيا نقطة السماعات اللى انا معاكو فيها وبرضة مش معاكو قوى
لانى دلوقتى لما بعلى الكاسيت على 25 اللى اعد ورا ضهرة فعلا بيوجعه من البيز ودى يادوب سماعتين على جى ام
بس كل القصة ان فى الصوت الواطى على 10 مافيش بيز

يا باشا هوا انتا بتتعبني في ايه بس .دي غيتي . ومقدرش اقولك انا ببقي سعيد جدا لو حاجه من اللي اعرفها افادت حد

هوا فعلا الكاسيتات البايونير ممكن تحسسك ان صوتها انقي شويه من السوني

بس علي فكره بقي السوني 10 علي 10 وانا اقولك عن تجربه ان الكاسيت السوني ارجل بكتيييييييير من البايونير والكينوود في الاعتماديه والعمر وعدم حاجته للصيانه

ولو انتا سمعت اي عده سوني ياباني اصلي وشفت مدي اعتماديتها وقوة صوتها بالاضافه الي سعرها المنااااسب جدا بس للاسف احنا هنا محرومين من المنتجات اللي جودتها عاليه زي دي

ومبروك عليك العده يا معلم وعقبال ما تكملها ان شاء الله . لانها لما بتبقي مش كامله بتعمل للواحد:b4_592: وشششششششششش في دماغه .وكمان في جيبه

تسلم ياكبير انا لولا انى خايف من البيز الجامد بتاع الصب وحتة انى مش هثبتة وخايف يقعد يقلل فى الشنطة بس انا لو عملته هعملة بالمقاس اللى انت قولتلى علية بس على فكرة الراجل بتاع محل الكاسيت قالى البوكس هيكلفنى 200 جنية فحسيت انه بيشتغلنى فهشوف يا اما نجار يا اما وانا بجيب الصب هشترى البوكس جاهز من التوفيقية زى ما ديل قال قبل كدا بس لو استقريت انى فعلا هركب صب هثبت فى البوكس من ورا حتة حديدىة زى عليقة وهربطها فى المسمار الخاص بالجى ام

بس حتة وش فى دماغة ووش فى جيبة دى انا مش فاهمها !!!!!!!!!!!!!!!!!!!!!!