السلام عليكم ورحمة الله وبركاته
أنا جديد في عالم السيارات
وأود أن أستفيد من خبرتكم في هذا المجال
حتى أستطيع أن اعتمد على نفسي في كل ما يخص الأمور الإعتيادية في السيارة دون الإعتماد على أحد....
فكيف ابدأ ؟
وجزاكم الله خير
عرض للطباعة
السلام عليكم ورحمة الله وبركاته
أنا جديد في عالم السيارات
وأود أن أستفيد من خبرتكم في هذا المجال
حتى أستطيع أن اعتمد على نفسي في كل ما يخص الأمور الإعتيادية في السيارة دون الإعتماد على أحد....
فكيف ابدأ ؟
وجزاكم الله خير
وعليكم السلام ورحمة الله وبركاته
هنا فى منتدى نايل موترز قسم لكل ماركة سيارة فى مصر فاحضرتك تروح القسم اللى باسم ماركة عربيتة وتسأل عن ايه حتسأل عما تتعرض له من مشاكل لاقدر الله وتصفح القسم وتعرف على مشاكل الاصدقاء فى القسم لتتعرف عليها فور تعرضك لها وكيفية التخلص ايضا من المشكلة....*
اقرا الموضوع دى كدة الاول هتفيدك جداااااااا
http://www.nilemotors.net/Nile/30806-a.html
اقعد اقرا هنا في المنتدي ... في كل الاقسام ... لان في مشاكل كتير بتكرر
افضل لف واسأل وعيد وافهم ادق التفاصيل بس يارب الناس متزهقش منك زى ما بيزهقوا منى هههههههههههههه
بالمختصر لو معاك عربيه حديثه ومتأكد من حالتها يبقى كل اللى المفروض تعرفه الاتى:
1- تكشف على مية الريداتير ويفضل انك متفتحش الريداتير نفسه لو عربيه حديثه عشان ميخدش هوا وتشوف مستوى الميه من القربه ولو محتاج ميه يبقى تتأكد من النوعيه اللى مفروض تحطها (خضرا او حمرا)
2- مستوى زيت الماتور وحالته من خلال المقياس فى المانور (تتأكد بذلك والعربيه بارده) وتشوف الزيت واصل للعلامه المفروضه ولا لا ويفضل تشوف لونه ودرجة لزوجته وكل مايكون لونه غامق ولزوجته قليله معناه انه محتاج يتغير مع ضرورة عمل حساب للكيلو متر عشان تعرف تغيره كل اد ايه وحسب النوعيه اللى بتحطها
3- مقاس الهواء فى الكاوتش وغالبا بيكون 28 فى الصيف و30 فى الشتا وده عند اى واحد بتاع كاوتش بس لازم تأكد على بتاع الكاوتش عشان بيكون فى عيال صغيره بتزود الكاوتش وخلاص من غير ماتبص فى المقياس
4- يفضل انك تمون بنزين قبل ضوء المؤشر ماينور عشان الشوائب اللى فى التانك متوصلش الماتور .
5- خد بالك دايما من مؤشر الحراره عشان العربيه متسخنش منك واوعى تفتح الريداتير والعربيه سخنه (سبارك مفهاش مؤشر حراره بس مبتسخنش)
6- لازم تتعلم ازاى تغير الكاوتش وده شئ اساسى واكيد فى فيديوهات كتير تعرفك ازاى بس لازم لما تيجى تغير الكاوتش متكونش العربيه على طريق مائل او منحدر او مطلع ويفضل تحجرها.
اعتقد ان دى الحجات الاساسيه اللى المفروض تعرفها ولو انت معاك سبارك هى عربيه هايله جدا وحافظ على صيانتها فى التوكيل وزى ماقال المثل هين العربيه تهينك وربنا يستر طريقنا جميعا
جزاكم الله خير
نسأل الله أن يعلمنا وإياكم ما ينفعنا في ديننا ودنيانا...
اعد اقرا فى المواضيع اللى فى المنتدى واقرا فى كل حاجة متقولش انا هحتاج ده فى اى وعلى فكرة هتستمتع وانت بتقرا