السلام عليكم ورحمة الله وبركاته على اجمل ناس عصابة الاوبل
انا امبارح رحت اتفرجت على عربية اوبل فيكترا 2008 ايزيترونك هاي لاين عاملة 91 الف كيلو
فابريكة بالكامل ماعدا الاكصدامين والعتب مرشوشين في التوكيل
عاملة صيانة ال 90 الف في التوكيل وغير كل السيور وطرمبة المية ومركب 4 فرد كاوتش جديدة ميشلان اسباني وقاللي نروح التوكيل نعملها كشف شامل واي حاجة هتطلع فيها هو متكفل بيها
ملاحظاتي السلبية
الاكصدام الخلفي بيقولي ان كان فيه عربية بي ام دخلت فيه من ورا بس مش حادثة كانت خبطة بسيطة بس بس اثرت على زاوية الاكصدام اللي بتكون جمب النمر ورا وعملها في التوكيل بس قاللي الخبطة مش مأثرة على جسم العربية تماما من الداخل
ريش هوايات التكييف الرأسية ملغبطة كدة زي ما يكون مكسرة كلها في الاربع هوايات الامامية
الفانوس الامامي فيه زي خبطة كدة بس مش مكسور هي بقعة كدة مضغوطة للداخل حاجة بسيطة
العربية مافيهاش خرابيش غير هو خربوش طوله حوال 15سم في باب السواق
غير كد العربية ما شاء الله من الداخل نضيفة جدا جدا وواضح انه مهتم بيها جدا. غير انه بيعمل كل حاجة في التوكيل وكمان هو شغال في شركة موبيل.
هو كان طالب 110 بس انا كلمته على 100 ومنتظر منه تيليفون بالموافقة او ارفض
بس هو بنسبة كبيرة او مؤكدة موافق على ال 100
هل كدة السعر كويس ولا المفروض تنزل عن كدة؟؟؟
لون العربية ازرق مترو والفرش الداخلي جلد اسود
انا كنت اتمنى حد من عمالقة الفيكترا سي يجي معايا وانا بتفرج عليها علشان ينصحني.
بارك الله فيكم والف شكر على المساعدة