الموضوع: أغرب فيديو شوفتة .. نيسان باترول !!! خيال

بص يا كبير اللي انا فاهمه ان العربيه دى فى الامارات بيموتو فيها و بيسموها ( الفتك ) نيسان فتك ... هى مالهاش دعوة بالهامر و الجيمس و الاودي و الكلام ده كله جميل بالنسبه ليها .. بس هى مستوي تانى من عربيات ال 4X4 تقريبا كده ال 3 عربيات دول من وجهة نظري ماينفعش يتنافسو
1 - Nissan Patrol
2 - Toyota Land cruiser بكل انواعها الربع و الفل و كله
3 - Land Rover Range Rover

المشاركة الأصلية كتبت بواسطة AHMED_HAMDY

+++++++++++++++++++

بس نسيت الهارتوب

النيسان بترول الكوبيه
وانا في الامارات كنت بعشق ال3 دول بجد

3 في القمه ميتنافسوش مع اي عربيه

انا حبيت اوضح اصل فى ناس من كتر ما بتشوف الهامر فى التيليفزيون و الافلام و كده يعنى بقي عندها نوع من الاقتناع ان السيارات دى .. كفاءه :D و هى علي قد حالها شوية .. انا سوقت Hummer H2
العربيه اصلا عالاسفلت بتاع بلدنا ( اللى كله طالع نازل ده مش الحلو بتاع بلاد بره ) بتبقي حاسس بكل تضاريس الطريق .. يعنى بالبلدي العربيات الجميله بتاعتنا امو 100 و 200 الف جنيه تضربها بالشوز :D
و بالنسبه للتويوتا اللاند كروزر في مقوله مشهورة عنها ( مايوقفهاش الا فضي التانك )
و الباترول . مش محتاجة كلام
و اللاندر روفر ... دى التكنولوجيا بعينها بقي بس يعنى مش ممتعه اوى لان المغامرة فى الباترول و الكروزر اكبر و اكتر بيكون فيها متعه اكبر انا هجيبلكو فيديو لامكانيات الروفر
ده فيديو صعود على زاويه 45 درجة :) طبعا مافيش اجمد من كده ولا جيب ولا هامر ولا وجع دماغ
Range Rover Sport extreme hill climbing - YouTube

بص يا غالى
فى الفيديو و عند الثانية2 من العرض ثبت الفيديو حتشوف حاجة شكل الماسورة السوداء اللى خارجة من عند حوض العربية و طالعة فوق المراية اليسرى ده اسمه شرنكل و ده بيسحب هواء المحرك من فوق مستوى المياه و ده اكيد يوضحلك ان الاجزاء الداخلية للمحرك مجهزة للخوض فى الماء و حتى عند غمر السيارة بالماء لمستوى متر تقريبا تستمر السيارة فى السير عادى
و على فكرة مش كل العربيات من النوع ده مجهزة كدة دى بتكون تعديلات بالطلب
ارجو ان اكون وضحت على قد معرفتى