الموضوع: جراج السيات لكل الفئات

المشاركة الأصلية كتبت بواسطة karim ibiza

السلام عليكم يارجالة

كنت بتصفح فى المنتدى فى قسم من الأقسام لقيت موضوع عجبتنى فكرته وهو ان معظمنا لما بنروح نغير قطعة فى عربياتنا بنغير معاها حاجات تانية من منطلق (بالمرة) وغالبا بتكون سليمة بس بنغيرها عشان يكون كله عمر واحد

يعنى مثلا: انا غيرت موتورى كامل بالفتيس والضفيرة عشان عامود الكرنك كان فيه بووش بس الفتيس سليم 100% والاسطوانة تقريبا بتاعت الفبريكة لانى غيرت الموتور وكان عامل 104 ألف كيلو

بس المهم ان يكون سعرها أقل من سعر الاستيراد بفرق يستاهل

الهدف من الموضوع ده ان كله يستفاد وممكن كمان اخواتنا فى قسم الفولكس والاسكودا يشاركونا نظرا لأشتراك الموتور والعفشة بيننا

بالنسبة للمحافظات خارج القاهرة: انا ممكن اعمل اتفاق مع شركة تنقل اللى احنا عايزينه بأسعار كويسة

برجاء من الأدارة تثبيت الموضوع

وشكرا

طبعا الموضوع ده انا كنت بفكر فيه من كام يوم كده بعد المقابله بس كنت بقول اننا نعمل فكره التصليح يعنى مثلا انا بعرف اصلح حاجه معينه بقول عليها والى عنده الحاجه ديه بايظه يجيلى وانا اعملها

المشاركة الأصلية كتبت بواسطة hossamalsadik

قكره كويسه
للأسف انامعنديش حاجه من القديم بسبب انى بوزعه اول باول عشان الكركبه وكده اما الجديد فربنا يبارك مافيش حاجه لسى

بس الموضوع ده هتلاقى أعضاء ليسوا بالقليل شاركوا فيه

وربنا يوفق الجميع


__________________

انا كمان نفس الكلام الى بفكه للاسف لو معرفش حد محتاجه برميه بلاش كركبه بس من هنا ورايح لو حاجه شغاله وتنفع انا هعرضها فى المنتدى
وربنا يستر طريقى وطريقكم

بصراحة موضوع ممتاز ياكريم ويستحق التثبيت مهمتك دي ياابو السيد

المشاركة الأصلية كتبت بواسطة windofchange

الحاجة دي خاصة بصديقي محمد عادل ورقم تليفونه :01111217894
بطاحات + مساعدين + سوست + دوشم فرامل كاملة بتوع الابيزا 94-98 و جولف 2 و بولو ( 1000-1300) سي سي
كل حاجة سليمة ما عدا سوسته واحده مش حلوة
بس هما راكبين علي بعض يعني فا كلها علي بعضها
نهائي:300 جنيه

والله انا عايز اغير العفشة بتعتى كلها بس مش عارف الحاجات دى حالتها ايه
انا مش فاهم معنى سليمة ايه انا اقصد توضيح الحالة
وليا سؤال تانى هل اغير العفشة استيراد احسن ولا جديد ومش مهم الفلوس بس اهم حاجة الجودة والشغل عايز عفشة ناعمة نفسى احس ان عربيتى مريحة فالمشى والمطبات

أنا عندى فانوس خلفى كله سليم ماعدا جزء صغير فيه .. المهم الفانوس ده أنا سألت عليه ف الليبينى لقيت الأتنين ب 250ج .. ف أنا معايا واحد فى جزء صغير مكسور عايز أبيعه ف اللى عايزه يقولى ومش هنختلف ع السعر :)