بسم الله ماشاء الله على حضرتك شرحك وافي جدا .... :)
اى شخص عادى ممكن يستعمل البلوك سيل عادى مش عمليه اختراعات ولا حاجة وانا شخصيا بعالج كافة التسريبات اللى بتظهر فى سيارت اصدقائى فى العمل والحمد الله النتيجة 100% وباعملهالهم كدا فى الشارع يادوبك مفك عادة واليكم الشرح الطويل الممل....*
1تفتح الكبوت وتقول بسم الله
2العربية لازم تكون باردة خالص، يعني تكون راكنها من بليل مثلا والتجربة في الصباح
3 تحضر جنبك شوية حاجات عشان متتلبخش زي جركن مياه أو اتنين، ومفك عشان تفك خرطوم الردياتير وتربط، وعلبة المادة،
(((( قبل ماتدور العربية)))
4 تيجي على قربة المياه بتاعت الردياتير تلاقي تحتها خرطوم تخين نازل منها متجه للردياتير تفكه من الريداتير خالص وتنزله لتحت لغاية ما تفضي المياه.
5 تركبه مرة تانية بإحكام
6ترج علبة المادة (البلوك سيل) رجا جيدا....
7 تفتحها وتفضي المادة كلها في قربة الردياتير وتدور العربية وخلال 3 ثواني تكون واقف جنب القربة وبتفض الجركن اللي معاك في القربة ممكن تستعين يصديق لو عربيتك يلزم الضغط على دواسة البنزين حتى لا يتوقف الموتور....
8 هتلاقي طبعا المادة اتسحبت مع المياه للردياتير.. وإياك متفضيش الردياتير الأول لأنك لو معملتش كدة هتفض المادة في القربة ومش هتخش قي الردياتير ومش هتدور في الموتور ونعجن وتنشف وهتدوخك.
9 بعد إضافة المياه للمنسوب الطبيعي (( متملاش القربة على اآخر)) وده الطبيعي.
10سيب الغطاء مفتوح والعربية دايرة على السلانسية لمدة 5-10 دقائق حسب حالة الجو مع متابعة مؤشر الحرارة لأن لازم العربية تسخن كويس والمادة عملة تدور مع دورة التبريد. واخنق الخرطوم اللى نازل من القوعه على الريداتير كل فترة هذا لسحب ماقد يكون تخلخل من هواء داخل الدورة وبعد اندفاع المياه بغزارة من خرطوم الراجع توقف عن الخنق
11 إغلق غطاء القربة جيدا بعد التأكد من منسوب المياه مظبوط وإن مفيش هواء في الدورة
12بالنسبة لي مغيرتش ولا فضيت المياه اللي فيها المادة لغاية اللحظة دي، بس العبوة مكتوب عليها إنك تفضي المياه وتحط مياه جديدة، وبالنسبالي الموضوع مفيهوش مشاكل لأن الموضوع ده عملته قبل كدة في عربية إلانترا وسيبنا المياه برضه عادي.
13 إتحرك عادي بعربيتك مع ملاحظة الحرارة، وتاني يوم تكشف على مياه القربة وشوف المشاكل السابقة انتهت أم لا!!!
وربنا يوفقك وأنا تحت أمرك
المفضلات