عفشة الجيتا الخليجى الواطية للارض... برجاء الافادة

**Huss3iN** · 28-01-2013 10:20 PM

السلام عليكم ورحمة الله

برجاء الافادة انا ناوى ان شاء الله اجيب جيتا خليجى و هى طبعا جنط 17 و بتبقى 225/45/17
وطبعا الخليجى معروف انها اوطىمن المصرى.. انا عاوز اتخلص من مشكلة انها واطية من غير ما اغير مساعدين بالمصرى عشان تعلى فانا شايف ان ليها 2 حل.. اولا اركب صدادة بس ديه بتنشف العربية وهتخليها تخبط اكتر فى اى حفرة او فاصل كبرى عشان المساعد هيبقى كده ملغى مش بياخد مشواره فى الصدمان او انى اغير الكاوتش لمقاس 225/50/17 بدلا من 45 و ده هيعلى العربية اكثر و مش عاوز يبقى على 235 عشان العربية هيقل السحب و هى تقيلة اصلا و خايف 225/50 تخلى العربية تعوم ... برجاء الافادة و لكم جزيل الشكر

**Huss3iN** · 02-02-2013 01:09 PM

السلام عليكم

شكرا يا جماعة على الردود بس مفيش اى حد عنده معلومات اضافية ؟؟

برجاء الافادة :)

**adhamhossam** · 08-03-2013 12:58 AM

المشاركة الأصلية كتبت بواسطة huss3in

السلام عليكم

شكرا يا جماعة على الردود بس مفيش اى حد عنده معلومات اضافية ؟؟

برجاء الافادة :)

مش شرط ان عشان محدش رد عليك يبقي احنا مش عايزين نساعدك

رجاء تنتظر لما حد بيفهم يعرف يفيدك صح .... و لا انت عايز أي ردود و اي فتاوي و خلاص

وجهة نظري الشخصية

1 - بدل ما تغير مقاس الكاوتش و تغرم مبالغ كبيرة و غير كدة سحب العربية هيقل معاك و طبعا عداد السلرعة مش هيبقي مضبوط معاك عالطريق (يعني هتحس ان العداد جايب 100 مثلا و انت في الحقيقة ماشي علي 80 كم في الساعة) و العكس كلما زاد مقاس الككاوتش
طبعا بلاش التجربة دي

2 - تجربة انك تعمل صدادة مش هتخسرك خالص لأنك هتجربها و ممكن تشيلها لو لقيت في ترزيع أو صوت خبط

3 - انا لست فني أو بروفيشنال ... فطبعا لازم حضرتك تروح لعفشجي و خد رأيه أو تروح التوكيل و تشوف حل المشكلة

4 - في إنتظار آراء الخبراء ... !!!!!!!