الموضوع: حد يعرف لمبات فوانيس الكيا الريو الامامية كام ريشة؟

المشاركة الأصلية كتبت بواسطة الجنرال

مش نافع .. مش شايف اي حاجة فى الطريق وغيرت اللمبات ل_ 100 وات ومش نافع خالص مش عارف اعمل ايه

بص يا باشا قدامك حل من 2 ملهمش تالت ...
------------
1- تجرب لمض فليبس اسمها
Philips BlueVision Ultra xenon ultimate effect

ودى عن تجربه صديق عزيز ليا بيقولى تحفه و نورها زى الزينون ال 6000 ك بالضبط و بتركب زى الحلاوه بدون اى تعديل و 55 وات بس تحفه و جابهم ب 140 جنية

[img2]http://www.autobulbsdirect.co.uk/images/T/3190-300.jpg[/img2]

2- الحل الثانى و هيبقى اكيد احسن طقم زينون ابن ناس و انسى الكلام خالص

بس مش اى طقم علشان الريو زى الالنترا الجديده مش اى طقم بيشتغل عليها لازم يكون موديول ديجيتال نظيف علشان يرضى يشتغل مع كمبيوتر العربيه .... و ده الصراحة انا شايفه احسن حل


شوف هتعمل ايه و قولى علشان نتناقش علشان تبقى نازل و معاك كل المعلومات و نعمل الاصح للعربيه لان عربيتك و اى عربيه هنا اكنها عربيتى تمام ولازم نعمل الصح مش اى حاجة و السلام

المشاركة الأصلية كتبت بواسطة الجنرال

ربنا يكرمك يا باشا .. بجد انت مش متخيل انا يعنى مبسوط بجد بالنصايح اللى بتقولهالي وحاسس بجد انك بتعمل فى عربيتك مش عربيتي .. تسلم يا مهاب

بصراحة انا معنديش استعداد للزينون دلوقتى .. ولسه مركب اللمبات دي فحاسس انى لسه دافع فلوس مش هدفع تانى .. فايه موضوع الفيليبس ده؟؟

مش عارف هل الكتاوت ممكن تكون مشكلة؟ هو نوع صيني الراجل ركبهولي (للاسف انا مش فاهم وهو بيقولى انه كويس) وهو مركب واحد بس بيشغل الفانوسين مع بعض

لو فى من لمبات الفيليبس دي 100 وات ممكن اركبها مش مشكلة .. انت شايف ايه الاحسن؟؟

ده واجب عليا يا كبير و تحت امرك فى اى شىء
بص بدل مفيش استعداد للزينون يبقى الصراحة علشان مضحكش عليك
موضوع الكتاوت و الكلام ده ميتعملش فى الريو احنا عاوزين حاجة على نضيف شغل فابريكه
وطول مفيش لمض نوع ممتاز مش هتلاقى فرق يذكر و هتحس ان الفلوس راحت على الارض لو حتى كتاوت المانى راكب

انا وجه نظرى انك تجيب لمض فيلبس الى قولتلك عليها و تشوفها و فى نوع كمان كويس بيقولوا عليه اسمه اوسرام نايت بريكر ... وانا افضل اى النوعين ( الاحسن من وجه نظرى )

وفى فيلبس 100 وات اسمها فيلبس رالى بس هتحتاج كتاوت علشان هتعمل حمل على ضفيره العربيه و الكهرباء .. و انا الصراحة عندى حساسية من قصه الكتاوت و تقطيع السلوك و الكلام ده !!!

شوف هتعمل ايه و انا معاك