عاوز كاسيت في حدود 900 او .1000

**ahmedmansour20** · 29-01-2013 01:34 PM

انا بقالي فترة بدور علي كاسيت يكون في حدود 900 او 1000 وكل موضوع حد بيشكر في ماركة وحد بيعيب في ماركة ومحتار حاليا اجيب كاسيت اية .. نزلت شوفت في روكيت موديلات كينود فيها بلوتوث وبيركب ليها فلاشة وسعرها 930 والدبل في نفس الحدود ..وفي ناس بتقول الكينود وحش جيب بيوانير او سوني اجيب اية يا رجالة !!!!

**mous6fa** · 29-01-2013 02:40 PM

صدقني هى مسألة إرتياح نفسي مش أكتر ... يعني لو أدامك أكتر من ماركة بس كلهم نفس الإمكانيات والسعر يبقى إختار اللى إنتا مرتاحله نفسياً ... أنا مثلاً دايما بميل تجاه الكاسيت السوني والسماعات السونى ومش بحس بنفس الميول تجاه البايونيير والكينوود ... وفى النهاية كله شغال ف السوق وبيحقق مبيعات عالية ... السوني شغال وعليه الطلب والبايونيير والكينوود نفس الأمر ...

**mohamed_proton** · 29-01-2013 03:33 PM

حضرتك ركب سماعات بايونير وكاسيت بايونير واسمع الصوت وادعيلى على تجربه انا مركب 4 سماعات بايونير 2 400 وات تايلاندى الى مفيش منهم دلؤتى جديد ومركب 2 500وات فيتنامى ومركب 2 جى بى ال 300 والله انا بسمع صوت فاجر وعلى شرط مش مركب جى ام يعنى لو ركبت جى ام وبازوكا جى بى ال او بايونير هسمع صوت فاجر جداااااااااااااااا غير شغل التكاتك والميكروباص العده الى انا مركبها تحس بصوت الموسيقى والدبه والبيز ونقاء الصوت

**mohamed_proton** · 29-01-2013 03:35 PM

وبلنسبه للسماعات السونى حلوه بس المدور منها بس يعنى تتركب فى الابواب فقط لانك لو عليت على النص هتسمع خروشه والصوت بايظ خالص ولو عايز تتأكد شوف اى حد راكب فسبه هتلاقى مركب سماعات سونى مدوره لباب الضرف ولما بيفتحها الصوت بيكون زفت

**mohamed_proton** · 29-01-2013 03:36 PM

وبلنسبه للكاسيت السونى مش بيخرج اداء زى البايونير لان فلاتر الصوت البايونير والاكوليزر تحفه فى تظبيط الصوت لكن السونى فلاتر الصوت وحشه

**mohamed_proton** · 29-01-2013 03:38 PM

واى خدمه انا تحت امرك
انزل التوفيقيه عند الارخص وادريان هتلاقى عروض جمده وبأقل الاسعار

**ahmedmansour20** · 29-01-2013 06:50 PM

اجيب كاسيت اية بايونير في حدود 1000

**dr_7ooda** · 29-01-2013 09:20 PM

عندك بايونير ب 1100 جنيه موديله 6450 ودا من الاخر ودي صورته

pioneer uae - car entertainment, home audio & video, headphones, dj products

وده تقرير عنه عامله عضو محترم جدا هنا

http://www.nilemotors.net/Nile/315562-deh-6450bt.html (تقرير كاسيت بايونيير deh-6450bt)

وامكانياته : بلوتوث _اضائه الوان للشاشه وللزراير منفصله _mix trax - وفيه 3 rc مخارج يخليك تقدر تشغل عليه 3 جي ام

ونصيحه ما تفوتوش لانه خرافي واللي اقل منه مش زيه خاااااااااالص فمعلش الميت الجنيه دي هاتفرق قوي في العده معاك

**ahmedmansour20** · 29-01-2013 10:17 PM

اانا جبت كاسيت بايونير 7350 ب900 جنية ..من روكيت الا في مصر الجديدة والكاسيت فلاشة وبلوتوث auxكل حاجة يعتبر ووعجبني جدا بعد نصيحة انك متجبش غير بايونير ..شكرا يا جماعة علي النصيحة

**midooo_119** · 30-01-2013 12:52 AM

المشاركة الأصلية كتبت بواسطة ahmedmansour20

اانا جبت كاسيت بايونير 7350 ب900 جنية ..من روكيت الا في مصر الجديدة والكاسيت فلاشة وبلوتوث auxكل حاجة يعتبر ووعجبني جدا بعد نصيحة انك متجبش غير بايونير ..شكرا يا جماعة علي النصيحة

مبروك عالكاسيت و فعلا البايونيير اجهزة محترمه جدا