حل مناسب للزحمة ..... رايكم ايه ؟

**MohssenRashed** · 29-01-2013 02:18 PM

المشاركة الأصلية كتبت بواسطة MaZaGAngeE

بتوع ايه ؟
الخوذة و الجوانتيات مش هيزيدوا 300 او 400 بالكتير و لا ايه ؟

خوزة نضيفة DOT تبدأ من 400 جنية (LS2, Index.......) و في AGV نوع محترم و يبدأ تقريبا من 900 جنية

جوانتي محترم يبدأ من 150 جنية

**mohamed_selim** · 29-01-2013 02:26 PM

المشاركة الأصلية كتبت بواسطة mazagangee

كده هتزود 15 كيلو لحد الشروق
9 كيلو لحد طريق السويس
15 كيلو تاني لحد ما توصل قصاد العبور على طريق السويس

اجمالي المسافة الزيادة 39 كيلو متر

15 كيلو بس .. من العبور عند طريق الاسماعيليه للشروق 10 كيلو بس فى مرتين رايح جاى يبقى 20 و قول 10 فى الشروق يبقى 30 بس ال 10 كيلو جوه الشروق بتاخدهم كده كده على الدائرى ده بالاضافه انك بتلف من تحت كوبرى الحرفيين و ترجع للدائرى (حوالى 2-3 كيلو رايح و زيهم راجع) يبقى اجمالى حوالى 15 كيلو زياده هتستهلك فيهم بنزين اقل من وقفتك عند موقف العاشر و العربيه هتستريح اكتر من المشى على الاول و التانى و هتاخد وقت اقل :)

تحياتى

**alking_2006** · 29-01-2013 03:18 PM

الموتوسيكل او الفيزبا فى البلد دى و خصوصا فى الظروف دى انتحاااااااار

**horas3000** · 29-01-2013 04:01 PM

زميلي في الكفاح من مدينة نصر للعبور ذهاب و عودة
انا راي تستني لغايه لما محور سعد الدين الشاذلي يخلص و نشوف ايه نظامة قبل ما تقبل علي اي خطوة
و هتلاقي هنا تفاصيل عن الطريق ده

http://www.nilemotors.net/Nile/331991-a.html

و انا شخصيا مش باخد الدائري لا في المرواح و لا الرجعة
انا باخد الاوتوستراد -جوزيف تيتو- طريق الاسماعليه و منه الي العبور
و نفس الطريق و انا راجع بس لتفادي زحمة طريق الاسماعلية بخرم من السلام او النهضة و اطلع عند كوبري الهايكستيب (الكوبري الجديد) مباشرة و ده بيوفر من 30-45 دقيقة حسب الزحمة و برضه لما جوزيف تيتو بيبقي زحمة بخرم من النزهة الجديدة و اطلع عند السندباد فالاتوستراد او ادخل صلاح سالم و منه الي طريق المشير اسماعيل لما الشيراتون بتبقي زحمة
و نفس الكلام جوة مدينه نصر حيث التخريمات اللوذعية لغاية بيتي عند السراج

**thebast** · 30-01-2013 11:13 PM

انا يكفى انى هقولك انك هتودية للميكانيكى اكتر ما هتسوقة
وواضح انك مقتنع بالموتوسيكل الصينى وعاوز تشتريةلان احساس وحش وانت بالعربية وتلاقى الى عدة من جنبك وخلص الطريق
كل حاجة ليها مخاطر زى مانت قولت بس لو انت ماشى بالموتوسيكل وكان فى مطب ماخدتش بالك منة ممكن تموت ممكن شوية هوا يموتوك فاالمخاطر بتختلف بردوا
5 الالف جنية ممكن تجيب موتوسيكل دايون 40 المعدل وهيبقى كويس جدا معاك
وعلى فكرة طريق العاشر زهراء دائرى كويس جدا جدا جدا جدا جدا جدا لان السوق يوم الجمعة والحد فقط وممكن تتفاداة من ورا من عند صقر قريش وبعد كدة الطريق هتلاقى مفتوح ليك

**horas3000** · 31-01-2013 08:45 AM

المشاركة الأصلية كتبت بواسطة mazagangee

الكوبري ده انا مش فاهم هيبقى ازاي ....... بس هنشوف لما يخلص
جوزيف تيتو ده فين ؟

هو مش كوبري
هو طريق واصل من الدائري لمدخل العبور
يعني هتلاقي له فتحه من الدائري و اخره قبل مدخل العبور و العكس
الكباري هتبقي الدخله و الخارجة بتاعته تقريبا

جوزيف تيتو اللي هو طريق السندباد او المطار