الف حمدلله على سلامتك , وفداك اى شئ
وحسبى الله ونعم الوكيل فى مثل هؤلاء
عرض للطباعة
الف حمدلله على سلامتك , وفداك اى شئ
وحسبى الله ونعم الوكيل فى مثل هؤلاء
ايوة فعلا 122 دى البلا لا خالص
يعنى انا مرة ناس زى اللى حضرتك بتتكلم عليهم دول زنقوا عليا عند طريق السويس وانا كنت خارج من شغلى بليل ( المطار ) والكاوتش ضرب منى بس الحمد لله كان الخلفى يمين ومرضيتش اقف لحد ما دخلت بالعربية عديت الجزيرة ودخلت قدام قيادة الطريق السريع اللى موجودة هناك الطريف انى من اول مزنقوا عليا كنت طلعت الموبايل وكلمت 122 ولا حياة لمن تنادى
وطلعت بان الجنط باظ وكانت لاول مرة انزل الاستبن ورحت اشتريت غيرة استيراد بكاوتش جديد ومن ساعتها مبقتش امشى من الطريق دا بليل متاخر كدا
بس انا بسال حضرتك انت ليه وقفت اصلا؟
الحمد لله رب العالمين ربنا الهمنى انى اكمل لحد اليوترن وامشى عكسى الشوية الصغيرين دول لحد قيادة الطريق انا كنت مخضوض فعلا بس الحمد لله انى عرفت اتصرف ولما حسبتها بسرعة قلت فى داهية الجنط طالما هعرف افلت بالعربية والحمد لله ان ربنا نجانى وطبعا اول س ما هوبت ناحية قيادة الطريق جريوا البهوات الحمد لله انهم مكنوش بجحة ودخلو ورايا
ربنا يسترها علينا كلنا وعلى اللى زينا
وقفت لانها ما كانش ليها حل تاني
انا ماشي علي سرعة عشرين
غير متحفز
وصلت البيت تقريبا
عمال العب في الكاسيت
فجأه عربيه بالعرض قدامي شباكها نازل ورشاش متوجهلي
ما جاش في بالي غير اني اشيل مفتاح العربيه ما طلعش
حاولت احط ايدي عالفتيس اجيبه علي البارك علشان اطلع المفتاح ما لحقتش ولا جه في بالي اكسر المفتاح
لو انا متحفز او شايفه من بعيد وهو بيقطع عليا او ماشي بسرعه عاليه اكيد ما كنتش هقف لكن تقريبا ساعتها كنت ماشي علي سرعة 20 او اقل
علشان بس ما حدش يسألني السؤال ده تاني
الحمد لله انها عدت على كده ..
تغور الموبايلات و الفلوس و العربيه كمان قصاد حياتك اللى كان ممكن اى كلب فيهم برصاصه واحده يجيبها ..
حمد الله على سلامتك و ربنا ما يوقع حد فى الموقف ده ..
معلش ياباشا وانا اسف ان كنت سالت سؤال ضايقك معلش الحمد لله انها جت على قد كدا
عاوزين اي عضو معانا من الشرطه او الجيش يعملنا موضوع عن كيفية التعامل في مثل هذه المواقف
علشان يبقي عندنا خلفيه لان كل واحد فينا معرض انه يحصله كده وربنا يسترها معانا
سيدى الفاضل كل موقف وله ظروفه انا اعرف واحد ماشى بعربيه نيو اكسنت وفجاه عربيه نيسان صنى عدت من جمبه وفى اول مطب لقها بالعرض امامه ربنا كان بيحبه فكر ونزل وقعد يحكى معاهم ويضرب بردوا ضرب مبرح لحد ما عربيه جت جمبه فيها اربعه رجال لقوا واحد بيضرب بدبشك بندقيه ألى الناس شفوهم بنزولى طلعوا يجروا وربنا سترها مع الراجل ده
وفى ناس بيكون معاها سلاح طبنجه يعنى ومش بيعرف يعمل حاجه لان اللى بيسبتك بيكون معاه ألى
وربك هو اللى بيستر فى جميع الاحوال
وربنا يسترها علينا جميعا