حادث سطو مسلح + التفاصيل والصور-واقعه حقيقية

**Terrible_DaRsH** · 19-02-2013 04:48 PM

حياتك اهم طبعا , الحمد لله عدت على خير

**Al-Farooq** · 20-02-2013 04:12 AM

انا لله وانا إليه راجعون

**Y a r i s** · 20-02-2013 05:32 AM

لا اله الا الله
قدر الله ومشاء فعل ... الا صحيح يا فندم كنت اسمع ان موبيلات السامسونج لو اتسرقت بتعرف تستدل على مكانها هل ممكن نعرف مكان العصابة دي فين وكلنا نطلع كده بربطت المعلم نجيب العيال دي من قفاها ونسحلهم من مكانهم لغايت القصر الجمهوري ونربطهم ونكتفهم كده على باب القصر !

**smsmsaad** · 20-02-2013 01:07 PM

قدر الله وماشاء فعل وحمد لله على سلامتك وسلامة صديقك

**waleedrahmy** · 14-03-2013 08:51 PM

حمد لله
علي
السلامة
وقدر ولطف
وكويس جدااااااااااا انكم نجيتم وفداك العربية والمتعلقات
و
ربنا يتم شفائكم علي خير ان شاء الله

**CaptaiN-AhmeD** · 27-03-2013 05:11 AM

المشاركة الأصلية كتبت بواسطة speed_magnum

عاوزين اي عضو معانا من الشرطه او الجيش يعملنا موضوع عن كيفية التعامل في مثل هذه المواقف
علشان يبقي عندنا خلفيه لان كل واحد فينا معرض انه يحصله كده وربنا يسترها معانا

ياباشا انا ظابط واتثبت عالطريق قبل كدا
في الطريق الدولي الي بتمسك منه الصحراوي بعد كارفور جاي من الاسكندريه للقاهره
ماشي في اوله ع اقصي الشمال لقيت نقر كتير جيت ارجع لليمين لقيت الكاوتش ضرب والجنط سمعت صوته وهو بيتكسر
ستر ربنا ان العربيه ملفتش بيا وعرفت الم الدنيا واركن ف اليمين
الكلام دا كان الساعه ٤ الفجر في شهر ٢ الي فات دا
وقفت وانا عارف يعني ايه وقفه في الوقت دا ع طريق سفر والعربيه فيها عطل
فكرت بعقل وهديت قولت لو نزلت غيرت الاستبن هيتعمل معايا الغلط
لقيت ناس ع رجليهم من جانب الطريق طالعين من زراعات معرفش منين
وشكلهم غلط قولت لو نزلت هيعرفو ان في مشكله ف الكاوتش وهيزعلوني
وقفت اديت انتظار وعليت الكاست عالاخر العربيه متفيمه والدنيا ليل شكلهم فكروا اني زيهم راحو مشيو
حاولت اتصل بالشرطه والوقت بيعدي بطئ جدا قررت اشوف المسدس الي معايا لقيت مفهوش غير طلقه واحده بس
لقيت ملهاش لزمه لان كدا كدا لو معاك مسدس غالبا هما عدد وهيبقا معاهم رشاشات
اخر المطاف اخر مازهقت ومرت نص ساعه وطبعا محدش بيقف قولت خليها علي الله ونزلت فتحت الشنطه وجبت الكاوتش
لقيت عربيه سيفيك جت ادامي وفرملت ورجعت
اتشاهدت وطلعت المسدس وجهته ف وش اول واحد نزل منها
اتخض وورمي مفتاح العربيه عالارض وقالي عايز ايه (تقريبا افتكرني انا الي بثبته )
هديت شويه وفهمت انه واحد عادي كان بيحاول يساعد
شرحتله الموقف وعرفته ان دا سلاح ميري وانا ظابط وعملت كدا من الخوف منه وحاولت اهديه قالي نزل السلاح ووريني الكرنيه
لسه بعمل كدا قام هووب نط ف العربيه ودور وطار انا من الهيستريا فضلت اضحك
بعدها بخمس دقايق جت عربيه اوبترا عملت نفس الحركه
كانو حرميه فعلا وطلعو رشاشات بس ستر ربنا الهمني قبل ميجو بدقايق كان معايا مطواه طلعتها وفضيت كاوتشتين بيهم
بقت العربيه كدا مفهاش غير فرده واحده الي شغاله مستحيل تتحرك
نزلو وزي مايكون بيعاقبوني ع حركة الكاوتش شتيمه وقلة ادب طبعا
وف الاخر قرروا ياخدو مرتب الشهر كنت لسه قابض وموبايل ايفون ٤ اس
وضربو كام طلقه عالعربيه جابو الازاز والقايم وكنت حاطط موضوع ف المنتدي هنا ع حوار القايم والازاز ومصورهم
ةخدو بعضهم بعدها بشويه جت عربيه فيها راجل ومراته تدارك الي حصل من منظر البلي ةنزل وانا كنت في اعياء شديد من اثر اعتداء البلطجيه
اتصلت بواحد زميلي ظابط جالي وجاب زمايلنا والحمد لله جه بسرعه لاني كنت لسه يعتبر ماسك الصحراوي مبعدتش اوي
وجاب فرد ورجعت الاسكندريه والحمد لله قررت مسافرش تاني بليل ابدا
ع فكره الطريق الي حضرتك كنت فيه دا اقسم بالله كان هيحصل معايا انا واسرتي نفس الي حصل معاك بس ربنا ستر

الخلاصه مفيش حد معصوم من البلطجيه ظباط داخليه وجيش كل يوم بيتخطفو
اقسم بالله لواء اعرفه شخصيا اتثبت عالطريق برضو من اربع ايام
وبإيه كمان بالعربيه بتاعت الجيش عليها نمر قوات مسلحه مش ملاكي كمان
واتاخدت منه وكان معاه عسكري السواق بتاعه كمان
شفت الجبروت؟ انا لوحرامي اصلا هخاف اثبت عربيه عليها نمر جيش
الفكره مش كدا
الفكره البلد دلوقتي كانت سيئه وكل يوم اسوء والداخليه الفساد فيها بقي مش من الكبار بس
بقي محاط في كل الافراد
والله ساعتها فضلت ادعي عالريس والحكومه وعالداخليه والجيش
كلنا معرضون للموقف يوميا يا ساده والبركه
في الي خلانا متفرقين لاسلامي وليبرالي وعلماني والتراس وقهراويه واخوان وسلف وبلاك بلوك
وبقينا كل يوم في حروب داخليه اخرها حرب اهليه محدش هينجا منها
بعدها فهمت ان صفحه انا اسف يا ريس الي عالفيس بوك هيجي يوم من الايام قريب هتبقي كلمه ورجاء حقيقي من الكل مش من مجرد شوية عيال فلول بيحبو حسني
وكلنا هنبقي اسفين للريس واحتمال نبوس ايده كمان عشان يرجع لو عشنا بالمنظر الي احنا فيه
مرسي ضعيف والمعارضه فاشله والاخوان ملووها فساد وكل حاجه خربانه بجد
مصر ليها ربنا بس
ونصيحتي ال حضرتك طلبتها بعد الشر لو اي موقف زي دا حصل يااما تركب جهاز سباي جي بي اس محترم يااما تفصل الكهربا بزرار مخفي ف العربيه
يااما تدي المفتاح للبلطجي وتقوله الله يباركلك فيها ياكبير
لو كان مش مسلح وبامكانك تخبطه او تفرمه افرمه ومحدش هيسألك قانونيا اصلا مبقاش فيه قانون

**salah_86** · 27-03-2013 02:37 PM

هههههههههه انا ساكن فى بلد وشغلى فى بلد تانية وبسافر تقريبا كل يوم ماعدا الجمعه
انا لما اسمع الكلام دا من ضابط جيش وسمعت زية من والدى ضابط شرطة يقولى لو فى حاجة زى كدا حصلت معاك وتعرف نجرى على اقصى سرعة اجرى لو مش هتعرف اقف وسيبلهم العربية ووالدى عميد شرطة
ياجدعان احنا بقينا فين غابة دى ولا ايه