سوال علشان ناوى ان شاء الله اعمل صيانة ال 150 الف

**ehabomar1987** · 29-01-2013 05:15 PM

ان شاء الله ناوى اغير طقم السيور والفلاتر اللى فى العربية _ العربية جوليت 1 مو 2000
بس انا مش فاكر ايه هى السيور اللى اجيبها واجيبها من فين بس ياريت مكان يكون موثوق فيه واسعاره كويسة انا كنت بجيب قطع الغيار من ابو الحسن اللى فى بين السرايات بس هو انا لحظت ان اسعاره غالية عن العادى فكنت عايز اجيب من حد تانى بس يكون ثقة

تانى استفسار ان التكيف عندى قبل نهاية الصيف كده كنت شحنته والراجل قالى علشان تحافظ على التكيف لازم تشحنه مرة كل السنة واشتغل لوز العنب وحلاوة وبعد فترة وانا بجربه كده من كام يوم كنت جايب السرعة على 4 ومكنتش حاسس بالسقعة خالص ياترا ممكن يكون ايه بالظبط سربنتينة ولا حاجة تانية وياريت بقى لو حد يعرف بتاع تكيف بس يكون موثوق فيه قبل الصيف ما يهجم علينا فجأة

**hessenp** · 29-01-2013 06:08 PM

سير كاتينة سير دينامو سير باور تكييف ... بس مش هقدر افيدك تجيبها منين عشان انا مش من القاهرة بس ع العموم انا لسة مغير سير كاتينة ب 50 جنية ايطالى والاصلى عامل 130 جنيه والباور كان عامل 65 جنية اصلى جى ام ...
بالنسبة للتكييف هو مش بيتشحن كل سنة شحنة طالما التكييف عندك تمام هو ممكن يكون عايزك تشغلة فى شتا 10 دقائق كل اسبوع اما النسبة ان مافيش تبريد فدة اكيييد دليل ان الشحنة طارت وعايز يتشحن وبرضة النسبة لواحد بتاع تكييف مش هقدر افيدك ...

**mero100** · 30-01-2013 02:03 AM

سيور اصليه و انت مغمض يبقي من التوكيل و تريح دماغك ....

و بالنسبه للتكيف ... مفيش حاجه اسمها انك تشحن التكيف كل سنه و الكلام ده .... اكيد فيه عندك تسريب ...و ممكن يكون تسريب بسيط جدا ..... فيه مهندس في اخر جسر السويس ممتاز ...فاهم جدا ..حبقي اجيبلك عنوانه و اسمه بالظبط .

**zomzom11** · 30-01-2013 06:08 AM

موضوع التكييف زى ما قالو الزملاء
موضوع الشراء حسب محل سكنك او شغلك م الجديده ش دمشق
وسط البلد التوفيقيه شارع زكى
الجيزه الهرم فيصل المنيرى او ابو اليزيد
الصيانه
سير كاتينه / تكييف / دينامو / بوجيهات وتكشف على سلك البوجيهات
بلية كاتينه وطلمبة ميه حسب الكشف والحاله
فلتر بنزين وهواء
تكشف عالتيل الامامى
اسبراى جنك لتنظيف البوابه