الموضوع: تقريري عن تلميع وتشميع السيارة

المشاركة الأصلية كتبت بواسطة miceg

السلام عليكم ورحمة الله وبركاته
من كثر مالناس بتتكلم عن التشميع قولت أجرب انا كمان
وحبيت انقل تجربتي
الادوات المستخدمة :-
تم النزول الى سبينس فرع سيتي ستارز
1- الشمع المستخدم (( سوناكس ألماني )) وهو شمع وبوليش فنفس الوقت
سعره حوالي 64 جنيه علبته كبيرة يادوب استخدمت نصها عالعربية كلها
2-اشتريت سفنجة سوناكس برضه حوالي 18 جنيه
3- استخدمت قماشة فيبر لا هي نعمة ولا خشنة للتلميع الاخير

طرق إلاستعمال :-
اولا لابد من مراعاة غسيل السيارة وتركها تجف نهائيا والبعد عن عوامل الاتربة
1- ضع جزء من الكريم على السفنجة وإمسك جزء جزء فالعربية ومشيه بطريقة دائرية مع مراعاه عدم الضغط لو السفنجة ناشفة شوية لكن السفنجة المذكورة خامتها ممتازه ولو اتزحلقت من ايدك هتلاقيها مسكت فالعربية (( بنت حلال ))
2- اترك الكريم ينشف نهائيا لفترة حوالي نصف ساعة و أقل حسب طبيعة الجو
يعني نحط إيدينا عالسيارة ونشوف الكريم نشف ولا لسه مندي
3- اول مايجف الكريم نهائي نمسك قماشة الفيبر ونلمع العربية كمان مرة المرحلة دي قريبة من السنفرة في إنها تزيل اثار الكريم وتترك اثار الشمع

النتيجة :-
حسيت إني نزلت اشتريت عربية جديدة بدون مبالغة
اللمعان ممتاز جدا واثار الخدوش البسيطة كإنها اختفت فيما عدا الخدوش الظاهرة نسبيا كما هي

سبب إلاستعمال :-
زهقت من كثر غسيل وتنظيف السيارة وده ناتج عن طبيعة الشارع (( حيوي جدا )) مكرم عبيد
كل اسبوع عاوز أغسل العربية بالاضافة الى التنظيف اليومي
فلقيت مضيعة للوقت كثيرة
يقال ان التشميع يقوم بحفظ الاتربة على السطح الخارجي مما يجعله أكثر سهولة في عملية التنظيف بدون أي مجهود (( فوطة ناعمة عادية وليس مبلله او زفرة ))

بعض الصور :-
سامحوني الصور مش ظاهرة اوووي ولا تدل على كلامي للدرجة
سأحاول لاحقا بتصوير السيارة في الظهيرة










اسف للأطالة أخوكم :- خالد

تمااااااااااااااااااااام يا باشا
انا سعيد ان الموضوع نجح بعد كده انا بقى اللى هكلمك اسالك اعمله ازاى فى عربيتى