رد سخيف و غير مقبول... واضح ان حضرتك اللي حولتي الموضوع لتريقة لأن أنا مش محتاج أفضفض في منتدى عام... أنا بحكي عن حاجة حصلت معايا و مع عشرات من أصحابي المقربين بصور متشابهة و لكن النتيجة واحدة
عرض للطباعة
بما ان الموضوع مولع وفيه ضرب نار ومطافى انا مش هقول كثير
بس هختصر ان الزواج بقصد الارتباط بفتاه غير الزواج بقصد الارتباط بجواز سفرها ...... يعنى اللى هيحب بنت هيتجوزها حتى لو كانت من الهند ملهوش دعوه بموضوع اجنبيات ولا مصريات القلب وما يريد
اغلب زواج المصريين من اجنبيات بيكون عشان مصالح فى الدرجه الاولى وكلنا عارفينها
قبل اسبوعين اخويا الصغير راح يخطب واحده يعرفها والله العظيم اهلى رجعوا مصدوووووووووومين صدمه غريبه اولا البنت مش حلوه عاديه يعنى وجدا كمان
ثانيا مستواهم الاجتماعى والثقافى تقدر تقول يكسف لو تسمعوا الشروط والطلبات اللى طلبوها حاله ذهول على طول وكان زواج بنتهم صفقه استثماريه كبرى اخوى بعد ما كان بيحب البنت نزل من عند اهلها مش طايقها اصلا
رائى بئه فى الزوجه المصريه بصراحه متحدثه جيده جدا فى الخناقات والخلافات الزوجيه اااااااااستاذه فى خلق النكد فى البيت ولما بتشغل مخها على جوزها بتبقى ليلته سوده
مسيطره على دماغها فكره قصقصى له ريشه اول باول لا يروح يتلم على غيرك ودى فكره بتخلى الراجل يحس انها متجووزه بس عشان جيبه
بصراحه من ناس كثير شفتهم متجوزين استغربت من تصرفاتهم مع ازواجهم ولو كنت انا راجل كنت طلقتهم فى ثانيه وبلاش وجع دماغ
هل أنا حملتك ذنب اللي حصللي و بيحصل لكتير من الشباب؟
أنا اللي لقيت ردك ورا مشاركتي علطول يحمل تريقة واضحة جدا و حائط مبكى و كلام مش مقبول... عموما حائط المبكى في اسرائيل لو عايزة تروحي زيارة سعيدة ان شاء الله
ثانيا تاريخ انضمامك اللي مش بعيد و اسلوبك في التعبير مشككني بل مخليني شبه متأكد أنك شخصية تانية و حبيتي تسجلي بعضوية عشان تردي في الموضوع... عموما مش ده اعتراضي , كل واحد حر
أنا بعترض على اسلوب التريقة في موضوع ميتحملش التريقة
فية ناس بتفكر و تعمل كدة
بس القصيد هنا هو الزواج من اجنبية عن حب و عن اقتناع و عن عدم رغبة (اكرر عدم رغبةِ) في الزواج من المصرية النكدية المستفزة الإستغلالية هيه و اهلها
يعني زواج مش علشان المصالح وانما تلاقي فكر ثقافي و اجتماعي و في الاساس تواجد الحب و القبول
انا ليا اقرب كتير متزوجين من اجنبيات, مابين يونانية و انجليزية و غيرها وغيرها و كلهم و الحمد للة سعداء و موفقين, و انا كنت حاتجوز ايطالية/ امريكية بس الموضوع ما كملش لإعتبارات تانية
بالمناسبة انا متزوج من مصرية حاليا (الجوازة التالتة) و الحمد لله سعيد و متعايش, طبعا فية بعض سلبيات بس الحمد لله هي و اهلها ناس كويسين و مش بتوع مشاكل و مش طماعين, اتجوزت بمهر جنية و شبكة حوالي 100 جرام دهب وقتها كانوا مايكملوش 5000 جنية
بس برضة داء النكد و الصوت العالي و الإستفزاز و الطلبات و الزن و ما أدراكم ما الزن
متابع وارجو من الناس إنها تتكلم بهدوء
إحنا بنتناقش يا جماعة.. وكلنا اخوات