في مصر فقط وبدون اي منافس او منازع

  • في جميع انحاء العالم النقل بيمشي علي اليمين

في مصر فقط بتلاقي النقل ماشي في اي مكان عجبه يمين شمال فوقك اي حته بس المهم يكون مستريح

  • في جميع انحاء العالم معروف ان عند دخول شارع جانبي او تغيير الحاره يتم تشغيل الاشاره

بما اننا مصريين ومش بنحب البدع او بنحب نحافظ علي ممتلكتنا تلاقي كأن غريب طلع بدماغه وبدرعه ويبص ليك ويبرق ويشاور بدراعه ويا سلام لو انت مستعجل ومش موافق في فتحه في وشه بتاع 5-6 سم بتنزل مجاري في هذه اللحظه

  • في جميع انحاء العالم لما بتمشي بتسيب مسافه كافيه بينك وبين العربيه الي امامك

في مصر بس تبص في المرايا تحس ان الي سايق العربيه الي وراك راكب في الكرسي الي وراك شوية وهيجي يعقد علي رجلك

  • في جميع انحاء العالم لما بيعملو مطب بيتحط قبله علامة تنبيه بمسافه كويسه

بما اننا بنختلف عن العالم كله مش بنحط علامه هو قالب طوب كبير وفيه شجره وانت وبختك شوفتها ولي عشان تتعلم وبعدها باسبوع بنعتمد علي ذاكرة الانسان المصري
ولما ربنا يكرمان ونحط علامه نحط علامه ارتفعها ميكملش 20 سم وعرضها 30 سم يعني لو واقف جمبها مش هتشوفها
وعلامه اخري اقسم بالله شوفتها بعيني بين المطبين يعني هتاكل مطب من الاتنين

  • المطبات في جميع انحاء العالم بيتم عملها بشكل بسيط لتهدئة السرعه فقط

في مصر بيتم عمل المطبات لدغدغت السيارات حسب نظرية احد المفكرين العباقره
"السياره اختراع فاشل"
وبما اننا في اهل كرم بنعمل المطب واخد حقه

  • تعريف الطريق السريع في جميع انحاء العالم انه طريق للمشي السريع

بيختلف التعريف دا في مصر الطريق السريع في مصر هو طريق لسباق السلاحف جاري تكثيف المطبات "مصر دخله مسابقة اكبر عدد مطبات علي مستوي العالم"
حسبي الله ونعم الوكيل
ربنا ينفخك فخدكم قادر يا كريم يالي بتعملو كدا فينه