الموضوع: تعديلات من اجل ثبات العربيه

انا ملاحظ ان العربيه عندى ثباتها وحش اوى اوى اوى اوى من اول 85 او 90 مش ببقى قادر اجيب السرعه بالظبط نظرآ لان الطريق عندنا مش مساعد ومليان عربيات

المهم بحس انى طاير مع العربيه ونازل طالع فى الطريق وكأنى فى الهوا

معقول ثبات العربيه يكون وحش كده بسبب ان الكاوتش وحش والترصيص ضعيف مع العلم ان الزوايا مافيهاش حاجه والا لما كنت اسيب الدركسيون وخصوصوآ مع الفرامل كانت حدفت يمين او شمال لكن ماعنديش كده

انا فرد الكاوتش عندى مش كويسه هل ممكن يكون ده سبب المشكلة ولا ممكن المساعدين والمقصات تكون هى السبب ؟

انا نفسى اعرف بس لو المشكلة من الحاجات دى انا كده كده هغيرها بس نفسى اطمن انى بعد كده هرتاح

انا بيض المقصات عندى فيه بوش والمساعدين الميكانيكى قالى ناشفين من قدام

ايه الحلول اللى نعملها كمان علشان العربيه تثبت ؟

المشاركة الأصلية كتبت بواسطة elawany13

ياباشا كل اللى انت قولته عوامل بتأثر على الثبات
لازم العفشة تكون غى حالة ممتازة
ولازم الكاوتش يكون ممتاز
ولاز يكون مترصص
ولازم ضبط زوايا
صلح الحاجات ديه وربنا معاك
هتلاقى العربية كويسة
وديه مش تعديلات .. ديه اسمها تصليحات لإنها اساسيات فى اى عربية
هى عربيتك نوعها ايه ؟

الله يكرمك يارب عربيتى مازدا 121 موديل 98

انا كنت اقصد لو فى بجانب التصلحيات تعديلات اساسيه تزود الثبات وتحسسك بالامان