اشياء يجب ان تعرفها قبل شراء امبليفير ,صبووفر,كاسيت.سماعات
انا من اشد المعجبين بعالم الصوتيات
وليا خبرة علي قدي في هذا المجال وذلك عن طريق خبرة مسبقة لحب المعرفة وليست مجال عملي ولكن حبآ في الاعضاء والمنتدي الجميل حبيت اطرح الموضوع للافادة
معلش طولت عليكم وندخل في الموضوع
انا لحظت فالقسم هنا ان ناس كتير عندها حالة من التشتت في اختيار الانواع بين الصبات والامليفير والكاسيت وبأذن الله هقدر اوصل بعض المعلومات لكي يرتاح كل من يطرق باب في هذا المجال
كتير مننا قبل ما بيروح يشتري صب او امبليفير او كاسيت اكيد بيدور علي الماركة بايونير كينوود سوني واكيد بيسمع ان الكاسيت ده 50 وات في 4 والسماعة دية 400 وات او 500 الصب ده 1000 وات والجي ام دة 750 وات ونسبة مهم ايضآ هي Signal-to-noise ratio db اي مستوي نسبة الضوضاء او قوة اشارة الضوضاء وهي مهمة في اختيار قوة الصوت من حيث ذبذبات الاشارة وممكن تبقي 60db 75 db او اعلي
طيب واحد نفسه يوصل للصوت النقي والعالي اللي مش بنلاقيه كويس فالحاجات دية اية السبب
؟؟؟؟؟؟؟؟؟؟
وليه بيحصل تشويه فالصوت وبتبقي حاجات ماركات محترمة لكن مش بنوصل للصوت اللي احنا عايزينه؟
الاجابة لان ببساطة احنا بنشتري حاجة شكل كرتونتها حلو والارقام اللي مكتوبة كبيرة لكن للاسف غير حقيقية في الاغلب وليس بصفة عامة
طيب السؤال هل السوند اللي في مصر ده اتعمل عليه اختبار وفقآ للمواصفات العالمية من ناحية المعايير والقياسات ام لا !!!!
الاجابة مش كله بعض الموديلات اتعملها والاكثرية لا
قبل كل حاجة لازم تدور علي العلامة دية موجودة علي الكارتونة ومواصفات الامبليفير او الصب او الكاسيت ودية هتلاقيها بصعوبة في المنتجات الصوتية في مصر
http://assets.sonicelectronix.com/im...go/cea2006.jpg
اية العلامة دية
العلامة دية هي اتفاقية عملتها شركة امريكية اهتمت بالمواصفات القياسية وفقآ لمعايير تم قياسة بدقة وبواسطة اجهزة متخصصة وذلك لقياس القيمة الحقيقة لقوة الخرج والاشارة وتناسبها مع المقاومة وشدة التيار وقوة الRms والوت لاجهزة الامبليفير والكاسيت والصب
يعني الماركات اللي بتخضع للمعيار ده بتبقي القياسات بتاعتها بالظبط يعني 100 Rms بتبقي بالظبط يعني كل جنية دفعته هيبقي مظبوط ورايح في المكان الصح
بدل ما اشتري 300 Rms WAAT وتطلع الحقيقة بتاعتها 50 رمز بس
ومش بس كدة ده هيبقي في اختلاف في التناسب بين المقاومة والاوم مع القوة للوت يعني كل داخل في بعضة
طيب واية الماركات اللي بتخضع لهذا المعيار ولماذا اغلب الاجهزة الصوتية لا تخضع لهذا المعيار
الاجابة لان الشركة اللي بتصنع الامبليفير او الصب او الكاسيت لازم تدفع مبلغ مالي لكي يتم مرور اجهزتها علي هذا المعيار واخذ الختم المعتمد له
لكن في شركات اسف في التعبير بتعمل الحاجات تحت السلم بدون قياس او رقابة وبتستغل عدم معرفة وخبرة المشتري
ندخل في الماركات الصوتية اللي بتخضع للمعيار CEA-2006
اجهزة جي ال JL
اجهزة ريكفورد Rockford Fosgate
اجهزة الالباين Alpine
اجهزة جي في سي JVC
اجهزة الكيكر kicker
اجهزة هيفونكس Hifonics
بعض اجهزة البيونير Pioneer
قليل من اجهزة السوني Sony
قليل او نادر من اجهزة الكينوود kenwood
http://media.shopatron.com/media/mfg...jpg?1294168386 http://www.12voltnews.com/wp-content...rd_fosgate.jpg http://karcool.com/images/manufacturers/alpine_logo.jpg
http://60minuteauto.com/wp-content/t...ertainment.jpghttp://www.okmustangs.com/National2010/KickerLogo.gif
http://californiahitron.com/z/images...fonicsLogo.jpg
http://i253.photobucket.com/albums/h...oneer-logo.gif
http://phaseonedist.com/Car%20Audio/Sony%20Logo.jpg http://www.seeklogo.com/images/K/Ken...eklogo.com.gif
في النهاية هدي شوية امثلة
تيجي تشتري صب 1000 وات و300 rms ومش عليه التست بتاع الاتفاقية هيبقي اكيد مليون في الميه مش دية النسبة الحقيقية واكيد اقل
هكذا الكاسيت والامبليفير
ياريت تشوف الفيديو ده مثال لقياس جهاز امبليفير كيكر يخضع لاتفاقية CEA-2006 وامبليفير اخر مكتوب عليه 500 وات واعطي نسبه اقل بكثير
[youtube]http://www.youtube.com/watch?v=D1AYZL72PTY[/youtube]
اتمني اكون عرفت اوصل المعلومة بشكل سلس واي حد عنده سؤال انا في الخدمة اشكركم