استفسار عن اساسيات العربية ؟

**iyounes** · 31-01-2013 10:55 AM

جماعة انا معروض قدامى عربية واخدة خبطة فى الشنطة مسمعة فى باب الشنطة وفى الارضية فى الحته اللى من ضهر العربية والمكان اللى بيبات فيه الاستبن

باب الشنطة متغير ومفيش فيه مشكلة لكن الراجل بيقولى ان المكان اللى من ضهر الشنطة لغاية مكان الاستبن مش بيعتبر من اساسيات العربية اللى تخلى الواحد ميشتريش العربية

فهل ده صحيح وله الراجل بيتشغلنى وده تعتبر حادثة مأثرة فى اساسيات العربية ؟ وممكن تخلى الواحد ميعرفش يبعها بعد كده ؟

ارجو الافادة لأنى دافع عربون ورايح اخلص النهارده فى العربية فلو فيه مشكلة الغى الموضوع

وشكراً على الافادة

**AHMED_HAMDY** · 31-01-2013 01:07 PM

بص حضرتك هقولك حاجه الكل هيعارضني فيه حاجات مكن الواحد يتغضى عنها

يعني يقولك راشه دواخل يبقى حادثه طيب وانت اما تعمل حادثه وترش دواخل وتيجي تبيع والكل ببعد عن عربيتك مش هتزعل ؟ ؟؟

يقولك مقلوبه ما فيه ناس بتمشي في حالها وواحد مسطول يجي يخبطها وتتتقلب
هترش دواخل

بدل مالعربيه مش نصين ولا ملحومه واللحام ممكن يفك زي الناس مبتخاف خلاص

اللي اعرفه اهم حاجه لو هنتكلم الدواخل
القوايم والحوض وبرضه في ناس بتبص على الشنطه كجزء اساسي من العربيه

واستنى بقيت ردود الاعضاء الكرام

**iyounes** · 31-01-2013 01:52 PM

العربية موديل 2004 وصاحبها اخره 44250 جنيهاً بس انا اللى يهمنى ان موضوع الشنطة ده ميأثرش على بيع العربية ومحدش يقولى دواخل وحاجات من ديه
اللى جايبلى العربية بيقول ديه مش دواخل بس كل الناس بتقولى طيب لما تيجى تعملها مش حترش دواخل ؟

الموضوع محير

**tameromarw** · 12-02-2013 10:15 PM

حاول تقلل من الثمن والخبطه طبعا المفروض تقلل الثمن عن مثيلتها بس مش كتير اوي
لو بتفكر بالبيع من الان من قبل عملية الشراء يبقي خليك في الحالة الافضل
لو ممكن تكبر دماغك يبقي خدها والبيع والشراء رزق من ربنا وساعة البيع ربنا يسهلهالك