علشان اي واحد بيعرف يمشي بالعربيه حرف s ويرجع تاني بياخد رخصة !!!
انا عن نفسي طلعت الرخصه بالحب وبعدين اتعلمت بس الحمد لله لحد ما اتعلمت مقتلتش حد هههههههههه
عرض للطباعة
علشان اي واحد بيعرف يمشي بالعربيه حرف s ويرجع تاني بياخد رخصة !!!
انا عن نفسي طلعت الرخصه بالحب وبعدين اتعلمت بس الحمد لله لحد ما اتعلمت مقتلتش حد هههههههههه
هههههههههههههههههههههه
والله حصلت معايا سواق تاكس لقيته خبط الاكصدام من ورا نزلت قولتله انتا عبيط
قالى عمال اقولك عدى عدى عدى وانتا مش بتعدى قولتله وده يديلك الحق انك تخبط العربيه ؟
ونزلت شخط وزعيق بقى من اللى قلبك يحبه :d
انا اتجنيت بصراحه يعنى ايه علشان يقولى عدى يخبطنى
هو فاكر الاكصدام ده فى كتفى مثلآ ههههههههههههههههههههههههه هه
عدم الوعى و قلة التعليم هم آفة هذا المجتمع
اينما تجد اللا منطق تجد قل الوعى والجهل وتدنى التعليم
والله فعلا قولت كل اللى فى نفسنا انا عن نفسى متغرب بالسعودية ولما انزل مصر واقارن بزعل جدا على بلدى لان بلاد كنا سابقنها بسنين ضوئية هى دلوقتى اللى سبقت بكتير قوى عمرى ما شوفت هنا فى السعودية نقل ماشى شمال ابدا عارفين ليه لان هنا فى قانون وبيطبق على الكبير والصغير ومخالفات مرورية صح يعنى السرعة مثلا اللى بتزيد عن سرعة الطريق ب 25 كيلو تدفع 300 ريال واللى اكتر من 25 كليو تدفع 500 ريال وعقوبة قطع الاشارة 900 ريال وممكن توصل للحبس ومش ممكن تتهرب من دفعهم لانهم مرتبطين بالتاشيرات ونزولك الاجازة وحتى لو حاولت تتهرب بتتضاعف الغرامة لو عدا عليها شهر غير سيارات الشرطة السرية الموجودة بالطرق عبارة عن سيارة ملاكى عادية ماشية وسط الطرق ولو لاقت حد مخالف بتطارده وتوقفه وتحرر له مخالفة فورية بس بصراحة بيتعاملو بقمة من الاحترام يعنى حتى لو انت مخالف بيحترمك ويحرر المخالفة وكل واحد ياخد حقه
اما الغريب فى مصر واللى يضايق فعلا انك تكون فى الحارة الشمال ومستعجل وتقلب النور للى امامك وهو لا هنا كانها حارته اللى اتولد فيها ومش عايز يسيبها وبرضه موضوع الاشارة انك تكون عايز تدخل فى اى اتجاه وتعطى اشارة تلاقى اللى وراك زود السرعة عشان متعديش مش فاهم النور البرتقالى بتاع الاشارة بيستفزهم اوى فقررت انى مديش اشارة احسن واول ما اقرر انى ادخل ادخل على طول ههههههههههههه طبعا بهزر بس فعلا قلة الوعى والجهل وسهولة الحصول على رخصة القيادة وعدم وجود مخالفات رادعة كلها اسباب لما نعانيه يارب تتقدم مصر للاحسن
طبعا الى انت قولته ده حقيقى و بيحصل و تقريبا حصلى و انا ماشى انهارده كله
الاول طالع من طريق على الاوتوستوراد مكروباص ترامكوا واقف فى اليمين فى الملف طالع من جنبه و عديت الاقيه طالع من ورايا ع اليمين عشان يدخل الملف الى بينه و بين الشارع 100 متر او اقل تقريبا و بيكسر عليا بغباء و ملوش دعوه بحاجة
واحده ست ماشيه على كوبرى بسرعه 50 او 40 فى الحارة الى فى النص و فى ملف يعنى من يمينها صعب تعدى عشان الملف و الشمال هيه حاجزاه بعربيتها
قدامها واحد ماشى فى الشمال بسرعه السلحفاه المريضه مش سلحفاه عاديه
ده طبعا غير النقل الى بياخد غرز بعربيته المقطوره ولا كانه سايق مينى كوبر و يوقع عليك طوب و رمل او المكروباص الى يوقف فى اليمين و يطلع يقفل حارتين على طريق سريع و على قائدى المركبات الى ماشيه يقفوا ع الفرامل عشان ميلبسوش فى بعض
ده غير طبعا الى ماشى فى ريس و بيقلبلك نور و انت طريقك قدام واقف اساسا و جنبك عربيات او الى يجى عكس فى وشك و مولع نوره العالى و نور الشبوره و بيقلب نور فى وشه
السواقه فى البلد دى بقت بترفع الضغط و نجيب الهم و الغم