الاخوة و الاخوات الكرام / أعضاء نايل موتورز
أسعد الله أوقاتكم ...
نفسي حد يفهمني سبب التصرفات التالية علي الطريق :
(1).. لما أكون ماشي في الحارة الشمال من الطريق بسرعة منتظمة 100 كم/س مثلا و أمامي عربية بسرعة أقل و بأقترب منه و المسافة البينية بتقل و أبدأ أرعش له نور علشان يوسع لي و يمين الطريق فاضي يسمح له بتغيير الحارة , ليه فجأة أول ما أرعش له نور يدوس فرامل ؟
هو مش عارف ان كده ممكن أني أدخل و أقعد جنبه ؟
(2).. ليه في الملفات العربيات أو سائقي السيارات بينقلوا من حارة لحارة ؟
مش المفروض يفضل محتفظ بحارته حتي لو في الملف ؟
مش فيه حاجة أسمها خط متصل ممنوع التخطي خلاله أو تغيير الحارة ؟
(3).. ليه الناس اللي بتسوق بسرعات منخفضة بتمشي في الشمال ؟
(4).. ليه الناس لاتحترم أولوية المرور للقادم من اليسار ؟
(5).. ليه الناس بتركن عربياتها في الملفات ؟ أو في الصينية ؟
هو مش عارف أنه كده بيحجب الرؤية عن السيارات الاخري ؟
طيب هو مش خايف علي عربيته أن واحد جاي بسرعة في الملف و مابيعرفش يسوق يشيلها له ؟
أسئلة بتدور في ذهني و أنا بأشوف التصرفات الغلط دي و بأكون في غاية الدهشة من اللي بيعملها
ياريت نتناقش فيها علشان نفسي أفهم الناس دي بتفكر أزاي ؟
و لا الناس دي مابتفكرش أساسا ؟