معايا 307
الباور فاصل والدركسيون تقيل جدا كأنى سايق فيات 132
برجاء المساعدة وافادتى المشكله ممكن تكون ايه وكيفيه تصليحها
عرض للطباعة
معايا 307
الباور فاصل والدركسيون تقيل جدا كأنى سايق فيات 132
برجاء المساعدة وافادتى المشكله ممكن تكون ايه وكيفيه تصليحها
اتاكد ان الباور مش معلق وان السير سليم وهل قربه زيت الباور مليانه ؟
حضرتك هو بنسبه 90% الفيوز بتاع طلمبه الباور باظ وضرب هو فيوز 70 امبير انا هبعت ليك رقمي ولما تكلمني هفهم حضرتك كل حاجه
http://www.nilemotors.net/Nile/data:...RRWL3Jnuf/2Q==
بص ياباشا هتفتح الكابوت هتلاقي علبه الفيوزات عل اليمين خالص فوق هتشيل الغطا من عليها هتلاقي علبه الفيوزات هيبقي ظاهرلك الفيوزات اللي فوق بس انما الفيوزات اللي تحت دي هتحتاج تطلع علبه الفيوزات لفوق شويه عشان تقدر تشيل الفيوز اللي انت عاوزو هتطلع علبه الفيوزات لفوق وهتلاقي صف الفيوزات اللي جمب بعض دول زي اللي في الصوره فيوز علبه الباور هو اخر فيوز عل اليمين لونو سمني ومكتوب عليه بالانجليزي 70 انا معلملك عليه في الصوره اللي رافعها دي هتشيلو وتركب فيوز جديد مكانو وعلبه الدركسيون هتشتغل باذن الله ماتنساش تفصل كابل البطاريه الموجب قبل اي حاجه هتعملها وبعد ماتخلص تركبو ...الكابل الموجب اللي هو من قدام وراس الاوطاش بتاعو لونها احمر ... بالتوفيق
http://i.ebayimg.com/t/PEUGEOT-307-2...Pc!~~60_35.JPG
اهو الفيوز اللي انا بتكلم عليه اخر فيوز عل اليمين اللي جمبو فيوز اخضر
العفو ياباشا علي ايه بس والحمد لله انها اتحلت ...
الله ينور عليك يا Venzo باشا
أنا كنت لسه هقوله يبص عال فيوز الأول لاقيتك بالتفصيل رادد وجايب صور كمان
ونفسي أعرف أيه اللي بيخلي الفيوز دا يضرب.!
يعني بيحصل مشكلة في دايرة الكهرباء فابيضرب الفيوز,, ولا بيكون في مشكلة فطرمبة الباور وبتضرب في الفيوز الأول..
لأن انا عندي فيوز طرمبة البنزين أتحرق برضة قبل ما الموتور بتاعها يبوظ علي طول.. :g:
والله يا استاذنا انا مش عارف ايه اللي بيخليه يضرب بالظبط انا عندي باظ لغايه دلوقتي مرتين ... ومش عارف ليه ؟ يارب بس تفضل عل الفيوز وماتجيش في حاجه تانيه :d
طيب انا عندي اليومين دول بحالات .. شوية الباور شغال .. وعدها مش شغال وتحس الدركسيون تقيل قوي و بيقطع ... .... وممكن اطفي العربية وارجع اشغلها تاني ويشتغل .. كده بقى مش فيوز ؟ او فيوز مهزوز ؟؟؟ رايكوا ايه
في الغالب فيوز.
وكدا كدا لازم تبدأ كشفك عن سبب العطل بأنك تكشف علي الفيوز الأول,,
أنت كشفت علي الفيوز أو بصيت عليه ؟
انت كنت سائل من فترة علي علبة فيوزات في موضوع وبتقول إن علبة الفيوزات عندك بايظة,
http://www.nilemotors.net/Nile/36055...post3875019635
غيرتها أو صلحتها ولا لسه ؟
انا مش راضي يفتح الصور عندي علشان عندي نفس المشكله
جايز كمان شربونات طلمبة الباور الكهرباء محتاجة تغيير !!
https://www.nilemotors.net/Nile/495614-a.html
والله نفس المشكلة عندي يا ladanow
الله ينور عليك يا Venzo
انا عندي تقريبا نفس المشكله و مفيش اي حل و مفيش كهربائي كلامه زي اللي قبله و للاسف المكان اللي انا في مفيهوش وكيل للبيجو ( جنوب السعودية )
السياره ما كان فيها اي شيئ غيرت زيت و غسلت السياره و من بعدها السياره لمبه abs و الهاند و الماتور بيشتغله بعد تشغيل السياره ب 5 دقايق و العدادات بتقف اول ما اللمبات تشتغل و الايام دي الاضاءة العاليه وقفت و الدركسيون بيتقل و يشتغل
ارجو الافادة افادكم الله