ارجوا المساعدة : عاوز اركب سمعات في البيبان الخلفية لليارس هل ينفع ؟

**Y a r i s** · 31-01-2013 06:06 PM

. ارجوا المساعدة : عاوز اركب سمعات في البيبان الخلفية لليارس هل ينفع ؟

مساء الخير ياشباب ...
دلوقتي انا عاوز اركب سمعات خلفية في ابواب اليارس من برة .... لان من ساعت مركبت المارسيدس السي كلاس الجديدة لصديق ليا وقعدت االعب في الماوس بتعها الي جمب الفتيس ....

وسمعت صوت الراديو فيها والمزيكا ... يا أخي يا أخي ده نجوم اف ام. الي بتسمعها في المرسيدس. غيرررررر النجوم اف ام الي بتسمعها في اليارس بسم الله مشاء الله ولمن سئلت صديقي هيا نوع السمعات ايه. قالي معرفش بس العربية فيها ١٦ سماعة .... وبيني وبينكم ورغم ان الرقم مبالغ فيه الا اني لا اشك في عدد السمعات الي راكب فيها ...

انا كنت قاعد في الاوبرى مكنتيش قاعد في عربية ... المهم قعدت افكر افكر افكر وقلت اليارس مش اقل من المارسيدس. بس مش هركب ١٦ سماعة. لأ لألأ .
كفاية عليه سماعتين يركبوا في الباب الخلفي للعربية وكده يكون في ٦ سمعات ابوس ايدي عليهم وش ظهر .

بس دلوقتي عمال افكر ... انا لو قلت هخرم واقطع في فرش الباب واجيب مكوة وافتح فتحة في قلب الفرش. هل ياترى شاسية الباب الخلفي في مكان اقدر اسقط فيه السماعة ولا هطر اقص الصاج !!

ثانياً : هل هيبقى منظرها حلو وشيك .... ولا هتبقى شكلها فيلح واكون عكيت الدنيااااااااا !!

ثالثاً : هل احس باختلاف لو ركبتهم ولا هو خرج الكاسيت هوا هوا. وتي تي ...تي تي. زي مارحتي زي ما جيتي

رابعاً : ايه انسب مكان. اخرم واحفر فيه في الباب علشان اقدر اركب السمعات الخلفية

خامساً : حد جرب يئلف ويعمل الحركة دي قبل كدة .

سادساً : هل ياترى بعد ما اعوووك الدنيا واحفر واردم في الباب. هل ياترى مع هزة السمعات هلاقي الصوت بيدب وبيلب في الصاج ولا احط ورى السمعات حاجة علشان مترينش .

@@@@@@@@@@@

وتحياتي

**Y a r i s** · 31-01-2013 07:02 PM

ماهو المشكلة انا مش فاكر الفين كود بتاعي
ومش مكتوب عندنا حتى على القايم بتاع عربيتنا ... هو الموقع ده ممكن يجيبلي صورة الباب من جواى
زي كدة

دي صورة الباب الامامي .... شايف الصاج موجود في اغلب الباب والفتحات فيه محدودة
فهل هيكون في الباب الخلفي مكان اثبت فيه السماعة ولا لازم نقص وساعتها هتتثبت في فرش الباب من برة

@@@@@@@@@@@@@

دي حاجة. الحاجة التانية بص شوف كده السمعات دي. ايه الجهاز الي راكب معاها وحتى مربطينوا في الباب الامامي في الصورة الي فوق. وهل بيجي معاها تويوترات هدية ؟؟

اهو البتاعة السودة الي متشعلقه في الباب دي بتاعت ايه. منقي صوت ولا اكوليزر ولا بيزود كهربا للسمعات ؟

معليش اني بسئل ... رغم ان ممكن حد يقولي روح عند بتوع الكسيتات وهما هيتصرفوا !
بس النهردة الناس من الاحداث الي حصلة في البلد تلاقي الواد بيشتغل من غير نفس وكروته في كروته
كان زمان في واد اسمو مصطفى في شارع الطيار كنت اوديلو العربية يروقهالي ويبدع فيها مع كوبايت الشاي واليانسون على كوبايت عناب تبص تلاقيه نايم كده جمب العربية ويلفلك سلكة سلكة ... كان مش بس بيشتغل بنفس لا دي كانت هواية عندوا ومتعة ... بخلاف العيال بتوع اليومين دول الي يقوم مكحرتلك العربية وقفل قفل قفل. ويالله يابيه اتكل على الله ... وتلاقي شغلوا كلو عك في عك ... فلو مكنتش فاهم قبل ما اخلي اي واحد يحط ايدوا في العربية هيعكولي الدنيا ويقلي. اي خدمة يابية فين الشاي بتعنا بقه ههههههه .

**Y a r i s** · 31-01-2013 07:16 PM

لقيت كام صورة لدواخل الباب
يالله اهو نجمع الصور كلها هنا علشان نقدر في النهاية نتخذ القرار المناسب
والكل يستفيد

بسم الله مشاء الله. ( الباب الامامي )

( الباب الخلفي )
مشكلة الصورة انها صغيرة بس مش عارف حاسس ان ممكن تركيب سمعات
اسفل زرار الشباك

**Ahmod** · 01-02-2013 12:56 AM

طب وليه تلعب في الابواب لما ممكن تركبلك 4 سماعات كمان ورا جمب الاتنين اللى موجودين !! ؟ وتتعمل عن اي محل صوتيات !!

**Y a r i s** · 01-02-2013 01:31 AM

المشاركة الأصلية كتبت بواسطة ahmod

طب وليه تلعب في الابواب لما ممكن تركبلك 4 سماعات كمان ورا جمب الاتنين اللى موجودين !! ؟ وتتعمل عن اي محل صوتيات !!

اهلاً اهلاً اهلاً
دكتور احمد حبيب قلبي لسه واللهي بلعب في الموبايل بطلع نمرتك وبعدين قلت لا الوقت متاخر خليني بكره اكلمك اطمن عليك يا غالي ايه فينك ياباشا ووووحشتيني

ازاي بقه يا بوحميد اركب سماعتين تنين جمب السمعات الاصلية بتاعت العربية
لان انا جربت قبل كده في الشاهين اطريت افصل رف ابلاكاش ام دي اف
بس الرف كان قابب ورى الكراسي كده وعالي
ورحت بصيت كده من جوا الشنطة لقيت فيه سيخ حديد بتاع فتح الشنطة كمان في اليارس تحت السمعات يعني مفيش امل حتى اقص في صاج الي تحت الرف علشان ازود سمعات بيني وبينك يا دكتور عاوز احط سمعات في كل حته نفسي كده احس اني قاعد في اوبرا عايدة وانا في العربية وارجع شبابي الي راح :)

**Y a r i s** · 01-02-2013 03:51 AM

المشاركة الأصلية كتبت بواسطة ali_affan

انبي يا أسدكائي
شوفولي المودوع اللي في توكيعي كدا

أسل أنا متوغوش

:)

انهي موضوع اصل انا معنديش كمبيوتر وشغال على تابليت فمبيطلعش عندي تواقيع حطلي الرابط بتاعوا

-

-

-

-

الموضوع: ارجوا المساعدة : عاوز اركب سمعات في البيبان الخلفية لليارس هل ينفع ؟

LinkBack

أدوات الموضوع

عرض

ارجوا المساعدة : عاوز اركب سمعات في البيبان الخلفية لليارس هل ينفع ؟ - انشر الموضوع فى :

-

المواضيع المتشابهه

افيدونى فى سمعات الصنى الخلفية

عاوز اغير كاوتش البيبان

عاوز اركب سمعات لل ياريس

عاوز اركب رنجات ارجو المساعدة

ارجوا المساعدة فى الفوانيس الخلفية

الكلمات الدلالية لهذا الموضوع

المفضلات

المفضلات

ضوابط المشاركة