صوت تزييق فى الكبينة الخلفية للفيرنا

**mshmshm3** · 02-02-2013 06:53 PM

المشاركة الأصلية كتبت بواسطة king_a841

أنا عملت زي حضرتك بالظبط بالأضافه اني فكيت فبر يتاع البابين اللي قدام
لدرجه انه وانا ماشي اسمع الصوت اتجننن اسيب الطريق وأقعد أخبط بأيدي على اي حاجه قريبه من مكان الصوت عشان أعرف بييجي منين لحد في مره بصيت للكرسي اللي جمبي وخبطته خبطه جامده من ورا كذا مره لقيت مسند الراس هو اللي بيعمل الصوت شلته خالص لقيت الصوت راح تماما ومسند الراس بتاع كرسي السواق بردووو بيعمل كده بس طول منتا ساند عليه ميعملش صوت مع انها 2012
الحمدلله اني خلصت منها ويارب تخلصوا انت كمان من الصوووووت ابن التيييييييييت ده

شيلته خالص ولا نزلته لتحت

**KING_A841** · 02-02-2013 07:13 PM

المشاركة الأصلية كتبت بواسطة mshmshm3

شيلته خالص ولا نزلته لتحت

نزلته تحت الصوت قل بس لسه موجود حاولت الزق عليه شريط لحام منفعش بتقشر وانا برجعه مكانه فشلته خالص مؤقتا لما أجيب مسند اللي هو بيتحرك لقدام وورا

**mshmshm3** · 02-02-2013 08:39 PM

المشاركة الأصلية كتبت بواسطة king_a841

نزلته تحت الصوت قل بس لسه موجود حاولت الزق عليه شريط لحام منفعش بتقشر وانا برجعه مكانه فشلته خالص مؤقتا لما أجيب مسند اللي هو بيتحرك لقدام وورا

شاكرين مهللين ياباشا
هجربها بكرة ان شاء الله

**drmohamedkhater** · 03-02-2013 07:17 PM

كانت عندى نفس المشكلة لغاية ما فى يومين المطر اللى فاتو لاقيت فيه مياه داخلة من البربريز الخلفى و لما رحت لبتاع الزجاج و فك البربريز و حط له سليكون و رجعه تانى اختفى الصوت تماما الحمد لله
المشكلة دلوقت فى رجة التابلوه و زنه بحسها فى صدر العربية مع الكبس على البنزين

**mma702** · 03-02-2013 11:32 PM

المشاركة الأصلية كتبت بواسطة drmohamedkhater

كانت عندى نفس المشكلة لغاية ما فى يومين المطر اللى فاتو لاقيت فيه مياه داخلة من البربريز الخلفى و لما رحت لبتاع الزجاج و فك البربريز و حط له سليكون و رجعه تانى اختفى الصوت تماما الحمد لله
المشكلة دلوقت فى رجة التابلوه و زنه بحسها فى صدر العربية مع الكبس على البنزين

علي فكره انا رحت لبتاع الزجاج وكشف على البربريز الخلفى وقال لى مفهوش مشكلة بس ممكن يكون في اتربة بين الزجاج والكوتش وقال لى تعالا يوم بالنهار ونحاول نرفع الكاوتش بمفك و ننظفه بالبلاور بصراحة انا لم اقتنع وقلت اسال الاول

**mma702** · 03-02-2013 11:41 PM

المشاركة الأصلية كتبت بواسطة mshmshm3

بص انا كنت زيك اول لما جبت العربية و سمعت حاجة بتزيق و اتجننت اوي لما ركبت الفيرنا الفيفا ولاقيتها من جوة ماسكة نفسها او يمكن كان بيتهيئلي ساعتها
المهم الموضوع في اوله كنت شاكك في الابواب مشيت في شارع مكسر و فتحت الابواب الصوت راح
رشيت wd-40 علي مفصلات الابواب و لسان الباب النتيجة ان الصوت اختفي تماما
رجع تاني بعدها بسنة تقريبا رشيت زيت تاني ماجابش نتيجة او بمعني اصح الصوت ظهر من حتة تانية
قولت يبقي جي من فيبر القايم
لازقت حروفه بالسيليكون
ومازالت
ربط صامولة حزام الامان في القايم
ومازالت
ربط صواميل الكراسي ال 4 صواميل لدرجة ان قطعة معدنية من طقم اللقم اللي كنت بربط بيه اتقطمت !!!
ومازالت
رشيت زيت wd-40 علي مجري الكراسي وعلي كل حاجة متحركة في الكرسي
ومازالت
شيلت الكنبة و ربط صواميلها كويس اوي
ومازالت
فكيت فيبر الصالون وحطيت سيلكون علي كليبساته
ومازالت
فكيت فرش الباب و ربط مكنة الرفع و كله تمام
ومازالت
ربط صواميل التابلوه و صواميل ورا التابلوه
ومازالت
دي تقريبا كل حاجة عملتها
بس اللي توصلت ليه مؤخراً ان الصوت مش بيبان لو في حد معايا في العربية و بيبان من كرسي السواق و من ناحية رف السماعات
بردو لازم تاخد بالك من خامات صالون الفيرنا كلها بلاستيك ردئ + ان العفشة اساسا مش ناعمة
يبقي حاول بقدر الامكان تمشي بالراحة في الطرق المكسرة و عين القطة

شكرا جدا على الرد ياهندسة

**drmohamedkhater** · 04-02-2013 02:50 PM

ربنا معاك
المهم لما توصل لحاجة تقول لنا

**mshmshm3** · 25-02-2013 04:36 PM

لفبت شريط لحام علي الحلقة اللي كالون الباب بيقفل عليها
النتيجة :
الباب مابقاش يرزع لما اقفله
والصوت لسة موجود
بس اللي هايعمل كدة مايزودش عن لفتين عشان الباب يقفل
انا شاكك في شداد الباب (المفصلة السودة اللي في النص في كل باب في مسمارين ربطينها مفوتين في كل الابواب و الاباب اللي جنبي في مرة رحت لبتاع ابواب و صلحها خلاها تربط و قرط عليها و بعد فترة لاقيتها مفوتة تاني