-
الله يسلمكم يا رجالة والله انتم فعلا عملين زى العيلة كدا لما واحد بيقع كله بيسنده
موضوع انى كنت ماشى بسرعة وبتخطى من اليمين او باخد غرزه
على فكرة هى دى متوسط سرعتى طول عمرى على المحور بليل
يعنى مكنتش حارق على العربية ولا حاجة دا يادوبك كنت دايس مثلا ربع الدواسة
وزى ما قولت متوسط سرعة تقريبا بقيت الناس ماشية جمبى
حتى الراجل اللى كان قدامى مكنش ماشى براحة يعنى اقل منى شوية لكن فوق الـ 100 باردوا
وانا مكنتش بجرى ولا حاجة انا كنت ماشى فى حارتى عادى من اول ما طلعت المحور
ومتخطش من اليمين انا نقلت للحارة اللى جمبى فى حركة عادية مش غرزة مثلا
ومعدتش من الشمال عشان كان فيه واحد فى الحارة اللى جمبى
ومفيش عوامل كتير اتجمعت على فكرة ولا حاجة هى المشكلة كلها حصلت لما العجل كلبش
لكن لو مكنش الموضوع دا حصل كنت هديت عادى جدا وعديت من شماله
مش معنى كدا انى بقول انى دايما بمشى عادى لا انا فى اوقات بتيجى عليا ببقى ماشى
بسرعات اعلى من كدا بكتير وبتهور فوق ما تتخيلوا .. وللاسف حاولت ابطل لكن الموضوع عامل زى الادمان
بس ان شاء الله ربنا يهدى الواحد ويتعظ من اللى حصل دا
والحمد لله على كل شئ وفعلا الواحد بيشوف حوادث اقل من دى والناس بتتبهدل
والحادثة جامدة فعلا ومنظر العربية وهى رايحة للحواجز على بسرعة كدا يرعب
-
حمدالله عالسلامة يا باشا و اشكر ربنا و حاول تطلع حاجة لله
و ان شاء الله العربية تتصلح و تبقا احسن من الاول و بعد كدة بقا حاول متزودش عن ١٢٠ بالكتير
-
معلش يا ياسر اللي يجي في الريش بقشيش والف سلامة عليك والحمد لله انها جت على قد كده
-
الحمد لله على كل شىء
ولكن الدرس المستفاد للجميع اياكم والتخطى من اليمين او زيادة السرعه فى حاره مش مناسبه
-
قدر الله وماشاء فعل يا ياسر
الحمد لله على نجاتك وسلامتك ...
وفداك الف عربية ربنا يعوض عليك ان شاء الله
-
الحمدلله علي سلامتك اخي
في الحديد ولا فيك
فداك الف سيارة واهم شئ انك سالم الحمد لله الحديد يتعوض
الله يحفظ الجميع من كل سوء
-
وقل لن يصيبنا إلا ما كتب الله لنا
صدق الله العظيم
ألف حمد لله على السلامة يا أستاذ ياسر وربنا يعوضك بالاحسن منها إن شاء الله وفداك مليون عربية المهم إن حضرتك بخير
-
حمدا لله علي سلامتك ، وربنا يعوض عليك
-
الأخ tutankhamoun
كلامك صح ولكن أسلوبك خشن شويتين
الأخ ياسر
ألف حمدلله علي سلامتك وفداك العربية ولكن أرجوك بعد الدرس ده تمشي علي مهلك وخصوصا بالليل وبلاش تهور علشان خاطر كل اللي بيحبوك ومستنيينك ترجعلهم بالسلامة
أنا قولت النصيحة دي قبل كده لأخ تاني هنا في المنتدي برضه ويارب يكون أخد بيها
-
و الله يا أخ ميكوا ... أكتر حاجة بتضايقيني في البلد دي هو الأستهتار في السواقة و أنا أسلوبي على فكرة مش خشن خالص .
بس يمكن في المداخلة دي ... ممكن .
أنا قرأت اللي كتبه أخونا ياسر عن الدروس المستفادة من الحادث
لقيته مش كاتب أهم درس و كاتب عن حاجات تانية خالص ... فشعرت أني لازم أرد .
===
السواقة برة مصر بتعلم الألتزام و أحنا عندنا في مصر ........ سمك لبن تمر هندي
فالواحد بيزعل لما بيشوف ان الغلط عند الناس صح ......... و الصح غلط .
يعني أخونا ياسر و ناس كتيرة متعودة تمشي على سرعات عالية و ده العادي في مصر .
و لكن في البلد المحترمة ...... محدش يقدر يستجري أو يتجرأ يكسر السرعات القانونية و مفيش حاجة أسمها أدمان و أصلي بحب السرعة و الكلام ده .
لو حد زعل من كلامي أنا بتآسف لأي حد أتضايق لو حس أن اسلوبي في المداخلة اللي فاتت كان ناشف شوية .
تحياتي للجميع و الحمد لله على سلامة أخونا الكريم ياسر .
Content Relevant URLs by
vBSEO 3.6.0 PL2