السلام عليكم؛
طبعا معظم الأعضاء من حضراتكم عارفين إني إشتريت الحمدلله فيكترا سي 2008إليجانس، وعملت أكتر من موضوع بخصوص العربيه بطلب فيهم مساعدات وبصراحه العصابه مش بتتأخر عني خالص كتر خيركم جميعاً
المهم؛
دورت علي النت كتير علي مانيوال"دليل كيف تقود السيارة " بتاع العربيه ودايماً كنت بلاقي نسخه فوكسهول فيكترا 2007 هيه تقريبا نفس عربيتي مع فرق الدركسيون الإنجليزي الشهير إلي اليمين والمعضله الكبري" المواتير مختلفه تماما أقل حاجه 1800cc- والجنوط المختلفه بمقاسات كتير من أول "15 "
عموماً انا نزلت النسخه الإنجليزي pdf علي الإيباد للي يحب ممكن أرفعهاله لكن اللي مكدرني إن فيه شويه إختلافات عايز أعرفها مثلاً:
١-النوع الأمثل للكاوتش والمقاس للموديل اللي في توكيل منصور وقياس الهواء فيه يبقي كام لأني شفت أرقام غريبه أقلها 33psi
٢- نوع البنزين المفترض إنه الأمثل هل 92 أم 95 ؟ "طبعاً لو حد عارف انه 95متقولش في وشي وسيبني علي عمايا
٣-نوع الزيت للموتور هل موبيل وان 10000كلم وألا إيه أفضل نوع
٤-إزاز فانوس الشبورة اليمين مكسور بس الفانوس شغال هل الإزاز يمكن تغييره لوحده؟ وبكام ولو أمكن في المنصورة
كنت حابب لو حد عنده السيرفيس مانيوال للموديل المصري"مش لازم عربي إنجليزي ماشي بلاش ألماني أبوس إيديكوا
أو لو حد يتفضل يساعد بإجابة تساؤلاتي

وشكرا جزيلاً مقدماً