الاختيار الصعب ....... برسونا 2013 ولا صني 2013

**Ayman12345** · 01-02-2013 09:32 PM

المصمم الى عمل الصنى شكل الجديد ﻻزم ياخد جائزة ابشع تصميم فى تاريخ السيارات ..تحس ان ظهر العربية مش راكب على وشها كانك جبت نصين من عربيتين مختلفتين و لحمتهم فى بعض و التابلوه بتاعها ماخود من النيسان ميكرا و فقيرة جدا من جوه

هى طبعا عربية عملية و تعتبر ارخص عربية يبانى فى مصر .....كلمة يبانى يعنى عربية مش بتعطل و اقتصادية فى البنزين....بس نخلى بالنا ان فيها مشاكل كتيرة معروضة فى قسم نيسان

ان رايى لو عايز عربية اعتمادية تجيب هيونداى اكسنت rb بس هتضحى بالثبات و هى سعرها قريب جدا من الصنى بس هتجيب اول فئة

لو عايز شكل و ركوبة و ثبات يبقى البرسونا بس طبعا تستحمل عيوبها اللى قتلت بحثا فى مواضيع منتدى بروتون

rbغليت جامد ...... اول فئة 120000 من غير وسائل الامان زي ال abs ,و ال ebd و ضيقة من جوه

**Ayman12345** · 01-02-2013 09:35 PM

هل موديل 2013 عيوب التقفيل فيه اقل من الموديلات السابقة ؟

**Al-Farooq** · 01-02-2013 10:56 PM

انت لو بتقارن بين الصني الجديد والقديم ، القديم يكسب.

اما بالنسبة لسؤالك
من حيث الاتساع - الصني الجديد اوسع حسب الكلام المنتشر ، وعلى العموم الوسع دة كان على حساب ابعاد السيارة الخارجية الضايعة.
من حيث البنزين - الصني الجديد لأن محركها سعته اقل.

من حيث اى حاجة تانية بروتون برسونا تكسب.
دي الخلاصة.

**eng.m7md.ali** · 02-02-2013 01:22 AM

مين قال ان في عيب في ماستر فرامل البيرسونا؟!!!!

الكلام ده ملهوش اي اساس من الصحة

ومع احترامي للنيسان صني مفيش وجه مقارنة ولا الموضوع مستاهل الحيرة دي

**Ayman12345** · 02-02-2013 06:39 PM

متشكر ليكم يا رجالة و مقدر رايكم جدا .
انا حاولت اعمل test drive للبرسونا بس عز العرب معندوش القصة دي , على العموم انا هركبها بس كده و اشوف , انا سوقت الصني النهاردة و كان الجميل فيها الوسع و النعومة في السواقة و عدم سماع صوت الموتور نهائي حتي لما تقرص على الدواسة .

**D . a .\ AYMAN** · 06-02-2013 12:11 AM

المشاركة الأصلية كتبت بواسطة ayman12345

متشكر ليكم يا رجالة و مقدر رايكم جدا .
انا حاولت اعمل test drive للبرسونا بس عز العرب معندوش القصة دي , على العموم انا هركبها بس كده و اشوف , انا سوقت الصني النهاردة و كان الجميل فيها الوسع و النعومة في السواقة و عدم سماع صوت الموتور نهائي حتي لما تقرص على الدواسة .

لما كنت بقارن بين البيرسونا والصني .. كانت دي فعلا هي الميزة الوحيدة فعلا بينهم وبين بعض

الهدوء القاتل لصوت الموتور بتاع الصني .. ودي عموما ميزة أي عربية ياباني ... بس البيرسونا برضه صوتها مش مزعج نهائي وهادي وجميل

لكني في النهاية استقريت على البيرسونا عشان كل حاجة تانية كانت متفوقة عنها سواء التقفيل والوسع من جوة أو الشكل من برة .. أو العفشة او قوة الموتور أو وسائل الأمان أو بقية الأوبشنز البسيطة من جميع الجهات

لكن في الاعتمادية أعتقد الأثنين قريبين جدا من بعض ,, عيب البيرسونا توكيلها على ما أسمع لأني لسة ما قبلتش منه حاجة وحشة الحمد لله .. لكن مودرن موتورز برضه مهبب من تجارب شخصية .. أعتقد إن السبع كويس وأداؤه مرضي الى حد ما من كلام الأعضاء هنا طبعا لأني ماتعاملتش معاه

الكلام ده على الصني 2012 لأني ما جربتش 2013

**ahmedsiyam** · 08-02-2013 06:02 PM

بيرسونا طبعا مافيش كلام

**Motarjim** · 08-02-2013 09:45 PM

المشاركة الأصلية كتبت بواسطة ayman12345

هل موديل 2013 عيوب التقفيل فيه اقل من الموديلات السابقة ؟

السلام عليكم أستاذ أيمن،

بالنسبة لموديل السنة من البرسونا، ممكن تلاقي عيوب تقفيل بسيطة، مثلا في تقفيل الاكصدامات، يعني تلاقي في بروز طفيف في الاكصدام الخلفي تحت الفانوس، أو عدم محاذاة الاكصدام مع الرفرف الأمامي، ده داخل شوية أو التاني طالع حاجة بسطية، وإن كان الموضوع غير ملحوظ من أول وهلة.

الحدفة اليمين لا زالت موجود في معظم العربيات سواء جين تو أو برسونا، ولكن بتظبط زاويا وتبقى تمام.

بس عمومًا ما فيش حاجة كاملة، والعيوب البسيطة دي، يمكن تقبلها، وإن كان الامر يختلف من شخص لآخر.

وبالتوفيق إن شاء الله.

**aser_5050** · 11-02-2013 08:50 AM

توكيل عز العرب زي الزفت
العد عنها تماما انا معايا 2011 لعندهم قطع غيار ولا اي حاجه وخدمة زي الزفت
بلية الشداد عندا بتصفر والمفروض تتغير والبشوات بيقولولي مش موجوده
حسبي الله ونعم الوكيل فيك يا عز العرب