استفسار عن تيل فرامل الصني الجديدة

**ahmed 117486** · 01-02-2013 07:03 PM

يا جماعة سؤال هو العمر الافتراضي للتيل قد ايه علشان التيل غيرته بعد 6 الاف كليو هو ده عادي ولا السواقة بتعتي هي الناشفة علي العربية ولا علشان التيل صناعة هندي

**youssef_u** · 01-02-2013 07:20 PM

التيل عمره مش بيقل عن ٢٠ الف كيلو مهما كان نوعه ولازم تكون غيرته في الضمان و تركب صاجة التيل الخلفي في الضمان ضروري لان دي بتحل مشكلة الفرامل في العربية

**Dr'AhmZZong** · 01-02-2013 08:33 PM

6 الاف !!!!!!!!!!!!!!!!!!!!!!

قليل جدا ..

**kliken** · 01-02-2013 09:02 PM

موضوع التيل ده عجيب جدا و اظن حضرتك مش اول واحد تشتكى من انه خلص بسرعه

**ahmed 117486** · 01-02-2013 09:12 PM

المشاركة الأصلية كتبت بواسطة ahmazong

6 الاف !!!!!!!!!!!!!!!!!!!!!!

قليل جدا ..

بالظبط ده بقي عيب في سواقتي ولا في في الخامات المستخدمة في قطع الغيار علشان لو سواقتي هحاول اغيرها لكن لو ان قطع الغيار المستخدمة في العربية رديئة (هندي) تبقي مصيبة لنيسان وانا ممكن ارفع صور التيل القديم بعدالتغير اتمسح بمعني الكلمة

**youssef_u** · 01-02-2013 09:26 PM

المشاركة الأصلية كتبت بواسطة ahmed 117486

شكرا يا استاذ يوسف علي سرعة الرد وانا فعلا غيرت التيل في التوكيل بس هو التيل الامامي بس غيرته لان التيل اصلا اتمسح بقي حديد بس مش عارف هو ده من اسلوب السواقة بتاعي وانا عارف ان سواقتي كلها غرز وجري

مهما كان اسلوب سواقتك يا باشا ٦ الاف ده قلييل جدا وزي ما بقول لحضرتك صاجة التيل الخلفي و بيزبطو حاجة في منظومة الفرامل كلها و المشاكل دي بتتحل ان شاء الله

**Dr'AhmZZong** · 01-02-2013 09:31 PM

المشاركة الأصلية كتبت بواسطة ahmed 117486

بالظبط ده بقي عيب في سواقتي ولا في في الخامات المستخدمة في قطع الغيار علشان لو سواقتي هحاول اغيرها لكن لو ان قطع الغيار المستخدمة في العربية رديئة (هندي) تبقي مصيبة لنيسان وانا ممكن ارفع صور التيل القديم بعدالتغير اتمسح بمعني الكلمة

المشاركة الأصلية كتبت بواسطة youssef_u

مهما كان اسلوب سواقتك يا باشا ٦ الاف ده قلييل جدا وزي ما بقول لحضرتك صاجة التيل الخلفي و بيزبطو حاجة في منظومة الفرامل كلها و المشاكل دي بتتحل ان شاء الله

**canner** · 01-02-2013 10:31 PM

الحل اللى انا شايفه انك تستمر زى ما انت بالسواقة بتاعك و عدى الف كم بالتيل الجديد و بعدين روح عند ميكانيكى و خليه يفكلك التيل و يكشفلك عليه لو لقيته اتاكل منه يبقى العيب من السواقه بتاعتك و تغير فيها و لو لقيته زى ما هو اعرف ان المشكلة كانت فى التيل اللى كان محطوط

و كده كده يا ريت تغير من سواقتك و بلاش الجرى و الغرز علشان العربية و عشانك و عشان الناس اللى حواليك

تحياتى