استفسار عن برمجه كمبيوتر السيارات والعدادات

السلام عليكم ورحمه الله وبركاته
انا سمعت كتير عن موضوع برمجه العدادت الديجيتال وكمبيوترات العربيات
وكل ما يتعلق بالسوفت وير الخاص بالسياره
ودورت كتير علي النت وسالت اصحابي اللي عندهم مراكز صيانه من الفا روميو للانشيا وقالولي ان الموضوع ده موجود بس مش منتشر وربحه كويس وتكلفته مش عاليه بس هو محتاج خبره
وانا شغلي الاساسي في مجال برمجه التليفون المحمول والسوفت وير
فهل الموضوع ده موجود في مصر وايه اللي انا محتاجه علشان ادخل المجال ده
وايه اسعار الاجهزه وايه البرامج اللي الواحد بيحتاجها والكابلات او حتي مخططات الكابلات ونعملها يدوي
وطبعا الموضوع في سبيل التجربه فلو ممكن انكم تساعدوني في معرفه المعدات دي بس يا ريت طبعا نبدا باقل حاجه لاني مش حفتح توكيل
ويا تري الموضوع متاح ولا لاء وقانوني ولا لاء
اتمني اشوف ردودكم وتشجيعكم واسعاركم علشان دي اللي انا حاسس انها حتكون عاليه اوي
وربنا يوفقني ويوفقكم باذن الله

فاكر التوبيك دة يا شنر ؟
بعد البحث والمراقبة والتمحيص .. وشغل المراقبة والمخابرات
وجدت الكثير من موضوعاتك القديمة منها
http://www.nilemotors.net/Nile/33344-a.html

هرد عليك بعد 1094 يوم :)
الموضوع بكل بساطة يا استاذ محمد ان فية اجهزة كتير ممكن نشتريها من مواقع على النت وقمت بالفعل سابقاَ بشراء احد
هذة الاجهزة " مش هذكر اسم علشان ميكونش اعلان " الجهاز معة كل الكابلات بتاعتة وكل محتوياتة
الموضوع مربح فعلا .. لكنة على العكس مكلف .. ولو حبيت تفاصيل واسماء ماركات واسعار وكيفية استغلال الموضوع
قولي وافيدك بالتفاصيل ان كنت مازلت مهتم .. طبعا معتقدش انك مهتم واكيد عرفت كل حاجة خلال الـ 1094 يوم :)
الجهاز يمكن تحديثة عن طريق الانترنت بشكل ذاتى كما يمكن تعديل السوفت وير ليناسب سيارات اخري
ايضاَ هناك اجهزة فيها خاصية نسخ كود الشفرة المخصص للسيارات التى تعمل بشفرة بالمفتاح الايموبليزر
ومدمج بها " طباعة " تقوم بطباعة تقرير كامل عن السيارة من نفس الجهاز

اولا ازيك شنوري ؟؟؟

طب وايه الفايدة من اعادة برمجة كمبيوتر العربية من جديد ؟؟؟؟

index


الاعلان ده موجود هنا فى المنتدى فى الصفحة فوق دى شركة بتشتغل فى اجهزة السكانر بتاعة تحديد الاعطال ياريت يا باشا تجيب الاجهزة دى و تظبط اخواتك الاسكندرانية

سؤال خارج الموضوع : عندك استيكر و شماسة نايل موتورز ( فين و بكام ؟)

ربنا ييسرلك أمورك