ارجو الافادة فى الانسر البومة مانيوال

**islamnasser10** · 28-07-2008 11:06 PM

السلام عليكم
اولا انا لسه جديد هنا مبقاليش اسبوع واللى خلانى اشترك معاكو انى من عشاق اللانسر البومه بشكل خاص وكنت عايز استفسر عن حاجات لانى ناوى اجيبها بعد فترة باذن الله
ايه الفروق بين ال 1300 وال 1600 وياريت يكون الشرح وافى لانى مفهمش المصطلحات اوى يعنى ايه سحب مثلا وكده فارجو تبسيط المصطلحات او شرحها
وفرق استهلاك البنزين بين الاتنين
ايه الاختلاف فى الاوبشن بين الاتنين
وال 1300 اخرها على العداد كام علشان الموتور مايفوتش زى مابيقولوا
وال 1600 اخرها كام برضه مع مراعاة الحفاظ على الموتور
وفيه حاجه تانيه بالنسبة للشكل فيه لانسر البومه مقدمتها تختلف على الاخر فمثلا يوجد واحده مقدمتها عامله زى المسطرة والاخري منحنية شويه ايه الفرق بين الشكل ده والاخر
وعايز اعرف سعر ال 1300 وال 1600 فى مصر وهل ممكن يكون فيه فتحة سقف فى المانيوال وايرباج والكماليات دى مع العلم ان كل كلامى على اللانسر المانيوال لانى مش بحب الاوتوماتيك لانى باختصار عايز اسوق وشكرا لكل اللى هيفدنى وللمنتدي الهايل ده
اااااسف جدااااا للاطاله كل ده
(عاشق اللانسر)

**islamnasser10** · 28-07-2008 11:09 PM

اسف نسيت حاجات
فيه فرق بين سماعات البومة المانيوال والاوتوماتيك زى مابيقولوا ولا لاء ؟
لان السماعات تهمنى اوى
وفرق التكيف بين ال 1300 وال 1600
وياتري المنيوال فيها سبويلر ولا لازم انا اجبلها من التوكيل بعد كده
ارجو محدش يغضب من كتر اسالتى لانى مهتم انى اعرف ادق التفاصيل عنها

**Dr Ahmed** · 29-07-2008 12:16 AM

هقوللك إللى أنا عارفه

ال 1300 أوفر فى البنزين طبعا ومعقولة جدا فى التكييف والسحب (السحب يعنى تدوس بنزين فالعربية تشد وتجرى بسرعة) ومافيهاش ABS or EBD ومناسبة جدا للى بيسافر قليل ومشاويره كتير فى المدينة
ال 1600 أقوى فى السحب والتكييف وأعلى فى إستهلاك البنزين ومناسبة للى بيسافر كتير وفيها ال ABS and EBD
الاتنين نفس الشكل تماما
فتحة السقف أعتقد فى 1600 السبورت فقط
آخر عداد ال 1300 220 أو 240 ومش هتجيبهم أبدا لأن السرعة القصوى للسيارة لا تتعدى 180
فى ال 1600 مش عارف
فيه اختلافات بسيطة بين المصرى والخليجى أهمها وجود إير باج فى ال 1300 الخليجى للسائق وبعض الكماليات وإيموبيليزر (يعنى العربية لا تعمل بنسخة مفتاح)
السماعات والسبويلر والكلام البسيط ده مفروض ميفرقش فى قرار شراء سيارة