استفسار مروري من مكان لمكان ؟؟

**miceg** · 01-02-2013 11:26 PM

السلام عليكم ورحمة الله
انا عارف ان الموضوع ممكن يكون مش فمكانه
لكن قسم نيسان من أكثر الاقسام حيوية واانا مستعجل عالرد عشان هنزل ان شاء الله الساعة السابعة صباحا
عاوز اروح الاسماعيلية من القاهرة (( م نصر)) وبعدين من الاسماعيلية للعين السخنة ومن ثم الرجوع من السخنة الى القاهرة
لو أمكن كمان تقولولي الطرق دي عليها رادارات ولا لا عشان مستعد لنفخ العربية ههههههه

**Dr'AhmZZong** · 01-02-2013 11:42 PM

أنا ماشي بـ gps عشان أنا بصراحة بحب التوهان زي عنيا هههههههههههههه

متنساش دعاء السفر ده اهم من أي حاجة و إن شاء الله تيجي بالسلامة ..

تحياتي ..

**miceg** · 02-02-2013 12:13 AM

بارك الله فيك على ردودكم
بس كلامي عن سؤالي ازاي اروح الاماكن دي
وليست الرادارات فقط
يعني مثلا من القاهرة للاسماعيلية أمسك تقريبا طريق العاشر من رمضان سواء من طريق السويس ثم مدخل الشروق الى طريق العاشر ثم الاسماعيلية ؟
عاوز أتاكد
ومن ثم أقرب طريق للرجوع من الاسماعيلية الى العين السخنة

**zambarota** · 02-02-2013 03:13 AM

وانت رايح اسماعيليه بعد مدخل الشروق 2 وقبل المركز الطبى العالمي فى ردار وكمين بس مش ثابتين الافضل انك تهدي

بعد كارته اسماعيليه وقبل مدخل سرابيوم لما تلاقى النجيله ظهرت على الجزيره فى ردار وكمين بس مش ثابتين بس الافضل انك تهدي

طبعا بعد لما تخلص صلاح سالم تروح طريق جوزيف تيتو (السندباد) وتخلصه وبعدين تركب الكوبرى وتنزل منه تلاقى نفسك فى طريق اسماعيليه

وصلت اسماعيليه وخلصت مصلحتك

هاتروح تركب طريق اسماعيليه فايد السويس هو طريق مش كويس اوى ومفيهوش ردارات بس خلى بالك وانت سايق من المطبات

بعد لما توصل السويس سهل انك توصل السخنه على نفس طريقك وحتى وانت ماشى ورايح السخنه هاتلاقى مدخل طريق العين السخنه القاهره على يمينك

وانت راجع بقى من السخنه ارجع عن طريق العين السخنه القاهره (طريق القطاميه)

ساعات بيبقى فيه ردارات واكمنه متحركه بس خلى بالك ساعات المقابل بينبهك
ولو بالييل مش هاتلاقى ردارات

تروح وتيجى بالسلامه وخلى بالك طريق السخنه والسويس فيهم قلق شويه اليومين دول