الموضوع: كاوتش الفلشيا

الاجابة عن السؤال الأول
ينفع طبعا انا شخصيا لسه مغيير الاربع فرد للعربية ومقاس الكتالوج 165/65/13 طبعا علشان نرفع فليشيتنا عن الارض شوية غيرنا للمقاس 175/70/13 وشغال زى الفل بس فى حاجة دا لو انتا حتغيير الأربع فرد وبرضو ممكن تغيير فردتين بس لازم يكوم اما فى المقدمة واما فى المؤخره
انا جبت اربع فرد بريدجيستون تايوانى b250 دى النقشه سعر الفردة الواحدة ب320 جنية ودا كان من حوالى شهر كدا....*
الاجابة عن السؤال الثانى

مساعدين الشنطة لو بيرفعو الشنط عادى خليك معاهم لما يجيبو اخرهم وتغييرهم سهل جدا وعلى فكرة مبيتصلحوش اشترى جديد وسعرهم ما بين 65 الى 80جنيه للجوز....

المشاركة الأصلية كتبت بواسطة عبدالرحمن-جبر

شكرا جزيلا عالرد يا باشا أنا إن شاء الله ناوي أشتري سكود ا فلشيا إيه الحاجات اللي اركز عليها فيها و هـل فيها مشكلة فلكاربراتر عشان أنا عندي عقدة منه أنا شفت واحدة كان صوتها عالي قوي ولا اللادا فهل هي عربية خشنة للدرجة دي

الفليشيا زى اى عربية مستعملة رايح تشتريها اول حاجة تركز عليها تشوف الموتور ثم الموتور يعني لو خفيف ابعد عنها تانى حاجة العفشة بتاعة العربية وحالة الصاج
بالنسبة للكربراتير متقلقش منه على قد ماهو معقد بس سهل تظبيطه وموضوع الصوت العالى اللى انت سمعته ممكن تكون التاكيهات عايزة تتظبط مش اكتر وبالتوفيق فى عربية تكون حالتها كويسة

المشاركة الأصلية كتبت بواسطة عبدالرحمن-جبر

ربنا يخليك أنا هروح ابوس على والحدة تانية بكرة وربنا يقدم اللي فيه الخير
بس هي استهلاك البنزين اخباره إيه وإيه الفرق بين lx و glx غير التكيف

بالنسبة للبنزين متقلقش من الاستهلاك بتاعه لو الكربراتير مظبوط وطرمبة البنزين حالتها كويسة
الاوبشنز تبع الموديل
glx
مريات كهرباء -- تكييف -- عداد rpm و ساعة دجيتال -- الكنبة جزئين -- لمبة داخل الشنطة -- كونسول -- فوانيس شبورة قدام وورا