حيران في الجراند بونتو !!!!

**Ahmad Aboul Fotouh** · 28-07-2008 11:41 PM

السلام عليكم و رحمة الله

بعد متفرجت علي الجراند بونتو في التوكيل اعجبت بها جدا من ناحية التصميم الجذاب و قوة صاج العربيه اللي يوحي بتقل العربيه علي الطريق و قوتها و ارتفاع معدل الامان بها ( تقريبا دي اول عربيه احس بانها قويه بعد عريتي الاوبل استرا 2005) وكمان 1400 سي سي هيوفر بنزين و ضرايب . فعلا انا احترمت فيات من خلال هذه الزياره و بعتبرهم اخوات الالمان في صناعة السيارات:
المهم انا عاوز اسال عن الحاجات اللي مبتباتش الا بقيادة العربيه و تجربتها
1- الفتيس ايزي ترونيك مش ستب ترونيك بمعني انه في الاساس مانيوال بتروس ولكنه بينقل اتوماتيكي يعني هوه نفس اللي في الاسترا والتويوتا كورولا الجديده و طبعا كلنا عارفين مشاكل الفتيس ده في الكورولا ( بينتش و بياخر في النقل بشهادة الجميع) السؤال هو هل فتيس الجراند بونتو بيعمل نفس المشاكل ؟؟؟؟

2- الموتور 77 حصان وانا عاوز عربيه ممكن في اوقات كتيره يكون راكبها 4 او 5 افراد و ممكن اسافر بيهم مسافة 100 كيلو وميهمنيش موضوع اقصي سرعه للعربيه بس يهمني ان العربيه محسش انها مش بتسحب لما يكون فيها ناس كتير هل كده الموتور ده مينفعنيش. مع ان الراجل في التوكيل قاللي ان الموتور ده ميزته بيولد اقصي عزم عن عدد لفات قليله فهل ده كوي ولا ايه ياللي جربتو العربيه

3- اخبار الثبات و احساسك بتقل العربيه ايه لان ده مهم عندي اوي بحكم سواقتي للاوبل استرا
ارجو من الاخوخ مالكي العربيه يحكولي عن تجربتهم لاني مشلاقي مواضيع كتيره عنها في المنتدي والعربيه عاجباني شكلا و متانة جدا... هيه مش منتشره ولا ايه؟؟؟
اخيرا اتمني من سبعاوي يقول رايه فيها بذات في موضوع العزم و 77 حصان دول

**NaderNabil** · 28-07-2008 11:45 PM

انا مش معيا العربية بس هاقترح عليك زيارة المنتدي بتاعها في الخارج...ان شاء الله تلاقي الأجوبة علي أسألتك....بس دور فيه شويه لأنه كبير

http://www.fiatforum.com/grande-punto/

**Ahmad Aboul Fotouh** · 30-07-2008 09:02 AM

شكرا يا نادر انا بصراحه دورت فيه كتير بس موصلتش لحاجه فيه

هوه ليه محدش بيرد عليه .... فين عصابة الفيات... هوه محدش جرب العربيه دي ولا ايه

**Dr.A.Nabil** · 30-07-2008 06:19 PM

انا عندي بونت العاديه
مش كلاسيك
مش هاقدر افيدك
انا ماقابلتش حد الصراحه خالص عنده هنا في المنتدى جراند بونتو

**MomoMedo** · 30-07-2008 07:18 PM

انا العربية دي بعشقها والله ونفسي اجيبها بس موضوع الموتور ال77 حصان دة هو اللي مقلقني

**mohamed ibiza** · 30-07-2008 07:35 PM

عربية جميلة جدا بس من جوا كلها بلاستيك:(

**Ahmad Aboul Fotouh** · 31-07-2008 12:39 PM

يعني عصابة الفيات ساكته ....
ايه واخدين اجازه ولا ايه؟؟؟؟

**boshy** · 31-07-2008 02:30 PM

basha ana m3aia el 3arbia fo2 el momtaza very stable el motor bet3ha da3ef shewia fo2 130 el gear box manual bs byen2al lewahdo " easy tronic ' ana mashy lhed delw2aty 11000 mazahersh ay 3ayob

**فادى** · 31-07-2008 10:47 PM

بالنسبة للفتيس فمفيش منه أى قلق زى فتيس الكورولا لأن فيات أو مجموعة فيات هى أول من ابتكر هذا النوع من علب التروس و كانت أول سيارة تزود به هى ألفاروميو 156 سنة 1999 و كان اسمه وقتها سيلسبيد و هو مقتبس من الفتيس الخاص بسيارات فيرارى التى تشارك فى سباقات الفورمولا واحد فهى أفضل علبة تروس متوفرة من هذا النوع.
بالنسبة للمحرك, فكلام المهندس صحيح تماما, المحرك يولد عزمه عند عدد لفات قليلة, لذا فانك سوف تجد المحرك قوى و عصبى للغاية, و التسارع سوف يكون جيدا فى مختلف ظروف القيادة, و لكن فقط سوف يظهر التأثير عند احتساب مناورة ال0-100 كلم الشهيرة, و لكن تذكر أن هذه المناورة تحتسب على أساس أنك سوف تصل الى الحدود القصوى للمحرك Red Zone على كل نسبة, و طبعا لا أحد يقود بهذه الطريقة,
بالنسبة للثبات فلا تقلق, سيارات فيات مشهورة بالطابع الرياضى و الثبات عموما.
و العربية بدأت تنتشر بعض الشىء, و أعتقد انها هتنتشر بشكل أكبر فى الفترة القادمة.