الموبايل ومكنة الرفع

**eldell** · 03-02-2013 12:11 AM

نفس المشكله ديه حصلت معاااايا بس انا السنتر بقى مش بيقفل انا الزجاج الى جنبى انا بس الى يقفل واتاقلمت عليها وخلاص بس هو غالبا بيبقى من المكن الى احنا مركبينه

**Salamonti** · 03-02-2013 02:53 AM

العيب من قطعة من اتنين مالهمش تالت..
وحدة الرفع أو جهاز الإنذار نفسه
حاجة منها بتعمل تداخل وتستقبل إشارة غلط
وفي حالتك أعتقد العيب من وحدة الإنذار لأنك بتقول السنتر والإزاز بيقفلوا مع بعض..

**Salamonti** · 03-02-2013 02:57 AM

المشاركة الأصلية كتبت بواسطة algazar2

افتكرت حاجة تانى

من فتره اول لما نزل جهاز الديل الانسبريون ال i7 كان رخيص ناس كتير جابوه فى الجامعه كانت كل اللابات لما نحط عليها موبايل نوكيا من فوق اللاب يعمل سليب لوحده يعنى نمشى الموبايل على اللاب يقفل

الحرجة دي مالهاش أي علاقة بذبذبات الموبايل..
الفكرة ومافيها ان اللابتوب بيعمل سليب لما تقفل الشاشة بتاعتة عالكيبورد
طب اللاب بيعرف منين انك قفلتها ؟؟
في الأجهزة بتاعة زمان أوي كنت تلاقي فيها زرار بيتداس عليه لما الشاشة تقفل
دلوقتي فيه تكنولوجيا انهم عملوها باستخدام المجال المغناطيسي بدل الزرار..
بمعنة ان شاسيه اللاب فيه حتة معينة فيها مغناطيس موجب والجزء المقابل ليها في فريم الشاشة فيها مغناطيس سالب أو قطعة معدنية تدي الإشارة..
وبيتصادف ان الموبايل فيه موجات مغناطيسية جت عالمكان ده وأدت لأنه خد الإشارة بتاعته
أو ميدالية مفاتيحك أو أي قطعة معدنية ممكن تكون مشحونة شحنة استاتيكية وبرضه تعمل المجال المغناطيسي ده