الموضوع: ليون و لا فانتازيا ولا مازدا 3 و كرورلا

شكرا جدا يا باشا

وفييييييييييييت

المشاركة الأصلية كتبت بواسطة mostafa hashem

بص

لو عايز ثبات وامان وغرز يبقى الأوروبى طبعا .. الفانتازيا نفس موتور الليون بس الليون فتيس dsg بـ 7 غيار انما الفانتازيا ستيبترونك 6 غيار .. بس الليون تكسب فى السحب عشان اخف وزنا طبعا وهتعجبك اوى فى الغرز والشد ولو عايز حاجه شبابى يبقى الليون انسب حاجه .. انما الفانتازيا ثبات خرااااااااافى وشيااااااكه وامااان ونعومه واركبها وانتا حاطط فى بطنك بطيخه

عيوب العربيتين دول .. الخامات بتاعة الليون مش أد كده والتقفيل بتاعها مش ممتاز او على غير المتوقع من عربيه بـ 170000 ده غير المشكله الكبرى بتاعة الفتيس الفاشل فى مصر الـ dsg ده غير ان العفشه ناشفه حبتين ..

الفانتازيا سحب مش قوى لحد 100 كم\س بس بعد كده بتفتح معاك .. وده يتعوض بأنك تسوق على s بس استهلاك بنزين اعلى حبه .. وصوت موتور عالى حاجه بسيطه تكاد تكون لا تذكر وده من وجهة نظرى

الكلام ده عن تجربه شخصيه


نيجى لليابانى ..
المازدا تكسب فى الأوبشن والثبات طبعا بس سحبها بطئ بالنسبه لعربيه شبابى ده غير ان الفتيس ال 4 غيار ده بردو قديم شويه ..
الكورولا سعر مبالغ فيه ثبات مش أد كده بالنسبه لتمنها .. لكن الباقى مش هافتى فيه

باشا انتي اكيد مش بتتكلم عن المازدا اللي هيا المازدا زي اللي معايا صح ؟؟؟
باشا اقسم بالله انا قبل مغير طرمبة البنزين القيمة عشان كانت صعبت عليا ومتحمصة لانها من الفابريكة لحد ٢٤٠ الف كيلو هيا اللي في العربية
فجربت اجري بالطرمبة المتحمصة دي مع فانتازيا اكتر من مره اقسم بالله غرز وشد وطوالي ولا كان عارف يجيبني واخره عمال يقلبلي نور في المرايا دي حاجة
انا بقي لما غيرت الطرمبة البنزين بواحدة جديدة والله القربية تحوووولت انا مكنتش مصدق
والله معلم علي جولف ٤ ٢٠٠٠ سي سي اي نعم فتيسه كان فيه مشكلة بس ١٦٠ حصان يعني فرق كبييير بيني وبينه رغم كده اتعملت علييه النمرة المتينة
وكمان شديت مع بي ام ٣١٨ اي موديل ٢٠٠٢ مكنتها ٢٠٠٠ علي ابوها كان راكب فيها اربعة شديت معاه من ٤٠-١٧٠
تتخيل ان انا كنت متوقع انه هيترقعلي فوق ال١٠٠ لقيت نفسي انا اللي بفرق عنه لحد ١٧٠ باشت دي المازدا اللي انتا بتتكلم عليها وماشية ٢٥٠ الف مشاء الله تبارك الله تخيل لو كانت بشوكتها تحب اعرفك حاجة ناس كانو جايبنها من الزيرو من ال٠-١٠٠ في ١٠ثواني علي الdوالعربية فيها ٢ تخيل لو واحد بس اللي فيها وجابها علي الاستبترونك m
عزيزي لاتظلم المازدا بكلامك عنها حربها وانتا هتحبها وعلي فكرة ثباتها الله واكبر عليه
والفتيس الاربع نقلات اختراااع فاجر احسن من ابو سته اللي كله مشاكل ودي اقصي سرعة لكل غيار من غير متخش في الرد زوون
١-٦٠
٢-١٢٠
٣-١٧٠
٤-مع نفسك
لو هتخش في الرد زون
٣-١٨٠
٢-١٣٠
ادعي بقي لعربيتي عشان هتغير فتيس اه علي فكرة اسعار فتيس المازدا الاوتو من اول ٢٠٠٠-٣٠٠٠
ممكن تقولي سعر فتيس الفانتازيا ؟؟
او السيات؟؟
او التيوتا ؟؟
دعواتك للعربية بتاعتي تقوم بالسلامة والسلام ختام

من الردود بتاعه الزملاء حضرتك اكيد لاحظت ان كل رد حسب أولويات كل واحد و اعتقد ان حضرتك محتاج تحدد و ترتب متطلباتك ايه من العربيه و بناء عليه تعرف اى منهم اللى تناسبك اكتر منهم او حتى ممكن تلاقى التلاته مش هيناسبوا اولوياتك فالناس تنصحك بحاجات تانيه و هكذا . يعنى مفيش " الأحسن "لكن هناك "الانسب" لى ايه

تمااااااااااااااام جدا يا جماعه
و شكرا لكل الناس اللي بترد و مهتمه

المشاركة الأصلية كتبت بواسطة MOstafa Hashem

استاذ medokassem

ههههههههههههه .. هو انا قولت ايه بالظبط .. بقولك سحبها بطئ بالنسبه لعربيه شبااااابى بس مقولتش ان الفانتازبا تكسبها فى السحب .. المازدا تاكل طبعا عشان اخف وزنا

انا كنت اقصد بكلامى ان المازدا دى لو موتور اقوى حاجه بسيطه هتبقى مفيهاش غلطه .. ولو تقتكر انتا رديت عليا فى توبيك كنت بسأل فيه عن المازدا وانتا اللى تقريبا اقنعتنى بيهاا وروحت اتفرجت على واحده 2007 بس معجبتنيش وان شاء الله هشتريها فى خلال شهر حسب تساهيل ربنا ..

احب اقولك ان انا واااكل مازدا 3 2011 الشكل الجديد من سرعة 0 لحد 140 كم بس كان اكصدامو فى اكصدامى لحد 70 كم\س بعد كده فرقت عنو وكنت راكب الفيكترا 1800 مانيوال

وكنت راكب الفيكترا واخويا راكب الفانتازيا وكنا راجعين من سفر مع بعض وشدينا من سرعة 40 لحد 200 .. الفيكترا جمعت 90 قبل الفانتازيا بس بعد كده تسارع الفانتازيا زاد وقفل الـ 200 قبل الفيكترا بس مش بفرق كبير

واحنا بنفكر نعمل مشروع تربو للفانتازيا عشان موضوع السحب ده

الف سلامه لعربيتك .. وبالنسبه لأسعار فتيس الفانتازيا انا مش ناوى اسأل .. العربيه مكملتش 25000 كيلو .. يارب تفضل كده ومتزعلناش ..

وانا مش بعيب فى أى عربيه فى التوبيك ده بس ماينفعش تقارن المازدا 3 بالفانتازيا .. دى فئه ودى فئه تانيه خااالص

حبيب قلبي
بس صدقني لو الفانتازيا طلعت من الفيكترا يبقي ال3 يطلع منك مسترييييييييح
علي فكرة انا مش فارقة معايا مازدا ولا مش مازدا انا ممكن الحمد لله تاني يوم اجيب حتة ميني اس
بس انا بقول كلمة حق علي فكرة ال3 الجديدة مقفولة عند 170
اه منين تقولي ان المازدا تتطلع من الفانتازيا
ومنين تقولي ان الفانتازيا طلعت منك
ومنين تقولي بعد كده ان الفكترا طلعت من مازدا
باشا فئة ايه الفانتازياا هيا زيادة عن المازدا في ايه
فرامل Abs&Ebd
2airbag
ومش عايز ازعلك واقولك ان العربية دي ارسي من الفانتازيا
بص علي ارتفاعهم وانت تتاكد
انا عارف شعور انك تبقي دافع 200 الف في عربية وتزعل لما عربية ب155 الف تتقارن بيها بس صدقني لو المازدا كانت بياعة والاكتفيا لا كان زمان المازدا هيا اللي 200 والاكتافيا ب155
سوق مازدا واتغاشم في الغرز بيها وطير بيها هتعرف انا ليه بدافع عنها
وعلي فكرة احنا اخوات ونتناقش بس
تحياتي