الموضوع: رابـــــطة مالكـــــــــــــى شيفـــــرولـيـــــــة كــــــــــــروز

المشاركة الأصلية كتبت بواسطة eng_hatemfathy

جارى اشترى بفضل الله من يومين استرا كوزمو بتنجانى بس للاسف فرقت معاه يوم على السعر الجديد فمعرفناش ننزل حاجه بل بالعافية 195 الف
المهم لقيت كام فرق جوهرى بصراحة غايظنى جدا
اولا الباور كهربا مش هيدروليك وده بصراحة فرق رهيب حسيت بيه لما نزلت من الشارك للكروز لا الباور الكهربا بيبقى جميل جدا مع السرعات وبيخلى الواحد ميحسش بسرعته الحقيقية
الفرق التانى الجوهرى ان العربية بالكامل مصفحة من تحت وده برضه كان فارق معايا كتير فى اللادا وكان عملى جدا خصوصا فى شوارعنا وطبعا الشارك برضه كان فيها تصفيح بس مش كامل
طبعا فى كام اوبشن كده مهمين قوى زى الباركينج سنسورز ومذيب الضباب الامامى فى الزجاج والبلوتوث ومخرج اليو اس بى ومكن الرفع والهاند بريك الكهربا ومرايات الضم والتكييف الاتوماتيك
اما بقه كام جاجه كده مش موجودين وده قمة الاستفزاز زى الانذار للاسف مفيهاش انذار والكبوت مش مبطن من جوة والمرايات الضم مش مع الريموت يعنى لازم تقفلها قبل ما تنزل والا اقرب متطوع هيدمرها لما تصعب عليه ان حد يخبطها
والاغلس انهم عاملين االاستبن جنط حديد 16 عرض 165 على ما اذكر ومكتوب انه مينفعش تزود عن 80 كيلو فى الساعة وانت مركبه فلو لا قدر الله العربية عطلت فى السفر هيبقى ذل السنين
وطبعا مفيش فتحة سقف مع ان العربية بيها هتبقى حكاية
والمفاجأة اللى اتفاجأتها انها بولندى يعنى لا كورى ولا المانى
ربنا يباركله فيها لسه مركب معاه النمر بصراحة نمر الكروز افضل لانهم عاملين ليها قدام زى قاعدة منفصلة علشان متخرمش الاكصدام وورا ركبت لوحة استانلس فى المسامير المجهزة فى الشنطة وركبت عليها النمر بعد وضع كاوتش بينهم يرفعهم عن الشنطة قيمة المسمار وحطيت قدام المسمار صدادجلد ودبل فيس
عملت كده للاسترا دلوقتى ورا بس فى الاكصدام واضريت اخرم فى الامامى علشان مفيش وحدة منفصلة للتعليق

كوزمو

العربيه دى كانت من ضمن الخيارات اثناء الشراء بس كان سعرها 167000 وكانت اوفر 10000 يعنى تبقى 177000 وفلوسها ماكنتش جاهزه معايا وبعد الزياده الرهيبه طلعت بره الامكانيات

الباور الكهربا فعلا ميزه جميله وافضل من الزيت عمليا فى القياده وفى صيانته

اما بخصوص التصفيح فالكروز برضه مدرعه وعاليه عن الطريق ونادر جدا لا تحك ولازم تكون محمله كومبليت


الاوبشن ادفع فى مقابله وعشان كده الكروز ارخص بفارق كبير واغلب الاوبشن اى جهاز محترم حيعوض كل الامكانيات دى انا سالت فى كلاريون عن الشاشه التاتش الخاصه بالكروز الفيس ليفت وفيها كل ما تشتهى قالى حتوصل قريب ومتابعهم

الاستبن برضه عندنا 16 مش 17

اما بخصوص النمر برافو عليك انت كده عملت الصح انا عامل زى ما عملت كده فى الكروز ورا وقدام ومعدتش اى مسمار فى اللوحات الالمونيوم بس


السؤال الى عايز اجبته لما ركبت العربيه وعلى الرغم من ان الوتور واد والفتيس واحد حسيت باى فرق فى القياده ؟؟؟

تحياتى

المشاركة الأصلية كتبت بواسطة eng_hatemfathy

عندى فى الكروز بدأت اسمع صوت حديد فى حديد وانا محمل رجلى على الفرامل مش عارف هل فى مشكله فى التيل ولا ايه رغم انى عامل 6000 كيلو ولسه عامل صيانة الخمسة الاف من الف ونص تقريبا
هل الموضوع مستاهل اروح التوكيل ولا ممكن يبقى نزييق بسيط وهيروح
والمشكلة ان العربية بتدب جامد فى اى مطب ورحت بالشكوى من العفشة 3 مرات قبل كده وبعد ما غيروا المساعد الشمال قالولى فى كل مرة ان مفيش مشكلة لدرجة انى شاكك ان المساعد اللى اتركب مستعمل لان الصوت شبه زاد ولا يمكن بيتهيألى
الموضوع ده محيرنى جدا
هل فعلا عفشة العربية وحشة وبتعمل الدبدبة دى مع كمان ان الكاوتش مزعج ولا انا عندى مشكلة
نفسى اقابل حد معاه عربية زى عربيتى ويركب معايا ويقولى هل فى فرق ولا هيا هيا

حديد فى حديد دى جديده بس شوف التيل كده يمكن راح وانتهى !!!!!!!!!!!!!

انا برضه عامل 6100 كيلو بس مفيش كده


بتدب اى نعم بتدب بس ده بسبب الجنوط 17 والكاوتش السىء الى مع العربيه انا متاكد ان الكاوتش لو اتغير حيفرق كتير

حقابلك يوم الفرش واركب وجرب