الموضوع: رابـــــطة مالكـــــــــــــى شيفـــــرولـيـــــــة كــــــــــــروز

لا حول ولا قوة الا بالله يعني الاستاذ حسام كام خاد بوسة من تاكسي
بصراحة سواقين المشروع والتاكسي في اسكندرية من اسوأ السواقين وياريت محترفين انما غشم السنين والملاكي نص ونص
من سنة ونص طلعت انا وتلاته صحابي اسكندرية نقضي يوم ونرجع كان في ابريل ٢٠١٣ بالشارك الله يرحمها وطبعا خدنا الكورنيش كام مره وفي كل مره الاقي اشكال غلط راكبه عربيات وبتصيع زياده لما تلاقي نمر قاهرة وتاكساجي واحنا رايحين بحري عمل غرزة من اليمين لولا ستر ربنا ودخولي علي المعاكس واني لميت البوز تاني كان هيجيب الربع القدماني كله
المهم بعد ما اتغدينا عند قدورة وجايين نروح وقفنا في اشارة قبل ما نحصل المكتبه ومدخل الصحراوي واذا بمللكي داخل يمين في شارع عكسي وقابل واحده خارجه فراجع بضهره من غير ما يشوف مين وراه فلقيت اللي بيهبد في الاكطدام الخلفي والرفرف ونزل هوا وصاحبه يقولي معلش
نزلت لقيته عمل كحته وفلت الاكصدام من الكلبسات قعدت اركبه وبقوله شفت الكحته دي فقالي اسف بس في كحته مش مني
مسكت نفسي بالعافية علشان صحابي ميسخنوش عليه وقولتله روح الله يسهلك بس اتعلم السواقة قبل ما تخبط عربيات الناس وخدت بعضي وخرجت ورجلي علي البنزين ١٧٠ الي ١٨٠ لحد كارفور ودمي محروق
كان يوم رائع لكن اللي حصل اريف الواحد وعكنن عليه