رابـــــطة مالكـــــــــــــى شيفـــــرولـيـــــــة كــــــــــــروز

**hossam_elwani** · 31-05-2014 06:29 PM

ملحوظه

الفرق الى لاحظته على الواقع امبارح بين 2013 و 2014 غير esp والجنوط ال 16 واشارت المرايات وعدم وجود ولاعه هو عد وجود كالون قفل درج التابلوه وده موجود فى 2013

**ddo** · 31-05-2014 06:55 PM

المشاركة الأصلية كتبت بواسطة ashouhdy

+1 بس التانية لازم تعلق صبعاك حوالى 5 ثوانى لحد ما علامة ال esp تنور في التابلوة جمب علامة ال tc

ومنصحش اى حد يقفلها الا لو العربية غرزت ومحتاج يطلعها

في علامة تانية عالشمال مش بتنور غير لما ال esp يشتغل

انا بحسب لما اضغط على الزرار وبيدى العلامتين انهم اشتغلو طيب ازاى ارجعهم ثانى يشتغلو ممكن الشرح بالتفصيل

**ddo** · 31-05-2014 07:50 PM

ياملكى الكروز عايز توضيح بالتفصيل ازاى اوقف عمل esp وازاى اشغله ثانى وازاى اعرف انه اشتغل برجاء التوضيح بالتفصيل

**NaderNabil** · 31-05-2014 08:13 PM

الطبيعي انه شغال طول الوقت
لما تدوس على الزرار زي ما الاخوة وضحوا و اللمض تظهر معناها انه النظام مش شغال
لما اللمض تطفي يبقى النظام اشتغل تاني

الافضل متشغلش بالك بيه و سيبه شغال على طول

**ddo** · 31-05-2014 08:48 PM

المشاركة الأصلية كتبت بواسطة NaderNabil

الطبيعي انه شغال طول الوقت
لما تدوس على الزرار زي ما الاخوة وضحوا و اللمض تظهر معناها انه النظام مش شغال
لما اللمض تطفي يبقى النظام اشتغل تاني

الافضل متشغلش بالك بيه و سيبه شغال على طول

شكرا لك بس وضح لى ازاى اشغله ثانى انا دوست على زرار القفل وطلع علامة tc وبعد كده ضغطت ثانى ظهرعلامة سيارة منزلقة وعاملة off عايز اعرف ارجع النظام ثانى يشتغل ازاى ياريت التوضيح تفصيلا ازاى اقفل النظام وازاى اشغله ثانى ياريت التوضيح

**Eng_Moh.Dewair** · 01-06-2014 05:01 AM

بمجرد ما انت بطلت العربيه و شغلتها تانى فالesp و tcr بيرجعوا يشتغلوا من تانى اوتوماتيك من نفسهم و طريقه الاغلاق زى ما انت عملت ضغطه بتقفل ال tcr و الضغطه التانيه بتقفل ال esp كلو و تعلق ايدك 5 ثوانى زى ما دكتور شهدى وضح و الافضل انك تسيبهم شغالين و متجيش جنبهم

**haytham128** · 02-06-2014 02:31 PM

سؤال الى مالكى كروز 2014...أنا ان شاء الله هستلم بكرة كروز 2014 من معرض الملك الى فى شارع النزهة رحت اتفرجت على العربية لقيت مفيش زرار بيفتح الشنطة أو تنك البنزين من جوة العربية فسألت بتاع المعرض قالى الشنطة بتفتح من الريموت و التنك مع السنتر بتاع الابواب بس أنا مش مقتنع ان مفيش حاجة بتفتحهم من جوة العربية..هل الكلام دا صح و فى نفس الوقت فى ناحية الشمال فوق الذراع الى بيفتح الكبوت حاجة كده عاملة زى بنات و المفروض حاجة تركب عليها مش موجودة ده طبيعى ولا ايه..برجاء الرد عشان انا هستلم بكرة ان شاء الله

**Eng_hatemfathy** · 02-06-2014 02:38 PM

تقرير استهلاك بنزين علي طريق اسكندرية علي سرعات مختلفة
العربية علي سرعة تسعين بيبقي استهلاكها حوالي ٦ ونص لتر لكل ميت كيلو متر
ولما بت يد السرعة ل ١٠٠ كيلو ساعة بيزيد الاستهلاك ل سبعة ونص لتر لكل ميت كيلومتر
ولما السرعة بتزيد ل ١٢٠ كيلو في الساعة بيزيد الاستهلاك ل عشرة ونص لتر لكل ميت كيلومتر
اول السرعة ما بتجيب ١٤٠ او ١٥٠ بيوصل الاستهلاك ل ١٥ ونص لتر الي ١٦ لتر لكل ميت كيلو متر واول ما بيكون في مطلع والعربية تسقط نقله بيوصل عدد اللفات ل خمسة الاف والاستهلاك عندها ٢١ الي ٢٢ لتر لكل ميت كيلو
طبعا التجربة دي كلفتني ١٥٠ جنيه مخالفة سرعة -ههههههه
وعشرين او خمسة وعشرين جنيه زيادة استهلاك
حد عمل الاختبار ده قبل كده وعنده وضع مختلف
طبعا العربية علي ١٥٠ علي طريق العلمين كان الهوا بيأثر فيها ومطبات الهوا حدث ولا حرج وكانها لادا
الشارك كانت علي الطريق ده ولا التريلا -يلا الله يرحمها

**Eng_hatemfathy** · 02-06-2014 02:43 PM

المشاركة الأصلية كتبت بواسطة haytham128

سؤال الى مالكى كروز 2014...أنا ان شاء الله هستلم بكرة كروز 2014 من معرض الملك الى فى شارع النزهة رحت اتفرجت على العربية لقيت مفيش زرار بيفتح الشنطة أو تنك البنزين من جوة العربية فسألت بتاع المعرض قالى الشنطة بتفتح من الريموت و التنك مع السنتر بتاع الابواب بس أنا مش مقتنع ان مفيش حاجة بتفتحهم من جوة العربية..هل الكلام دا صح و فى نفس الوقت فى ناحية الشمال فوق الذراع الى بيفتح الكبوت حاجة كده عاملة زى بنات و المفروض حاجة تركب عليها مش موجودة ده طبيعى ولا ايه..برجاء الرد عشان انا هستلم بكرة ان شاء الله

الشنطة بتفتح من الريموت او من زرار فيها بين لمبات النمر فسهل انك تفتحها من الريموت من جوه
والتانك مفتوح لو السنتر مفتوح يعني بيفتح ويقفل سوسته بالضغط عليه