الموضوع: ساعدوني يارجاله في تكمله الزينون اللي عندي عشان الصوره تطلع حلوه :)

المشاركة الأصلية كتبت بواسطة bodi_dodo

بص ياباشا علشان تكون فاهم معنى الكلام
اولا: كلفن دي مقياس لدرجه الحراره
النور الزينون مش بيتقاس بالوات زي اللمبه العديه اي زينون بيكون يا اما 35 وات يا اما 55 وات بس لما يكون 4300 كلفن ده معناه ان الزينون لون الاضائه بتاعه بيضاء اما لو كان 6000 كلفن ده معناه ان الزينون لون الاضائه بتاعه ازرق وطبعا الابيض احسن
ده معناه ان الفوجات والنور العالي يا اما تجيبهم لمبات هالوجين عاديه بس لونها ابيض وفي الحاله دي انا بنصحك بالمبات الفيليبس الرالي والافضل منها لمبات الفيليبس اكستريم فيجين
(philips xtreme vision) دي افضل بكتيير جدا ده لو لقيتها الي بيجبها بيجبها من برا مصر بس مش عارف موجوده هنا ولا لا
يا اما تركب يا برنس زينون في العالي والفجات برضه يكون 4300 كلفن
ارجو ان اكون افدتك

ياباشا تسلملي انا والله فاهم الكلام ده كويس متقلقش اخوك قديم في الموضوع ده :)
مشكلتي اني عايز لمبه هالوجين بس تكون درجه اضائتها 4300 او 5000 بالكتير
والصراحه زي ماقولت قبل كده بلاش تركيب الزينون في فانوس عادي لازم يبقي عدسه عشان الاذي فانا بالتالي رافض موضوع الفوج والعالي ده نهائي انا مش عايز حد يدعي عليا وانا ماشي مش ناقصه :)

المشاركة الأصلية كتبت بواسطة algazar2

الفيليبس رالى كويسه جدا و الاوسرام نايت بريكر الاتنين اضائتهم ابيض اسال عليهم فى محل المدينه فى دمشق

تمام جدا انا ميال للفيبلبس رالي وعارف انها قويه جدا 100 w وكده بس مستني اعرف درجه لونها ايه في الاضاءه
وانت بتقولي انها ابيض (مش اصفر ولا تلجي ) ابيض يبقي 4300k لو كده يبقي تمام
المشكله الراجل ده (المدينه) بيبيع بس وملوش دعوه بالتجربه وكده (راجل كبير في السن ومش متفهم اوي)